Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №95

  2016 jylǵy 8 aqpan, Astana qalasy Qazaqstan Respýblıkasynda psıhıatrııalyq kómek kórsetýdi uıymdastyrý standartyn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-baby 1-tarmaǵynyń 6) tarmaqshasyna jáne Qazaqstan Respýblıkasy Úkimetiniń 2014 jylǵy 23 qyrkúıektegi № 1005 qaýlysymen bekitilgen Qazaqstan Respýblıkasy Densaýlyq saqtaý jáne áleýmettik damý mınıstrligi týraly erejeniń 16-tarmaǵynyń 9) tarmaqshasyna sáıkes buıyramyn: 1. Qazaqstan Respýblıkasynda psıhıatrııalyq kómek kórsetýdi uıymdastyrý standarty bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdik baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúniniń ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T. DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2016 jylǵy 8 aqpandaǵy №95 buıryǵymen bekitilgen Qazaqstan Respýblıkasynda psıhıatrııalyq kómek kórsetýdi uıymdastyrý standarty 1. Jalpy erejeler 1. Qazaqstan Respýblıkasynda psıhıatrııalyq kómekti uıymdastyrý standarty (budan ári – Standart) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń (budan ári – Kodeks) 7-baby 1-tarmaǵynyń 6) tarmaqshasyna jáne Qazaqstan Respýblıkasy Úkimetiniń 2014 jylǵy 23 qyrkúıektegi № 1005 qaýlysymen bekitilgen Qazaqstan Respýblıkasy Densaýlyq saqtaý jáne áleýmettki damý mınıstriligi týraly erejeniń 16-tarmaǵy 9) tarmaqshasyna sáıkes ázirlengen. 2. Osy Standart ambýlatorııalyq-emhanalyq, stasıonarlyq jáne stasıonardy almastyratyn deńgeılerde psıhıkalyq aýrýlary bar pasıentterge medısınalyq kómek kórsetýdi uıymdastyrýǵa qoıylatyn jalpy qaǵıdattar men talaptardy belgileıdi. 3. Qazaqstan Respýblıkasynda psıhıatrııalyq kómek kórsetetin uıymdardyń shtattary «Densaýlyq saqtaý uıymdarynyń úlgi shtattary men shtat normatıvterin bekitý týraly» Qazaqstan Respýblıkasy Densaýlyq saqtaý mınıstriniń 2010 jylǵy 7 sáýirdegi № 238 buıryǵymen (Qazaqstan Respýblıkasynyń normatıvtik quqyqtyq aktilerin memlekettik tirkeý tizilimine № 6173 bolyp tirkelgen) bekitilgen úlgi shtattary men shtat normatıvterine sáıkes belgilenedi. 4. Osy Standartta paıdalanylatyn anyqtamalar: 1) dınamıkalyq baıqaý – halyq densaýlyǵynyń jaı-kúıin júıeli túrde baıqaý, sondaı-aq osy baıqaýdyń nátıjeleri boıynsha qajetti medısınalyq kómek kórsetý; 2) medısınalyq kýálandyrý – jeke tulǵany onda aýrýynyń bolý nemese bolmaý faktisin anyqtaý nemese rastaý, onyń densaýlyq jaǵdaıyn, sondaı-aq eńbekke ýaqytsha jaramsyzdyǵyn, kásiptik jáne ózge de jaramdylyǵyn aıqyndaý maqsatynda zerttep-qaraý; 3) medısınalyq-áleýmettik kómek (budan ári – MÁK) – Kodekstiń 43-babynyń 2-tarmaqshasyna sáıkes áleýmettik máni bar aýrýlardan zardap shegetin azamattarǵa usynylatyn medısınalyq jáne áleýmettik- psıhologııalyq kómek; 4) medısınalyq-áleýmettik