Jasampazdyq jolbasshysy

MEMLEKETTIŃ EŃ ÚLKEN QUNDYLYǴY –  HALYQ Aqpannyń 25-26-sy kúnderi Ońtústik Qazaqstan oblysyna Elbasynyń  Qazaqstan halqyna arnaǵan “Bolashaqtyń irgesin birge qalaımyz” Joldaýyn nasıhattaý maq­satynda quramy 16 adamnan turatyn respýblıkalyq aq­pa­rat­tyq-nasıhattyq top kelip, oblystyń qala, aýdandarynda tur­ǵyndarmen kezdesýler ótkizdi. Oblystyq fılarmonııada ót­ken júzdesýdi oblys ákimi Asqar Myrzahmetov júrgizip otyrdy. Respýblıkalyq aqparattyq top jetekshisi, Qazaqstan Respýb­lı­kasynyń Bilim jáne ǵylym mınıstri Baqytjan Jumaǵulov baıandama jasady. Baqytjan Tur­syn­uly Qazaqstannyń búgingi áleýetin tanytatyndaı derekterdi mysalǵa keltirip, sala-sala bo­ıynsha jiliktep berdi. Máse­len, osydan attaı on jyl buryn Bilim jáne ǵylym mı­nıstr­­ligi­niń respýblıkalyq bıýdjeti 15 mıllıard teńge ǵana bol­sa, qazir 300 mıllıardqa jet­ken. Iаǵnı, osy aralyqta bilim salasyn qar­jylandyrý jıyr­ma esege ósken. Ishki jal­py ónimniń on eki esege artqany álemdik tarıhta orny bar órleý. Joldaýda aıtylǵan mindetter men tapsyrmalardy egjeı-tegjeıin baıandaǵan mınıstr bilim sa­lasynda qordalanǵan kúr­deli má­selelerdiń sheshilý tetigin aıtty. Ol jańbyrdan keıingi s­a­ńy­raý­qulaqtaı qaptaǵan ýnıversıtetter, sapasy men mazmuny syn kótermeıtin pedagog kadr­la­ry­nyń tómendegen bedeli, jo­ǵary oqý oryndaryndaǵy ǵy­lym­­dy da­mytýǵa nemkettilik já­ne orta mek­tep pen bala­baq­shalarǵa qa­tys­ty paıym­daý­laryn bildirdi. Kezdesýde oblystyq máslıhat­tyń depýtaty, belgili kásipker S.Seıt­janov, “Ońtústik Qazaqstan oblysy áıel jáne balalardy qor­ǵaý ortalyǵy” qoǵamdyq bir­les­tigi­niń tóraıymy O.Lı, M.Áýezov atyn­daǵy OQMÝ pro­fes­sory J.Baqov, Shymkent qala­syn­daǵy №26 mek­tep-gımnazııa­nyń muǵali­mi Z.Mergenbaeva sóz alyp, Elba­sy­nyń Joldaýyn qol­­daı otyryp, óz­deri­ne artyl­ǵan talaptar bo­ıyn­sha kóz­qaras­taryn bildirdi, at­qa­ryp jatqan jumys­taryn baıan­da­dy. Aqparattyq top Túrkistan qa­la­synda kezdesýlerin jalǵas­tyr­dy. Q.A.Iаsaýı atyndaǵy HQTÝ-diń májilis zalynda qala jáne Ken­taý qalasy men Otyrar aýda­ny turǵyndary, ýnıversıtettiń ujy­mymen kezdesti. Mundaǵy má­­­jilisti ýnıversıtet basshysy Les­­bek Táshimov júrgizip otyr­dy. Osyndaı júzdesý ońtús­tik­tegi irgeli oqý oryndarynyń biri – M.Áýezov atyndaǵy Ońtústik Qa­zaq­stan memlekettik ýnıver­sı­te­ti­niń stýdentteri jáne ujy­my­men de ótti.  Erkin suhbat ra­ıyn­da ót­ken kezdesýde suraq­tarǵa to­lym­dy jaýap berildi. Bilim sala­synyń al­dynda turǵan mindetter sara­lan­dy. Akademık Ý.Bıshimbaev basqa­ra­tyn  oqý ornynyń respýblıkada ǵylym­dy órkendetýge erekshe mán berip otyrǵandyǵyna rıza­shy­lyq bildirildi. Baqtııar TAIJAN. Ońtústik Qazaqstan oblysy. * * * AQPARATTYQ- NASIHATTYQ TOP –  AQTAÝDA Elbasynyń Qazaqstan halqyna kezekti Joldaýynyń basty baǵyttaryn tereńdete túsindirý jónindegi aqparattyq-nasıhattyq top Aqtaýǵa keldi.  