Múkarama mektebindegi jylyjaı

Zaısan aýdanynyń ákimi Serik Zaınýldın kindik qany tam­ǵan týǵan jerine jańalyqtardy ala keldi. О́tken jyldyń jazynda jańa qyzmetke taǵaıyndala sa­ly­sy­men aýdandyq bilim bó­li­miniń bas­tyǵy Sánııa Ábdiǵa­lıe­vany jáne birneshe mekteptiń dırek­toryn shaqyryp alyp, oqý­shy­lar­dyń jaz­ǵy demalysyn tıimdi ótkizý úshin jylyjaı salý qajettiligine toqtaldy. So­nyń biri – Daıyr aýylynyń Mú­karama orta mektebinde jy­ly­jaı salý máselesi de sóz bol­­dy. Mek­tep dı­rek­to­ry Anar­­bek Dút­baev tap­­syr­ma al­ǵan soń jy­­lý qa­zan­­­dyǵy janynan 50 shar­shy metrlik alańdy qorshap, eski mektepten qal­ǵan esik-terezelerdi qurastyryp, jyly­jaı­dy ja­saq­tady. Mektep muǵalim­de­ri­niń bul tirshiligine qúdikpen qa­raǵandar da tabyldy. Ǵylymı ortalyq jetekshisi Aqyl­bek Omarıev, mehanızator Bolat Qurman­ǵo­jın degen aza­mat­tar da kún-tún demeı jyly­jaıǵa ekken júz túp qııar, júz túp qy­zanaqty kútip-baptaı bas­tady. Olar­ǵa ustazdar men shá­kirtter de qolǵabys jasap tur­dy. Jeltoq­sanda egilgen qııar alǵashqy ónimdi jaqynda berdi. – Bárimiz aýylda óstik, jer­diń qadirin túsinemiz. Alaıda jy­ly­jaı degendi tek estýshi edik, endi ony tereń zert­teýge týra keldi. Ob­lys ortalyǵy men onyń ma­ńyn­daǵy aýyldarǵa ba­ryp, jylyjaımen ta­ny­­syp qaıttyq. Qaqa­ǵan qys­ta kókónis ósirý ońaı sharýa emes. Topy­raq yl­ǵa­lyn únemi qa­da­ǵa­lap, ýaq­tyly qajetti mól­sher­de jylý ber­me­seń, jemister semip qala­ty­ny taǵy bar. Jyldyń tórt mezgilinde ja­ńa pisken kó­kónisti  tu­ty­nýǵa ne jetsin. Qa­­zir­gi kezde mek­tep janyndaǵy ınternatta qııar­dy jep, sál­den keıin qy­zanaq das­tarqan mázirine enedi degen úmitimiz bar, – deıdi mektep dı­rektory Anarbek Dútbaev. Zaısan aýdanynda 20 orta, on ortalaý mektep bar. О́tken oqý jylynda biryńǵaı ulttyq testileý boıynsha aýdan kóleminde 85,2 ball jınadyq.  27 shákirtimiz «Al­tyn bel­gige» ıe boldy. Oqý­shy­lardyń jazǵy demalysyn mán­di de sándi ótkizý basty nazarda. Barlyq mek­tepterde qosalqy sha­rýa­shy­lyq­tar qurylǵan. Jazda mektep janyn­daǵy aýlada kó­kónis ósiredi. Keńsaı, Úlken Qara­tal aýylda­ryn­da da jy­ly­jaı salýdy uıǵaryp otyrmyz. Bıyl Áýezov, Lomonosov, Amangeldi atyndaǵy orta, Sarjyra já­ne Jarsýdaǵy ortalaý mektepterinde kúr­deli jóndeý ju­mys­tary júr­gizilmek. Aýdan áki­mi Serik Zaınýldın aýyl mek­tepteriniń jaǵ­daıymen jaqsy tanys. Mektep tóbelerin shatyr­laý, jóndeý ju­mystaryna qar­jy taýyp bergeli otyr. Shákirt­terge tereń bilim, sa­naly tárbıe berý aldaǵy ýaqytta da jalǵasa bermek, – dedi aý­dandyq bilim berý bóliminiń bas­tyǵy Sánııa Ábdi­ǵalıeva. Jylyjaıdan shyǵa beriste sý jańa «Paz» avtobýsyn kórdik. Jańa kólikti aýdan ákimi ınternat balalaryna beripti. Tek Mú­karama mektebi emes, basqa da bir­neshe aýdan mektepteri osyn­daı kólikterge ıe bolǵan. Mú­karama mektebinde 41 ustaz qyz­met etip, tórt júz oqýshyǵa bilim nárin sýsyndatýda. Ońdasyn ELÝBAI. Shyǵys Qazaqstan oblysy, Zaısan aýdany. _____________________________________ Sýretterde: aýdandyq oqý bóliminiń meńgerýshisi Sánııa Ádiǵalıeva, mektep dırek­to­ry Anarbek Dútbaev, mehanızator  Bolat Qurmanǵojın, jańa avtobýs.