ońaltý – jumysqa aralastyrýǵa, otbasylyq jáne qoǵamdyq ómirge qatystyrýǵa arnalǵan medısınalyq, áleýmettik jáne eńbek is-sharalaryn keshendi paıdalaný arqyly naýqastar men múgedekterdiń densaýlyǵyn qalpyna keltirý; 5) psıhıatrııalyq uıym – negizgi qyzmeti psıhıkalyq buzylýlardan (aýrýlardan) zardap shegetin adamdarǵa medısınalyq-áleýmettik kómek kórsetý, saraptama júrgizý (áskerı-dárigerlik, sot-psıhıatrııalyq, ýaqytsha eńbekke jaramsyzdyq saraptamasy), konsýltasııalyq psıhıatrııalyq, psıhoterapııalyq jáne medısınalyq-psıhologııalyq kómek kórsetý bolyp tabylatyn medısınalyq densaýlyq saqtaý uıymy; 6) profılaktıka – aýrýlardyń paıda bolýynyń, olardyń erte satyda órshýiniń aldyn alýǵa jáne oryn alǵan asqynýlardy, aǵzalar men tinderdiń búlinýlerin baıqaýǵa baǵyttalǵan medısınalyq jáne medısınalyq emes is-sharalar kesheni; 7) pasıent – medısınalyq qyzmetterdiń tutynýshysy bolyp tabylatyn (bolyp tabylǵan) jeke tulǵa; 8) psıhıkalyq buzylýlar (aýrý) – adamnyń bas mıy jumysynyń buzylýyna baılanysty psıhıkalyq qyzmetiniń buzylýy. 2. Qazaqstan Respýblıkasynda psıhıatrııalyq kómek kórsetetin uıymdar qyzmetiniń negizgi baǵyttary 5. Qazaqstan Respýblıkasynda psıhıatrııalyq kómek kórsetetin medısınalyq uıymdardyń negizgi maqsattary, mindetteri, túrleri men qurylymy Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 6 qańtardaǵy № 15 buıryǵymen (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 6776 bolyp tirkelgen) bekitilgen Psıhıatrııalyq uıymdardyń qyzmeti týraly erejemen aıqyndalyp, reglamenttelgen. 6. Psıhıkalyq jáne minez-qulyq buzylýlary bar pasıentterge medısınalyq jáne áleýmettik kómek kórsetetin mamandar: 1) psıhıatrııalyq uıymnyń shtattaǵy qyzmetkerleri – mynadaı mamandyqtar boıynsha dárigerleri: psıhıatrııa (narkologııa, psıhoterapııa, seksopatologııa, medısınalyq psıhologııa, sot-psıhıatrııalyq saraptama, sot-narkologııalyq saraptama), balalar psıhıatrııasy (narkologııa, medısınalyq psıhologııa, sot-psıhıatrııalyq saraptama, sot-narkologııalyq saraptama); 2) meıirgerler; 3) áleýmettik qyzmetkerler. 3. Qazaqstan Respýblıkasynda psıhıatrııalyq kómek kórsetýdi uıymdastyrý 7. Qazaqstan Respýblıkasynda psıhıatrııalyq kómek kórsetý mynadaı nysandar boıynsha júzege asyrylady: 1) ambýlatorııalyq-emhanalyq kómek, onyń ishinde konsýltasııalyq-dıagnostıkalyq kómek; 2) stasıonarlyq kómek; 3) stasıonardy almastyratyn kómek; 4) jedel medısınalyq járdem. 8. Ambýlatorııalyq psıhıatrııalyq kómek mynalardy qamtıdy: 1) psıhıatrdyń konsýltasııasyna pasıentten (nemese onyń zańdy ókilinen) jazbasha kelisim alý jáne em qabyldaý; 2) pasıenttiń jaǵdaıyn anyqtaý jáne dıagnoz qoıý maqsatynda psıhıatr dárigerdiń qarap-tekserýi; 3) dıagnozdy anyqtaý maqsatynda pasıentterdi eksperımentaldyq-psıhologııalyq, logopedtik, zerthanalyq jáne aspaptyq qarap-tekserý; 4) pasıentterdi anyqtaý jáne emdeýge jatqyzýǵa jiberý; 5) pasıentterdi (kórsetilimderi boıynsha) resimdeý jáne konsýltasııalyq baıqaýdy júzege asyrý; 6) pasıentterdi toptar boıynsha resimdeý, stratıfıkattaý jáne (kórsetilimderi boıynsha) dınamıkalyq baıqaýdy júzege asyrý. 