Munaı jáne gaz mınıstri Saýat Myńbaev bastaǵan toptyń quramynda Parlament Májilisiniń depýtattary Zeınolla Alshymbaev, Gúlnár Seıitmaǵanbetova, sondaı-aq mınıstrlikterdiń ókilderi boldy. Elimizdegi munaı alyby – «Mańǵystaýmunaıgaz» AQ eńbek ujymymen kezdesýde S.Myń­baev «Qazaqstan ekonomı­ka­sy­nyń qozǵaýshy kúshi munaı-gaz keshenindegi bıik jetistikter eli­miz­diń, sonyń ishinde aımaq­tar­dyń turaqty  damýyna ıgi áser etedi. Sondyqtan da bul jyly mınıstrlik osy saladaǵy ju­mys­tardyń qarqyndy damýyn qoldaýǵa «Elbasy Joldaýynyń «Qarqyndy ekonomıkalyq jań­ǵyrý – údemeli ınnovasııalyq ındýstrııalandyrý baǵdar­lama­sy­nyń jalǵasy» atty taraýyn­daǵy mindetterdi júzege  asy­rýǵa baǵyttalǵandyǵyn atap kór­setti. Oblys ákimi Q.Kósherbaev El­basy Joldaýyndaǵy tapsyrma­lar­ǵa oraı kómirsýtegin tasy­mal­daý baǵyttaryn keńeıtý, olardyń qaýipsiz jáne senimdi jetkizilý saldaryn qamtamasyz etý basty nazarda bolý qajettigin aıta kelip, teńiz ınfraqurylymdary men aımaqtyń eksporttyq baǵyt­taryn ulǵaıta túsý jolyndaǵy istelip jatqan ulan-ǵaıyr ıgi ister jaı­ly áńgimeledi. Odan soń aqparattyq top jetekshisi Sh.Esenov atyndaǵy Kaspıı memlekettik tehnologııalar jáne ınjınırıng ýnıve­rsı­teti­niń oqytýshylar  quramy men stýdent jastary aldynda sóz sóı­ledi.  Oblystyq ákimdikte oblys bilim berý qyzmetkerleriniń aktıv jınalysyna qatysyp, eli­mizdiń ındýstrııalandyrý karta­sy boıynsha qurylystary júrip jatqan nysandar metall quryl­ǵylaryn shyǵaratyn ónerkásip kesheni men bıtým zaýyty qury­lysynyń júrý barysymen tanysty. Al Parlament Májilisiniń de­pýtattary Z.Alshymbaev, G.Se­ıitmaǵanbetova, túrli mınıstr­lik­ter ókilderi óńirdiń ónerkásip oryndarynyń, eldi mekenderdiń turǵyndarymen, áleýmettik sala jáne etnomádenı birlestikterdiń ókilderimen kezdesti. Onda El­basynyń «Bolashaqtyń irgesin birge qalaımyz» atty Joldaýy­nyń halqymyzdyń birligin ny­ǵaı­typ, elimizdi joǵary qarqyn­men damý kókjıegine nyq qadam basýǵa bastaıtyndyǵyna senimdi ekendikterin bildirdi. Jolaman BOShALAQ. Aqtaý. * * * BAǴDARLAMA OSY JYLY ORYNDALADY Elbasy osy jylǵy halyqqa Joldaýynda úsh asa mańyzdy memlekettik baǵdarlama – bilim berý, densaýlyq saqtaý jáne tilderdi damytýdy erekshe atap kór­setkeni belgili. Bul rette Mań­ǵystaýda ıgilikti ister barshylyq. Oǵan oblys­tyq bilim berý sala­syndaǵy jetistik dálel. Atap aıt­saq, osydan bes jyl buryn ult­tyq biryńǵaı testileý qorytyn­dy­sy boıynsha oblys 14-orynda bolsa, ótken jyly elimizde al­ǵashqy orynǵa shyqty. Al mektepke deıingi tárbıege kelsek, ótken jyly olardy bala­baq­shamen qamtý 72 paıyzdy qura­dy. Al bıyldyń ózinde taǵy da mektepke deıingi 11 balalar mekemesi keri qaıtarylyp, 17 jeke men­shik ba­la­baqsha men 33 shaǵyn ortalyq ashy­lady. Bul – «Balapan» baǵdarlamasy Mańǵystaýda osy merekeli jyly 100 paıyz oryndalady degen sóz. Sondaı-aq, osy jyly oblysta al­ǵash ret mektepke deıingi tárbıeni úı­les­tirý ortalyǵyn qurý qolǵa alynýda. Jolaman BOShALAQ. Aqtaý. * * * EL IShINDEGI JÚZDESÝLERDIŃ MAŃYZY ZOR Kezekti respýblıkalyq aqparattyq-nasıhattyq top shejireli de kórikti Kókshe óńirine atbasyn tiredi. Respýb­lıkalyq aqparattyq-nasıhattyq topty Qarjy mınıstri Bolat Jámishev bastap keldi. Bul toptyń negizgi maqsaty Qazaqstan Respýblıkasy Prezıdentiniń «Bolashaq­tyń irgesin birge qalaı­myz» atty Qazaqstan halqyna Joldaýynyń