AQSh prezıdenti Barak Obama Bahreın koroliniń kadrlyq ózgertýler jóninde qabyldaǵan sheshimin qoldady, dep habarlaıdy VVS agenttigi.
Osydan eki kún buryn korol, ózi atap kórsetkendeı, elde daǵdarys týýyn ýshyqtyrǵan úsh mınıstrdi otstavkaǵa jiberdi. Sol sııaqty, Barak Obama murager hanzada Salman bın Hamad ál-Halıfanyń bastamasymen qolǵa alynǵan oppozısııamen aradaǵy únqatysýǵa da qoldaý bildirgen. Bahreınniń ejelgi áriptesi retinde, AQSh Bahreındegi turaqtylyqtyń el turǵyndarynyń reformalarǵa degen ámbebap quqyqtarynyń saqtala otyryp nyǵaıa túsetinine senim bildiredi, delingen AQSh prezıdentiniń hatynda.
AMR MÝSA PREZIDENTTIKTEN ÚMITTI
Arab memleketteri lıgasynyń bas hatshysy Amr Mýsa aldaǵy ótetin saılaýda óziniń kandıdatýrasyn Egıpet prezıdenttigine usynbaq nıeti bar ekenin málimdedi, dep habarlaıdy ITAR-TASS.
Prezıdent saılaýy Egıpettiń burynǵy prezıdenti Hosnı Múbárak otstavkaǵa ketkennen keıin jarty jyldyń ishinde ótýi tıis. Al Múbárak úkimetke qarsy ereýilder saldarynan ókilettikterdi Qarýly kúshterdiń joǵary keńesine berip, 11 aqpan kúni otstavkaǵa ketti. Egıpettegi ereýilder kezinde Amr Mýsa narazy topqa qoldaý kórsetip, Hosnı Múbáraktiń otstavkaǵa ketýin talap etken bolatyn.
KÁSIPODAQTAR SEÝLDI AIYPTAIDY
Vashıngton men Seýlden Amerıka men Ońtústik Koreıanyń birlesken áskerı manevrler ótkizýden bas tartýyn talap etken dúısenbi kúni KHDR men Ońtústik Koreıanyń kásipodaq uıymdary ózderiniń birlesken deklarasııasynda.
«Aldyn-ala josparlanǵan ýshyqtyrý bolyp tabylatyn» osynaý jattyǵýlar saldary Koreıa túbegindegi ahýaldy soǵys jaǵdaıyna jetkizýi múmkin, dep atap kórsetilgen qujatta. Mundaı jaǵdaıda Seýl rejimi KHDR-dyń barlyq daýly máselelerdi kelissózder arqyly sheshý, sol sııaqty, túbektegi beıbitshilik pen turaqtylyqty nyǵaıtý týraly usynysyna shuǵyl túrde únqatýy tıis, dep esepteıdi Soltústik pen Ońtústik kásipodaqtary. Qujatta eki el kásipodaqtarynyń qarym-qatynasyna tyıym salǵan Seýl áreketi de aıyptalady.
TÚRKIIаNYŃ EKS-PREMERI QAITYS BOLDY
Uzaqqa sozylǵan naýqastan keıin 85 jasqa qaraǵan shaǵynda Túrkııada qazirgi zamanǵy saıası ıslamnyń negizin qalaýshy Nadjmýddın Erbakan qaıtys boldy, dep habarlaıdy Bı-Bı-Sı agenttigi.
Ol eldiń qazirgi premer-mınıstri Redjep Taııp Erdoǵannyń tálimgeri bolyp sanaldy. 1996 jyly N. Erbakan Túrkııanyń premer-mınıstri boldy. Biraq eldiń zııaly sıpattaǵy konstıtýsııasynyń negizine nuqsan keltirmek dep eseptegen áskerıler ony qyzmetten ketirgen bolatyn.
IZRAIL AVIASOQQY JASADY
Izraıl Gaza sektoryna avıasııadan kezekti soqqy jasap, sonyń saldarynan bir palestınalyq áskerı qaza tapsa, taǵy bir adam jaraqat aldy, dep habarlaıdy «Maıak» radıosy.