9. Psıhıkalyq buzylýlardan (aýrýlardan) zardap shegetin pasıentterdi dınamıkalyq (dıspanserlik) baıqaý toptary osy Standartqa qosymshaǵa sáıkes anyqtalady. 10. Psıhıkalyq buzylýlary (aýrýlary) bar pasıentterge stasıonarlyq kómek Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 29 qyrkúıektegi № 761 buıryǵymen bekitilgen (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 12204 bolyp tirkelgen) Stasıonarlyq kómek kórsetý qaǵıdalaryna sáıkes júzege asyrylady. 11. Stasıonarlyq psıhıatrııalyq kómek mynalardy qamtıdy: 1) Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qazandaǵy № 907 buıryǵymen (budan ári – № 907 buıryq) (Normatıvtik quqyqtyq aktilerdiń memlekettik tizilimine № 6697 bolyp tirkelgen) bekitilgen Densaýlyq saqtaý uıymdarynyń bastapqy medısınalyq qujattama nysandaryna sáıkes belgilengen medısınalyq qujattamany rásimdeý; 2) emdi tańdaý jáne júrgizý klınıkalyq hattamalarǵa sáıkes júrgiziledi; 3) psıhıatr dárigerdiń alǵashqy kúntizbelik 10 kún boıy kúndelikti, odan keıin – aptasyna 2 ret qarap-tekserýi, emdi túzetýi (qajet bolǵan jaǵdaıda); 4) klınıkalyq hattamalarǵa sáıkes beıindi mamandardyń konsýltasııalar, klınıkalyq-zerthanalyq, psıhologııalyq-eksperımentaldyq, zerthanalyq-eksperımentaldyq zerttep-qaraý ádisterin júrgizýi. 12. Psıhıkalyq jáne minez-qulyq buzylýlary bar pasıentterge stasıonardy almastyratyn kómek Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 17 shildedegi №669 buıryǵymen (Qazaqstan Respýblıkasynyń normatıvtik quqyqtyq aktilerin memlekettik tirkeý tizilimine № 12106 bolyp tirkelgen) bekitilgen Stasıonardy almastyratyn kómek kórsetý qaǵıdalaryna sáıkes júzege asyrylady. 13. Psıhıkalyq jáne minez-qulyq buzylýlary bar pasıentterge stasıonardy almastyratyn kómek mynalardy qamtıdy: 1) em qabyldaýǵa pasıenttiń (nemese onyń zańdy ókiliniń) jazbasha kelisimin alý; 2) pasıenttiń psıhıkalyq statýsyn anyqtaý jáne dıagnozyn belgileý maqsatynda psıhıatr dárigerdiń (klınıkalyq-psıhopatologııalyq ádisti paıdalana otyryp) qarap-tekserýi; 3) kásibı jaramdylyq, oqytý, (qajettiligine qaraı) qyzmettiń ózge de túrleri máselelerin sheshý úshin medısınalyq-áleýmettik ońaltý sharalaryn ázirleý maqsatynda pasıentterdi eksperımentaldyq-psıhologııalyq, logopedtik, zerthanalyq, klınıkalyq-aspaptyq zerttep-qaraý; 4) klınıkalyq hattamalarǵa sáıkes em júrgizý; 5) komplaıensti – pasıenttiń dáriger usynymdaryn ustanýyn jáne onyń mıkroáleýmettik ortasyn nyǵaıtý; 6) № 907 buıryqpen bekitilgen densaýlyq saqtaý uıymdarynyń bastapqy medısınalyq qujattama nysandaryna sáıkes medısınalyq qujattamany rásimdeý. 