Assımılıasııadan qashýǵa shaqyrdy

Túrkııa premer-mınıstri Redjep Taıyp Erdoǵan Germanııada turatyn óziniń 2,5 mıllıondyq qandasyn nemis qoǵamyna ıntegrasııalanýǵa umtylýǵa shaqyrǵanymen, assımılııasııadan qashqan jón degen ustanymyn ashyq bildirdi. Ol bul má­lim­demesin Dıýsseldorfta 10 myń túrik ókilimen kezdesýde jasady. Túrik úkimeti basshysynyń sózine qaraǵanda, nemis túrikteri ózderiniń shyqqan tegin umytpaýlary tıis. Sondaı-aq balalaryn birinshi kezekte túrik tiline, sodan keıin baryp qana nemis tiline úıretýleri kerek. Jáne de Germanııada turatyn túrikter tarıhı otanyna oral­ǵy­lary kelse, olarǵa barynsha jaǵdaı jasaýǵa kúsh-jiger jumsalatyn bolady. Bul úndeý nemis tarabynyń narazy­ly­ǵyn týǵyzyp jatyr. 30 MLRD. DOLLARYNA TOSQAÝYL QOIDY AQSh qarjy mınıstrligi Lıvııa lıderi Mýammar Kaddafı men Lıvııa úkimetiniń ıeligindegi 30 mıllıard dollarlyq esep-shot­ty jaýyp tastady. Lıvııa basshyly­ǵy­na osynshama qarjy qaıdan keldi deıtin bol­saq, elde mol munaı jáne gaz qory bar. Búgin­de osy baılyq bılikke qarsylardyń qolyna kóship úlgergen. M.Kaddafıdiń ózi bolsa, halyqtyń kóbi men jaǵynda degendi kóldeneń tartyp, bılikten ońaılyqpen ketetin syńaı tanytpaı otyr. Osy aralyqta eldiń shyǵys bóligi tolyqtaı oppozısııanyń baqylaýyna alynǵan. Bılikke qarsylar búginde el astanasy Trıpolıge shabýyl jasaýǵa daıyndyqqa myqtap kirisken tárizdi. Jáne de olar M.Kaddafıdi taǵynan taıdyrmaı tynshymaýǵa bel býǵandaı. HALQYNYŃ NARAZYLYǴY ARTYP KELEDI Suraý salynǵan reseılikterdiń 49 paıyzy eldegi jaǵdaıǵa kóńilderi tolmaıtynyn bildirip, narazylyq aksııalaryna shy­ǵ­ýǵa ketári emes ekendikterin málimdegen. Mundaı málimet qoǵam­dyq pikir qory júrgizgen suraý salýlar nátıjesinde belgili bolǵan. 2010 jyldyń sońynan beri eldegi jaǵdaıǵa kóńilderi tol­maıtyndar sany 17 paıyzǵa artqan. О́ıtkeni, 26 jeltoq­sandaǵy jaǵdaı 32 paıyzdy quraǵan eken. Al 13 aqpandaǵy suraý salýlar bul kórsetkishtiń 44 paıyzǵa deıin óskenin kórsetse, búginde 49 paıyzǵa jetip jyǵylǵan. Reseı turǵyndaryn qymbatshylyq, materıaldyq jaǵdaıdyń nasharlaýy alańdatyp otyrsa kerek. SAÝDIIа BAHREINGE 30 TANK KIRGIZDI Saýd Arabııasy Bahreınge 30 tank jibergen. Bul aýyr tehnıkalar araldyq Bahreındi materıkpen jalǵastyratyn korol Fahdtyń 25 shaqyrymdyq dambasy mańyn­da kózge túsken. Kýágerlerdiń sózderine qaraǵanda, jeńil kólikter biraz ýaqyt boıy tankterge jol berýge májbúr bolǵan. Bul jóninde Egıpettiń Al-Masry Al-Youm gazeti jarııa etti. Atal­ǵan basylym Saýdııa áskerı tehnıkasynyń Bahreınge enýi bu­ryn-sońdy bolmaǵan oqıǵa ekenin atap kórsetedi. Al Bahreınde kúni bú­ginge deıin eldegi azshylyq bolyp tabylatyn súnnıtten shyqqan korol áýletine qarsy shııtterdiń narazylyq aksııasy jalǵasyp jatyr. QARÝY