Qamqorlyqtan shet qalmaıdy

Respýblıkalyq aqparattyq-nasıhattyq top Prezıdent Nursultan Nazarbaevtyń «Bola­shaq­tyń irgesin birge qalaımyz» atty  halyqqa  Joldaýyn keńinen nasıhattaý maqsatynda Qyzyl­jar óńiri turǵyndarymen júzdesýge keldi. Aqparattyq-nasıhattyq topty Ekono­mı­kalyq damý jáne saýda mınıstrligi saýda komıtetiniń tóraǵasy Aıdar Qazybaev bastap júrdi. Onyń quramynda respýblıkalyq mınıstrlikterge qarasty qurylymdardyń basshylary  boldy. Top músheleri eldi mekenderdi aralaý al­dynda jergilikti vedomstvo jetekshileri­niń, bıýdjet já­ne qarjy salasy ókilderiniń qa­tysýymen kezdesý ótkizdi. Jıyndy oblys áki­miniń orynbasary  Farhad Qýanǵanov ashyp, Joldaý talaptaryn tú­sin­di­rýge 15 aqparat­tyq-nasıhattyq toptyń ju­myl­dy­ryl­ǵanyn, 200-den asa basqosýlar ótkizilip, 20 myńnan astam turǵyndardyń qamtylǵanyn jetkizdi. Aqparattyq-nasıhattyq toptyń jetekshisi A.Qazybaev jınalǵandarǵa el Táýelsizdiginiń 20 jyldyǵy qarsańynda qabyldanǵan Jol­daý­dyń mán-mańyzy jaıly  keńinen áńgime­ledi. Tótenshe jaǵdaılar jónindegi mınıstrlik­tiń órtke qarsy kúres qyzmeti  komıtetiniń tór­aǵasy Serik Áýbákirov Joldaýda halyqtyń densaý­lyǵyn jaqsartý jolynda  aıtylǵan basty shara­lardyń oryndalýy jónin­de sóz etse, Qu­ry­lys-turǵyn úı sharýa­shy­lyq jó­nindegi agenttik tór­aǵasynyń oryn­basary Nıkolaı Tıhonıýk Jol­daýda  turǵyn úı-kom­mý­naldyq sharýashy­lyq­ty jańǵyrtý basym baǵyt retinde jarııa­lan­ǵanyn atap kór­setti. Al Májilis depýtaty Raısa Polıshýk, Týrızm jáne sport mınıstrligi Stra­tegııa­lyq jańǵyrtý de­partamentiniń dırektory Da­rı­ǵa  Qamzebaeva  muǵalimderdiń biliktiligin art­tyrý, kásibı sheberligin jetildirý, salamatty ómir saltyn qalyptastyrý, bilim sapasyn halyq­aralyq deńgeıge jetkizý, taǵy basqa máseleler jóninde óz oılaryn ortaǵa saldy. Respýblıkalyq aqparattyq-nasıhattyq top­­­tyń músheleri tústen keıin oblys orta­ly­ǵyn­daǵy mekeme-kásiporyn ujymdarymen kezdesýler uıymdastyrdy. Eńbek jáne halyqty áleý­mettik qorǵaý mınıstrligi áleý­mettik saqtan­dyrý jáne jınaqtaý júıesi basqarmasynyń bastyǵy Gúlzada Sul­tanova jumyspen qamtý­dyń jańa baǵdarlamasy jasalyp jatqanyn, ol tutynýǵa emes, ju­mys­pen qamtý jaǵyna basym­dyq berý maq­satyn, eń bastysy  masyl­dyq­ty eńserýdi ditteıtinin aıtty. Budan by­laı Úkimet eńbek­ke qabiletsiz jáne az qam­tamasyz etilgen jan­darǵa ǵana  kómektesetin bolady. Al, qal­ǵan aýyl tur­ǵyn­dary úshin qoljetimdi mıkronesıeleý, basqa­daı sharalar uıymdas­ty­rylady. Jınalǵandar onyń ár sózin zeıin qoıa tyńdady. Sodan keıin respýblıkalyq aqparattyq-nasıhattyq toptyń músheleri  segiz topqa bólinip, aýdandarǵa attandy. О́mir ESQALI. Soltústik Qazaqstan oblysy.