14. Stasıonardy almastyratyn psıhıatrııalyq kómek, psıhıkalyq jáne minez-qulyq buzylýlarynyń kúsheıýi profılaktıkasyn jáne (nemese) terapııasyn jáne (nemese) dekompensasııasyn táýlik boıy baıqaýdy talap etpeıtin jaǵdaıda pasıenttiń (nemese onyń zańdy ókiliniń) jazbasha kelisiminiń negizinde kórsetiledi. 15. Jedel medısınalyq kómek Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 sáýirdegi № 269 buıryǵymen (Qazaqstan Respýblıkasynyń normatıvtik quqyqtyq aktilerin memlekettik tirkeý tizilimine № 11263 bolyp tirkelgen) bekitilgen Jedel medısınalyq kómek kórsetý jáne sanıtarııalyq avıasııa nysanynda medısınalyq kómekti usyný qaǵıdalaryna sáıkes júzege asyrylady. 16. Psıhıkalyq jáne minez-qulyq buzylýlary bar pasıentter úshin sanatorııalyq-kýrorttyq uıymdarda medısınalyq ońaltý qarsy kórsetilgen. 17. Psıhıkalyq buzylýlardan (aýrýlardan) zardap shegetin pasıentterdi dári-dármekpen qamtamasyz etý Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 4 qarashadaǵy № 786 buıryǵymen bekitilgen tegin medısınalyq kómektiń kepildik berilgen kóleminiń sheńberinde ambýlatorııalyq deńgeıde belgili bir aýrýlary (jaı-kúıi) bar halyqty tegin qamtamasyz etý úshin dárilik zattardyń jáne medısınalyq maqsattaǵy buıymdardyń jáne mamandandyrylǵan emdik ónimderdiń tizbesine sáıkes júzege asyrylady (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 7306 bolyp tirkelgen). 4. Psıhıkalyq jáne minez-qulyq buzylýlary bar pasıentterge MÁK kórsetýdi uıymdastyrý 18. Psıhıkalyq jáne minez-qulyq buzylýlary bar pasıentterge medısınalyq-áleýmettik kómek kórsetýdiń negizgi qaǵıdattary Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 sáýirdegi №285 buıryǵymen (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 11226 bolyp tirkelgen) bekitilgen Áleýmettik máni bar aýrýlardan zardap shegetin azamattarǵa usynylatyn medısınalyq-áleýmettik kómek kórsetý qaǵıdalaryna sáıkes reglamentteledi. 19. Psıhıkalyq buzylýlary (aýrýlary) bar pasıentterge MÁK-ti psıhıatrııalyq uıymnyń jáne medısınalyq-sanıtarııalyq alǵashqy kómek uıymdarynyń shtattaǵy psıhoterapevt dárigerleri, psıhologtary, áleýmettik qyzmetkerleri jáne meıirgerleri kórsetedi. 20. MÁK kórsetý pasıenttiń psıhıatrııalyq uıymǵa júgingen sátinen bastalady. 21. MÁK kórsetý áleýmettik-medısınalyq jáne áleýmettik-psıhologııalyq qyzmet túrinde júzege asyrylady. 22. Áleýmettik-eńbektik ońaltý emdik-eńbek sheberhanalarynda (budan ári – EESh) júrgiziledi, onda EESh-tiń psıhıatr dárigerleri em júrgizedi, al EESh-tiń qyzmet kórsetetin orta medısına qyzmetkerleri dárigerlerdiń taǵaıyndamasy boıynsha dárilik zattardy beredi jáne paıdalanylǵan dárilik zattardy esepten shyǵarady. 