Joba oryndalýymen qundy

Indýstrııa jáne jańa tehnologııalar mınıstriniń birinshi oryn­ba­sary Albert Raý Almaty obly­syna kelgen saparynda oblys ákimi Serik Úmbetovpen kezdesti. Úde­me­li ındýstrııalyq-ınnovasııalyq damý baǵdarlamasynyń júzege asýyn úı­lestiretin jáne baqylaıtyn ju­mys tobynyń jetekshisi budan keıin ob­lys ákiminiń  orynbasary Bolat Tá­kenovtiń tóraǵalyq etýimen ótken keńeske qatysty. Jetisý jerinen ındýstrııalandyrý kar­tasyna ótken jylǵa josparlanǵan jobalar tolyq oryndalǵan. 2010 jyly oblysta res­­pýblıkalyq já­ne aımaqtyq ın­dýs­trııalandyrý kar­talary bo­ıyn­­sha 27 joba qol­ǵa alynyp, onyń 10-y oıdaǵydaı júzege asyrylǵan. Aldaǵy kezde ındýstrııalandyrý kartasyna 11 jańa joba usynylyp otyr eken. Al 2011-2014 jyldary oblys bo­ıynsha ındýstrııalandyrý karta­syn­da jalpy quny 1 trıllıon 590 mıllıard teńge bolatyn 28 joba bar. Onyń ishinde 13 joba  res­pýblıkalyq ındýstrııa­lan­dy­rý kar­ta­syna ense, 15 joba aý­maqtyq kar­taǵa kirgizilgen. Atal­ǵan jobalar tolyǵymen oryndal­sa 17 myń jańa jumys orny ashyl­maqshy. Keńeste Albert Raý memlekettik baǵdarlama aıasynda belgilengen mańyzdy jobalardyń Al­maty oblysyndaǵy oryndalýyna kóńili tolatyndyǵyn bildirdi. О́z kezeginde sút, et óńdeıtin zaýyt­tar, metall buıymdar, qurylys materıal­daryn, akkýmýlıatorlar shyǵaratyn kásiporyndar basshy­lary bıyl kásiporyndardyń kestege saı iske qosylatynyn málim­dedi. Keńesten soń vıse-mınıstr bas­­taǵan top Tekeli qalasynda «Green House jasyl úı» JShS  salyp jat­qan  kólemi 3,65 gektarlyq jyly­jaı qurylysymen tanysty. Seriktestik aýmaqty alqapty alyp jat­qan jy­ly­jaıdy iske qosqan soń oblysty kókóniske qaryq qylmaq. Sol sııaq­ty, A.Raý Taldyqorǵan qala­­syndaǵy qorǵasyndy-qyshqyl­dy akkýmýlıa­tor­lyq batareıalar shy­ǵaratyn «Qaı­nar AKB» seriktestiginde de boldy. Kúmisjan BAIJAN. Almaty oblysy.