Elimiz kómegin aıamaıdy

Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Astanaǵa resmı saparmen kelgen EQYU-nyń Is basyndaǵy tóraǵasy – Lıtva Respýblıkasynyń Syrtqy ister mınıstri Aýdronıýs Ajýbalıspen kezdesip, kelissózder júrgizdi. Qazaqstannyń jetekshi uıymǵa tóraǵalyǵynyń nátıjesi jáne Qazaqstan – Lıtva ekijaqty yntymaqtastyǵy elordadaǵy kelissózderdiń ózegine aınaldy. «Men Ajýbalıs myrzanyń Qazaq­stanǵa kelgenine óte qýanyshtymyn. Ol tek bizdiń áriptesimiz, ıaǵnı Syrt­qy ister mınıstri ǵana emes, sondaı-aq, EQYU-nyń qazirgi Is ba­syndaǵy tóraǵasy. Qazaqstan atalǵan Uıymǵa tóraǵa bolǵan kezden buryn da qos memleket arasynda jaqsy áriptestik baılanys ornaǵan bolatyn. Qazaq­stan men Lıtva EQYU «úshtigine» kiredi. Sondyqtan, biz eki eldiń Uıym aıasyn­daǵy baılanysyn odan ári damytý, Astana Deklarasııasynda negizi qalanyp úlgergen sharalardy odan ári júrgizý baǵytynda birlese jumys atqarýymyz qajet. Osy rette, Lıtva memleketine ózine júktelgen osynaý joǵary ári qıyn mıssııany tabysty aıaqtaýyn tileımiz. Biz sizderge árdaıym óz tara­py­myzdan qol­daý-kómek kórsetemiz. Bul, eń aldy­men, barlyǵymyzǵa ortaq maqsat-múd­dege jetýge sep bolary sózsiz. Ol maqsat mynaý: Uıymdy odan ári nyǵaıtý jáne onyń qazirgi zaman­daǵy kúrdeli máselelerdiń jaýabyn izdeýine jol ashý», – dedi Qanat Saýdabaev. Memlekettik hatshy – Syrtqy ister mınıstri kelissóz kezinde uıym qyz­metin jandandyrýda eýroatlantı­kalyq jáne eýrazııalyq qaýipsizdiktiń birtutastyǵy aıryqsha mánge ıe bolýy kerektigin alǵa tartty. «Bul Uıymnyń mańyzdy baǵytyna aı­nalýy tıis», – dedi Q.Saýdabaev. Aýdronıýs Ajýbalıs óz sózinde Qazaq­stan elordasy – Astanaǵa osy­men 4-shi márte atbasyn tirep otyr­ǵanyn tilge tıek etti. «Men óz árip­testerimmen, EQYU «úshtigi» ókil­deri­men kezdeskenimnen aıryqsha áser alyp otyrmyn. Osy oraıda, my­na­ny basa aıtqym keledi: Qazaq­stannyń  EQYU-ǵa tóraǵalyǵy jar­qyn iz qaldyrdy. Men Uıymǵa múshe elderge mindetteme belgilep bergen Astana Sammıti týraly ǵana aıtyp otyr­ǵan joqpyn. Uıym quramyn­daǵy elder arasyndaǵy demokra­tııa­lyq baılanystardyń joǵary stan­dartyn qalyptastyrýda da Qazaq­stan­nyń qosqan úlesi úlken. Bul Lıt­va memleketine osy jumysty odan ári júıeli júrgizýge de múm­kindik beredi. Oǵan Qazaqstannyń kómegi aıryqsha qajet», – dedi A. Ajýbalıs. Lıtva Syrtqy ister mınıstri óz kezeginde Qazaqstan týraly taǵy bir oń pikir bildirdi. Ol: «Elimizdiń Uıym­ǵa jańasha, oń serpin bergendigi» eken. «Bul Uıymnyń qaı­tadan «túleýine» yqpal etkenin aıtýymyz qajet», – dedi bul týrasynda Lıtva ókili. Áńgime barysynda taraptar Qa­zaq­stan Prezıdentiniń bastamasymen 11 jyldyq úzilisten keıin Uıymnyń jańa eýrazııalyq yntymaqtastyq vektoryn aıqyndap bergen Astana Sammıtiniń nátıjelerin júzege asy­rý, jańa synaqtar men qaýipterge qarsy turýda Batys pen Shyǵys ara­syndaǵy únqatysýdy retke keltirý máse­lelerin talqylady. Láıla EDILQYZY.