23. Stasıonarlyq emdeýdegi jáne EESh-te eńbek terapııasynan ótip jatqan pasıentter dári-dármektik emdi jáne tamaqty stasıonardyń tıisti bólimshelerinde jalpy negizderde alady. 24. EESh-te eńbek terapııasynyń kýrsy aıaqtalǵannan keıin pasıentterdi jumysqa ornalastyrýǵa jáne kásiporyndarda nemese áleýmettik qamtamasyz etiletin mekemelerde olardyń jańa kásipti meńgerýine kómek kórsetiledi. 25. EESh-te eńbek terapııasynan ótip jatqan árbir pasıentke medısınalyq taǵaıyndamalar, usynylatyn eńbek túrleri, eńbek terapııasynyń baǵasy kórsetilgen eńbek terapııasynyń esep kartasy ashylady, ol pasıent eńbek terapııasy kýrsyn aıaqtaǵannan keıin psıhıatrııalyq uıymǵa beriledi. 26. Stasıonarlyq emdegi pasıentterdi EESh-ke eńbek terapııasyna jiberýdi emdeýshi dáriger júzege asyrady. Psıhonevrologııalyq dıspanserlerde emdeýshi dáriger medısınalyq kórsetilimderge sáıkes pasıentterdi EESh-ke jiberý úshin olarǵa aldyn ala irikteý júrgizedi. 27. Túpkilikti anyqtaý jáne dıspanserlik baıqaýdaǵy pasıentterdi EESh-ke jiberýdi, quramynda psıhıatrııalyq uıymnyń birinshi basshysy, emdeýshi dáriger men EESh-tiń psıhıatr dárigeri bar komıssııa júzege asyrady. 28. EESh-ke densaýlyq jaǵdaıy boıynsha eńbek terapııasyn júrgizýge bolmaıtyn pasıentter, sondaı-aq: 1) seksýaldy alymsaqtyqqa beıim, beıáleýmettik minezi bar psıhopattar, jalaqorlar; 2) nashaqorlar, alkogolıkter; 3) aýyr somatıkalyq nemese ınfeksııalyq aýrýlarmen aýyratyn psıhıkalyq naýqastar jiberilmeıdi. 29. Jıi qurysý talmasy bar jáne esiniń uzaq kúńgirt kúıdegi, tez qozatyn jáne seksýaldy alymsaqtyqqa beıim, minez-qulqy buzylǵan pasıentter úshin jáne soǵan baılanysty EESh ujymyndaǵy shydamsyz pasıentter úshin eńbek prosesteri úıde uıymdastyrylady. 30. Pasıentterdiń EESh-te eńbek terapııasynan ótý merzimi tek medısınalyq kórsetilimderge baılanysty anyqtalady. Árbir alty aı saıyn psıhıatrııalyq uıymnyń birinshi basshysy EESh psıhıatr dárigerimen birlesip naýqasty EESh-te eńbek arqyly emdeýdi jalǵastyrýdyń oryndylyǵy týraly máseleni sheshedi. 5. Psıhıkalyq jáne minez-qulyq buzylýlary bar pasıentterge kúndizgi stasıonarda medısınalyq kómek kórsetýdi uıymdastyrý 31. Kúndizgi stasıonarda (budan ári – KS) kúsheıgen nemese psıhıkalyq kúıdiń dekompensasııasy bar, belsendi terapııany, kúndelikti dárigerdiń baıqaýyn qajet etetin jáne mindetti emdeýge jatqyzýdy, olarǵa emdeý-qalpyna keltirý is-sharalarynyń aýqymdy keshenin júrgizýdi talap etpeıtin pasıentterge emdeý uıymdastyrylady. 32. KS-te psıhıatrııalyq stasıonarda negizgi emdeý kýrsyn alǵan, jartylaı stasıonarlyq kúıge aýysatyn jáne qarapaıym ómir súrý ortasyna birtindep beıimdelýdi qajet etetin pasıentterge tolyq emdelý uıymdastyrylady. 