Qyz-kelinshek aralaspaıtyn sala joq

Aqtóbe qalasynda «Strategııa- 2020: áıelderge arnalǵan jańa múm­kindikter» atty oblystyq konferensııa ótti. Konferensııa maq­sa­ty – Elimizdiń Táýelsizdiginiń 20 jyl­dy­ǵyna oraı, qoǵamdyq saıası jáne áleýmettik-ekono­mıka­lyq da­mýyndaǵy áıelderdiń rólin kú­sheıtý, Qazaqstannyń strategııa­lyq damý kýrsyn iske asyrýǵa áıel­derdiń atsalysýyn arttyrý mehanızmderin ázirleý bolyp ta­bylady. Oǵan qatysqan memlekettik organ­dar­dyń, saıası partııa­lar­dyń, úki­met­tik emes, kásipodaq uıym­da­ry­nyń, BAQ ókilderi men depýtattar, bilim, densaýlyq saq­taý, mádenıet jáne sport uıym­da­rynyń jetekshi mamandary óńir­degi genderlik jáne otbasylyq-demografııalyq saıasat­tyń aǵym­da­ǵy problemalaryn já­ne 2006-2016 jyldarǵa arnalǵan QR Genderlik teńdik strategııasyn júzege asyrý prosesin talqylady. Konferensııada Qobda aýdany­nyń ákimi Lıýbov Ismaǵambetova elimizdiń qoǵamdyq-saıası jáne ál­eýmettik-ekonomıkalyq damýyn­da­ǵy áıelderdiń róli týraly baıandasa, Oıyl aýdanynan kelgen jeke kásipker Gúljamal Álip shaǵyn bıznestegi áıelderdiń quqyqtary men múmkindikterine toqtaldy. Temir aýdanyndaǵy Shubarqudyq gım­nazııasynyń muǵalimi, «Jas Otan» JQ kóshbasshysy Nazgúl Qa­jymuqan qazirgi zamanǵy Qazaq­stan áıeliniń jańarý joly ha­qyn­da oı órbitti. Odan keıin sóıl­eý­shiler memleketimizdiń genderlik saıasatyn jandandyrýda saıası par­tııalardyń rólin kúsheıtýge, qun­dylyqtardy qalyptastyrýdaǵy ot­basy róline, otandy súıýdiń ot­ba­synan bastalatynyna, genderlik saıasattaǵy jastardyń róline qa­tysty oı-pikirlerin ortaǵa saldy. Konferensııaǵa qatysqan ob­lys ákimi Eleýsin Saǵyndyqov qysqa­sha sóz sóılep, oblystyń ekonomı­kalyq-áleýmettik damý baǵytta­ry­men tanystyrdy. О́ńirde Elbasy Nursultan Nazarbaevtyń «Bola­shaq­tyń irgesin birge qalaımyz» atty Qazaqstan halqyna arnaǵan bıylǵy Joldaýynan týyndaıtyn mindetter men mejeli jumystar­dy oryndaýǵa múmkindik tolyq ekenin atap ótti. Oblystaǵy áıel adam­darǵa kórsetilip otyrǵan qam­qor­lyqtardy tilge tıek ete kelip, qyz-kelinshekter aralaspaıtyn qo­ǵam­dyq ómirdiń birdi-bir salasy joq ekenin alǵa tartty. Ásirese, qyz-kelinshekter memlekettik qyz­met, bıznes jáne bank, bıýdjettik salada belsendi eńbek etetinin jetkizdi. Onyń aıtýynsha, genderlik saıasat­taǵy ulaǵatty ustanym qyz-ke­lin­shekterdiń qaı salada da óz qabilet-qarymyn tolyq ashý­la­ryna jaǵ­daı jasap otyrǵan kó­ri­nedi. Onyń da jany bar. Oblys ákiminiń eki orynbasary, bir aý­dannyń ákimi názik jandy áıel adamdar. Al, aýdan ákimderiniń or­ynbasarlary, bas­qarma bastyqta­ry, aýyldyq ok­rýg ákimderi bolyp tabysty eńbek etip júrgen qyz-kelinshekter qan­shama. Bul jáı ǵana paıyz qýý­shy­lyq emes, óń­irdegi qyz-kelin­shek­terdiń tapsy­ryl­ǵan iske úlken jaýapkershilikpen kele­tindigi, iskerligi deý ábden oryndy. Satybaldy SÁÝIRBAI. Aqtóbe oblysy.