Probasııa týraly zańǵa ózgerister talqylandy

Astanada Ishki ister mınıstrligi Eýropalyq odaqtyń «Qazaqstanda qylmystyq sot tóreligin jetildirý» jobasynyń qoldaýymen «Úkimetpen ashyq dıalog – «Probasııa týraly» jáne osy máseleni qamtıtyn keıbir zańdarǵa ózgerister engizý jobalaryn talqylaý taqyrybynda dóńgelek ústel ótkizdi. Zańgerler, assambleıa músheleri, mem­lekettik organdar men úkimettik emes uıymdardyń ókilderi jáne qo­ǵam belsendileriniń, sondaı-aq, tıis­ti vedomstvolardyń ókilderi qatys­­qan jıyn maqsaty – elimiz­diń qyl­mys­tyq atqarý júıesin odan ári izgi­lendirý bo­lyp tabylady. Osylaı­sha, bul qyz­metti halyqaralyq talap­tarǵa meı­lin­she jaqyndatý da kóz­deledi. Oǵan qosa, aıyptalýshy­lar­dy qaıta áleýmettendirý úderisin joǵa­ry­latý ar­qyly sotqa deıingi jáne penı­ten­sıar­­lyq probasııany engizý júıesi de osy zań aıasynda sheshimin tappaq. Iаǵ­nı, bul jerde negizgi basymdyq sot­­tal­­ǵandy úkim shyqqan kúnnen bas­­tap qoǵamǵa beıimdeý ekendigin eskergen jón. Jalpy, probasııa qyzmeti elimizde 2012 jyly engizilgenimen, bul qyzmet­ke baılanysty zańnyń jańa jobasy osy kúnderi óńirlerde jan-jaqty tal­qy­lanyp, túsindirilýde. Mamandar ony qol­danýdyń qolaılyǵymen oń nátı­jesi orasan zor bolyp turǵanyn aıtady. Buǵan dálel sońǵy jyldarda bir ret qylmys jasap, onysyn qaı­talaǵandardyń sany kúrt kemigen. Aıta keteıik, probasııa qyzmeti ar­qy­ly sottalǵandarǵa áleýmettik-quqyq­tyq kómek te kórsetiledi. Son­daı-aq, túzeý mekemelerinde ózin jaqsy kórsetkender men qoǵam­dyq jumys­tar­ǵa belsendi aralas­qan­dardyń ýaqy­tynan buryn bostan­dyq­qa shyǵý múm­kindigi de basty nazarǵa alynady. Nurlybek DOSYBAI, «Egemen Qazaqstan»