33. KS-te, onyń ishinde eńbek jáne áskerı-dárigerlik saraptama máselelerin sheshý maqsatynda dıagnozdy jáne jaǵdaıdyń erekshelikterin naqtylaý júrgiziledi. Saraptamalyq máselelerdi sheshýdi quramynda keminde úsh dáriger bar komıssııa júzege asyrady. 34. KS-te ýchaskelik psıhıatr dárigermen birlesip, KS-te emdelip jatqan psıhıkalyq naýqastarǵa áleýmettik-quqyqtyq kómek kórsetiledi. 35. KS-ke mynalar qabyldanady: 1) belsendi emdeýdi qajet etetin, psıhıatrııalyq stasıonarǵa mindetti emdeýge jatqyzýdy talap etpeıtin, sonymen qatar minez-qulyqtyń rettiligin jáne emdeýde oń nusqaýdy saqtaıtyn pasıentter; 2) eger dárigerdiń kúndelikti baıqaýy talap etilse, qoldaýshy terapııany túzetýdi qajet etetin pasıentter; 3) shekti jaǵdaılar sheńberinde psıhopatologııalyq buzylýlardyń asqynýy nemese kompensasııasy bar pasıentter; 4) psıhıkalyq aýrýlardyń bastapqy nemese dıagnostıkalaý, sondaı-aq resıdıvti profılaktıkalaý maqsatynda onyń kúsheıýi satysyndaǵy pasıentter; 5) eger psıhıatrııalyq dıagnozdy belgileý KS jaǵdaıynda júzege asyrylsa, belgisiz dıagnoz jaǵdaılaryndaǵy pasıentter. 36. KS-ke qabyldaýǵa jatpaıtyndar: 1) ózine jáne aınalasyndaǵylarǵa tikeleı qaýip tóndiretin pasıentter; 2) psıhopatııasy jáne fobııasy bar astenııalyq buzylýlardyń dekompensasııalanǵan nysandary bar pasıentter; 3) óziniń psıhıkalyq jaǵdaıyna jáne minez-qulqyna baılanysty basqa pasıentterge teris áser etetin jáne KS rejimin oryndaýǵa qabiletsiz pasıentter; 4) aýyr somatıkalyq, sondaı-aq ınfeksııalyq jáne qaýipti kezeńde venerııalyq aýrýlardan zardap shegetin pasıentter; 5) alkogolızmnen, nashaqorlyqtan jáne ýytqumarlyqtan zardap shegetin pasıentter (kórsetilgen adamdar mamandandyrylǵan narkologııalyq KS-te emdeledi). 37. KS jumysyn uıymdastyrý psıhonevrologııalyq dıspansermen (psıhıkalyq densaýlyq ortalyǵymen, dıspanserlik bólimshemen, kabınetpen), emhanalardyń psıhoterapevtik kabınetterimen, sondaı-aq naýqastardy KS jiberetin psıhıatrııalyq stasıonarlarmen jáne osy aýmaqtaǵy basqa da medısınalyq uıymdarmen tyǵyz baılanysy júrgiziledi. 38. KS-te pasıentterdi anyqtaýdy qajetti medısınalyq zerttep-qaraýlardan keıin naýqasty baqylaıtyn emdeýshi dáriger júrgizedi. Pasıentterdi KS-ke emdeýge qabyldaý týraly máseleni KS meńgerýshisi sheshedi. 39. Pasıentti qabyldaý kezinde týyndaıtyn daýly jaǵdaılarda naqty sheshimdi qurylymynda DS bar psıhıatrııalyq uıymnyń bas dárigeri (bas dárigerdiń emdeý bólimi boıynsha orynbasary) qabyldaıdy. 40. Pasıenttiń kúndelikti kelý ýaqytyn qysqartýǵa, sondaı-aq naýqasty qarapaıym ómir súrý jaǵdaıyna tikeleı qosý úshin KS-ke kelýden bos kúnder berýge ruqsat etiledi. 41. KS-te árbir pasıentke № 907 buıryqpen bekitilgen 003/e nysany boıynsha stasıonarlyq naýqastyń medısınalyq kartasy ashylady. 