negizgi tujyrym­daryn keńinen nasıhattaý jáne Joldaýda belgilengen min­detterdiń oryndalý barysyn baqylaý bolyp tabylady. Aqmola oblysynda 26-28 aq­pan kúnderinde nasıhat jumys­taryn júrgizetin toptyń jumys jos­pary aýqymdy da mańyzdy. Respýblıkalyq aqparattyq-na­sı­hattyq top oblystyń Aqkól, Ar­shaly, Ereımentaý, Bulandy, Egin­dikól, Zerendi, Atbasar, Jarqaıyń jáne Sandyqtaý aýdandarynda, sondaı-aq Stepnogor jáne Kók­shetaý qalalarynda bolyp, eńbek ujymdarynda, qoǵamdyq uıym­darynda kezdesý ótkizedi dep josparlanýda. Sapardyń alǵashqy kúni Bolat Jámishev Sh.Ýálıhanov atyndaǵy Kókshetaý memlekettik ýnıver­sı­tetiniń stýdentteri jáne oqytý­shylar quramymen kezdesti. Kezdesý barysynda Bolat Jámishev qatysýshylardyń kóptegen suraqtaryna jaýap berdi. Odan ári respýblıkalyq aq­parattyq-nasıhattyq top oblys ortalyǵyndaǵy «Enkı», «Agrımer Astyq» JShS-lerin, «Ty­nys» AQ-ty aralady. Kókshetaý qalasyndaǵy qan ortalyǵynyń eńbek ujymymen kezdesti. Osyn­daı is-sharalar barysynda res­pýblıkalyq aqparattyq-nası­hat­tyq top músheleri Joldaýda belgilengen ekonomıka, bilim berý, áleýmettik salalarǵa qatysty ózekti máselelerdi tilge tıek etti. Baqbergen AMALBEK. Aqmola oblysy. * * * DAMÝDYŃ SARA BAǴYTY 28 qańtarda Elbasynyń Parlament palatalarynyń birlesken otyrysynda Qazaqstan hal­qyna arnalǵan dástúrli Jol­daýy jarııa etildi. Eldiń orta­lyq teleradıoarnalary arqyly tikeleı efırden berilgen Memleket basshysynyń kezekti Jol­daýy «Bolashaqtyń irgesin birge qalaımyz» dep atalǵany belgili. Prezıdent atalǵan Joldaý ba­ry­synda atqarylǵan ister men al­daǵy mindetterimizdi naqty my­saldarmen aıshyqtap ótti. El damýynyń strategııasyn, ba­sym­­dyqtar men bolashaǵyn, mem­le­keti­mizdiń yrǵaqty da­mýy­na qa­­tysty naqty maqsat­tardy a­ı­qyn­­dap bergen basty qujatta den­saýlyq saqtaý, bilim berý, tildi damytý, halyqty taza aýyz sýmen qamtamasyz etý, turǵyn úı-kommýnaldyq sharýashylyq sa­la­laryna aıryqsha nazar aý­daryl­dy. Elbasy atqarylǵan jumys­tardy saralaı otyryp, bola­shaq­ta atqarylatyn ıgilikti isterge de keńinen toqtaldy. Bilim berýdi álemdik keńistikke shyǵarý – bas­ty maqsat. Osy baǵytta bilim berý salasyndaǵy túıtkildi má­sele­lerdi ońtaıly sheshý týra­synda tyń oılar qozǵaldy. Sala­matty ómir saltyn qalyptas­tyrý el bolashaǵynyń kepili ekendigi basa aıtyldy. Ýaqyt ta­labyn kóter­gen, keleshekti bol­jaǵan Joldaý el ishinde úlken serpilis týǵyzdy. Oı – aıqyn, mindet – naqty. Osynaý mańyzdy mindetterdi iskerlikpen júzege asyrý – bar­shamyzdyń ortaq mindetimiz. Elbasymyz aıtqandaı, «Biz jasampazdyqpen jumyla kiriskendikten, damýdyń dańǵyl jo­lyna tústik. Tolaǵaı tabys­tary­men dúnıe júzin moıyn­datqan Qazaqstannyń áleýeti artyp, eko­nomıkasy serpindi bo­la tústi». Bıylǵy Joldaý – eldiń er­teńgi damýynyń arqaýy. Qa­sıetti juma kúni jalpy jurt­shy­lyqqa jol tartqan El­ba­synyń kezekti Jol­daýy búginde qa­zaq­­stan­dyq­tar ta­ra­pynan qol­daý taýyp qana qoı­maı, el hal­qy ony júzege asyrý jol­da­ry­n­daǵy jumys­tar­dy qyzý bastap ketti desek, qate­les­peıtinimiz anyq. S.QASYMOV, fızıka-matematıka ǵylymdarynyń kandıdaty. Qaraǵandy.