Izraıldiń áskerı ushaqtary senbi kúni de Gaza sektorynyń tórt jerine áýeden soqqy jasap, sonyń saldarynan tórt adam jaraqat alǵan bolatyn. Aıta ketý kerek, 2007 jyldyń jazynan beri Gaza sektory HAMAS ıslam qozǵalysynyń baqylaýynda.
OMANDA 50 MYŃ JAŃA JUMYS ORNY AShYLMAQ
Omannyń sultany Kabýs ben Saıd jeksenbi kúni 50 myń jańa jumys ornyn taǵaıyndaý týraly dekret shyǵardy, dep habarlaıdy osy eldiń aqparat agenttigi.
Soǵan sáıkes adam resýrstary mınıstrliginde jumyssyz retinde tirkelgen ár adam jumysqa ornalasqanǵa deıin aıyna 150 rıal (490 dollar) alyp turatyn bolady. Sultannyń tapsyrmasy boıynsha aýla isteri jónindegi mınıstr halyq tolqýlary oryn alǵan Sýhar qalasyna baryp, onda ereýilshilermen kezdesip, olardyń talaptaryn tyńdaǵan. Qazirgi ýaqytta qalada jaǵdaı turaqtala bastaǵan kórinedi.
ShYǴYN – 15 MILLIARD DOLLAR
Jańa Zelandııanyń Kraıstcherche qalasyndaǵy 147 adamnyń ómirin jalmaǵan jer silkinisiniń zardaptaryn joıý el ekonomıkasy úshin shamamen 15 mıllıard dollarǵa túspek, dep habarlaıdy Assosheıted Press agenttigi osy eldiń premer-mınıstri Djon Keıdiń málimdemesine silteme jasaı otyryp.
Keıdiń aıtýynsha, 90 mıllıon dollardaı aqsha apat saldarynan jumyssyz qalǵan halyqqa eńbekaqy tóleýge ketpek. 22 aqpanda bolǵan alapat zilzala qalanyń ortalyq bóligin tolyqtaı jermen jeksen etken bolatyn. Seısmologtardyń aıtýlarynsha, 6,3 ball bolǵan jer silkinisiniń kindigi qalaǵa jaqyn jerde bolǵan kórinedi.
PREZIDENT REZIDENSIIаSYNA ShABÝYL JASALDY
Jeksenbi kúni Kongo Demokratııalyq Respýblıkasynyń astanasy Kınshasada el prezıdenti Jozef Kabılanyń rezıdensııasyna qarýly shabýyl jasalǵan.
Kongo úkimetiniń resmı ókili Lamber Mandeniń habarlaýynsha, shabýyldy qarýlanǵan belgisiz top jasaǵan. Respýblıkalyq gvardııa jaýyngerlerimen bolǵan atysta shabýyl jasaǵandardyń 6-ýy qaza tapqan. Sóz retinde aıta ketsek, 39 jasar Joze Kabıla osy eldiń úshinshi prezıdenti bolǵan óz ákesi Loran-Dezıre Kabıla óltirilgennen keıin kelgen tórtinshi prezıdent. Sol sııaqty ol 2006 jyly eldegi demokratııalyq saılaý barysynda saılanǵan tuńǵysh memleket basshysy bolyp tabylady.
FRANSIIаDA MINISTRLER AÝYSTY
Týnıstegi saıası ózgerister fransýz úkimetindegi shýly otstavkalarǵa ulasty, dep habarlaıdy Reseıdiń NTV telearnasy.
Syrtqy ister mınıstri Mıshel Alo-Marı óz qyzmetinen ketti. Oppozısııa, sol sııaqty, quqyq qorǵaýshylar men baspasóz ony Týnıstiń taqtan taıdyrylǵan prezıdentimen jaqyn qarym-qatynasta boldy dep aıyptap otyr. Týnıstegi tártipsizdikter kezinde ol Ben Alı rejimin qoldaýǵa ýáde beripti-mis. Syrtqy saıasat vedomstvosy basshysynyń oryntaǵyna Fransııanyń eń tájirıbeli saıasatkerleriniń biri Allen Jıýppe otyrdy.
Internet materıaldary negizinde ázirlendi.