42. Pasıentti KS-ten shyǵarý kúni kóshirmesi ambýlatorııalyq naýqastyń medısınalyq kartasyna qosý úshin pasıenttiń turǵylyqty jeri boıynsha psıhonevrologııalyq dıspanserge (psıhıkalyq densaýlyq ortalyǵyna, dıspanserlik bólimshege, kabınetke) jiberiletin epıkrız jasalady. 43. KS-te pasıenttiń jaǵdaıyn táýlik boıy medısınalyq baqylaýdy talap etpeıtin emdeýdiń barlyq túri júzege asyrylady. Psıhofarmakoterapııanyń jáne belsendi terapııanyń basqa da túrleri fızıoterapııamen, psıhoterapııamen, jumysbastylyq terapııasymen, áleýmettik terapııamen, eńbek terapııasymen birge júrgiziledi. 44. KS-tegi pasıentterge «jartylaı stasıonar» rejimi kórsetilgen eńbekke ýaqytsha jaramsyzdyq paraqtary beriledi. Pasıenttiń KS-te emdelýde bolý merzimi kúntizbelik 90 kúnnen aspaıdy. Pasıenttiń KS-te odan ári bolýy qajet bolǵan kezde dárigerlik-konsýltasııalyq komıssııanyń sheshimimen bolý merzimi uzartylady. 45. Táýliktik medısınalyq baıqaýdy jáne emdeýdi talap etetin, pasıenttiń jaǵdaıy nasharlaǵan jaǵdaıda, ol tez arada psıhıatrııalyq uıymnyń tıisti stasıonarlyq bólimshesine aýystyrylady. Qazaqstan Respýblıkasynda psıhıatrııalyq kómek kórsetýdi uıymdastyrý standartyna qosymsha Psıhıkalyq buzylýlardan (aýrýlardan) zardap shegetin pasıentterdi dınamıkalyq (dıspanserlik) baıqaý toptary 1. Birinshi top – emdeýge jatqyzýmen qosa júretin, psıhotıkalyq sımptomatıkasynyń jıi jáne aıqyn asqynýlary bar pasıentter (jylyna eki jáne odan kóp). Olardy baıqaýdyń jıiligin jeke-jeke árbir naqty jaǵdaıda dáriger belgileıdi, kúntizbelik jeti kúnde bir retten kúntizbelik otyz kúnde bir retke deıin. 2. Ekinshi top – ambýlatorııalyq jáne (nemese) stasıonardy almastyratyn jaǵdaıda basylatyn psıhıkalyq buzylýlarynyń dekompensasııasy men asqynýlary bar pasıentter. Qaraýdyń jıiligi úsh kúnnen kúntizbelik jeti kún kezeńdiligimen júzege asyrylady. 3. Úshinshi top – úderistiń birkelki progredıentti aǵymymen jáne spontandyq remıssııalarymen turaqtanǵan kúıdegi pasıentter. Tekserip-karaý jıiligi úsh aıda bir retten jıi emes. 4. Tórtinshi top – qazirgi ýaqytta belsendi áleýmettik-saqtandyrý is-sharalaryn talap etpeıtin psıhopatologııalyq buzylýlarynyń remıssııa nemese kompensasııa jaǵdaıyndaǵy, jaqsy áleýmettik-eńbektik jáne turmystyq beıimdelgen pasıentter. Tekserip-qaraý jıiligi 6 aıda bir retten jıi emes, 12 aı ótkennen keıin – dınamıkalyq baıqaýdan alyp tastaý týraly máseleni qaraý. 5. Besinshi top (belsendi dınamıkalyq baıqaý toby) - áleýmettik-qaýipti áreketterge beıim, onyń ishinde kámelettik jasqa tolmaǵandarǵa qatysty seksýaldyq sıpattaǵy zorlyq áreketterin jasaý qaýpi bar pasıentter, sondaı-aq joǵary sýısıdtik qaýipteri bar adamdar. Tekserip-karaý jıiligi aı saıyn (kórsetilimderi bolǵan jaǵdaıda - jıi). Buıryq Qazaqstan Respýblıkasynyń Ádilet mınıstrliginde 2016 jylǵy 5 naýryzda Normatıvtik quqyqtyq kesimderdi memlekettik tirkeýdiń tizilimine №13404 bolyp engizildi.