ÚShIN QARJY TALAP ETTI Reseı syrtqy ister mınıstri Sergeı Lavrov Lıvııa Reseıge qarý-jaraq satý boıynsha oryndalǵan barlyq kelisim-sharttar úshin, BUU Qaýipsizdik Keńesi qoıǵan shekteýlerge qara­mastan, barlyq aqshany tóleýi tıis dep málimdedi. S.Lavrov Qaýipsizdik Keńesiniń sanksııasy eldegi qalyptasqan jaǵ­daıǵa oraı oryndy qabyldanǵanyn atap ótti. Biz kórip otyrǵan jaǵ­daıda osyndaı sheshim qabyldanbaǵany túsiniksiz bolar edi, dedi Re­seıdiń bas dıplomaty. Biraq Reseı sanksııa qabyldanǵanǵa deıin oryn­dalǵan barlyq kelisim-sharttyń tólengenin úzildi-kesildi talap etedi. RAHMONNYŃ ULY KONTRABANDAMEN KÚRESEDI Tájikstan prezıdentiniń úlken uly Rýstam Emomalı basshy­lyq qyzmetke taǵaıyn­daldy. Oǵan kontrabandamen jáne kedendik erejelerdi buzýmen kúres jónindegi basqarma tizgini senip tap­syryldy. Bul laýazymnyń keden qyzmetine tikeleı qatysy bar. Jańa basshy qazirdiń ózinde basqarma qyzmetkerlerine tanystyrylyp úlgerilgen. Buǵan deıin R.Emomalı ınvestısııa jónindegi memlekettik komıtette jumys istepti. Onda ol shaǵyn jáne orta kásipkerlikti qoldaý jónindegi basqarmaǵa jetekshilik etken kórinedi. Tájikstan prezıdenti Emomalı Rahmonnyń jeti qyzy jáne eki uly bar. Bir qyzy da memlekettik qyzmette, ıaǵnı el syrtqy ister mınıstriniń orynbasary eken. BAS KEDENShI – QOS AZAMATTYQ IESI Qyrǵyzstan parlamentiniń depýtat­tary el keden qyzmetiniń basshysy Qýanych­bek Kýlmatovtyń otstavkaǵa ketýin talap etti. Olar sheneýniktiń Reseı azamaty da bolyp tabylatynyn, osyǵan baılanysty onyń joǵary memlekettik laýazym ıelenýge quqy joq ekenin kóldeneń tartty. Qyrǵyzstannyń bas kedenshisiniń atyna narazylyqty «Respýblıka» (bıleýshi koalısııaǵa kiretin fraksııalardyń biri) fraksııasynan depýtat Tynychtyq Shaınazarov negizdep berdi. Ol qolynda Reseı federaldy mıgrasııalyq qyzmetiniń derekteri bar ekenin jarııa ete kelip, Kýlmatovtyń Reseı azamaty bolyp tabylatyny anyq ekenin atap kórsetti. Depýtattyń talabyn oppozısııadaǵy «Ata Meken» fraksııasynyń lıderi О́mirbek Tekebaev ta qostady. QYSQA QAIYRYP AITQANDA: • Stokgolm halyqaralyq zertteýler ınstıtýtynyń sarap­shylary Mınsk M.Kaddafı rejimin qarý-jaraqpen qam­tama­syz etti dep kúdiktenetinin jarııa etti. Olarda kúdikterin aıǵaqtaıtyn birqatar dáıekter bar kórinedi. • Úndistan soty 2002 jyldyń 27 aqpanynda 59 adamnyń ólimine soqtyrǵan poıyz órtin uıymdastyrǵan 11 qyl­mys­kerdi endi ǵana ólim jazasyna kesken úkim shyǵardy. Taǵy 20 qylmysker ómir boıy túrmede otyratyn jazaǵa kesildi. • Iranda oppozısııa lıderleri Mır-Hoseın Mýsavı men Mehdı Karrýbı tutqynǵa alyndy. Olardyń zaıyptary da túrmege qamalǵan. Atalǵan oppozısıonerler buǵan deıin úı qamaǵynda ustalyp kelgen bolatyn. Internet materıaldary negizinde ázirlendi.