Arman qýǵan jastar «aýylynda» О́mirbek Joldasbekovke eskertkish ornatyldy

Endi Almatydaǵy Ál-Fa­ra­bı atyndaǵy QazUÝ qala­shy­ǵyna jolyńyz túse qalsa, kór­nekti ǵalym, qoǵam jáne memleket qaıratkeri, Qazaqstan­daǵy robottar mehanıkasy, me­­hanızmder men mashınalar teo­rııasy mektebiniń negizin qalaý­shy, akademık О́mirbek Arys­lanuly Joldasbekovtiń eńseli eskertkishin kóretin bolasyz. El azamatyna laıyqty es­kert­kishtiń saltanatty ashylý­y­na  Bilim jáne ǵylym mınıstri B.Jumaǵulov, Almaty qalasy áki­miniń orynbasary S.Seıdýmanov, Ál-Farabı at­yn­daǵy QazUÝ rektory Ǵ.Mutanov, Parlament de­­pý­tattary, ǵylymı qoǵam ókil­­deri, О́.Joldasbekovtiń týysta­ry men Reseı, Italııa, Germanııa, Ýkraına, Belorýssııa, Ázirbaı­jan, О́zbekstan, Qyrǵyzstan elde­rinen kelgen áriptesteri qatysty. Taǵylymdy bastamaǵa mu­ryn­dyq bolyp júrgen mınıstr Ba­qytjan Jumaǵulov  Joldasbekov týraly tamasha estelikpen eskertkishti saltanatty túrde ashty. О́mirden ózi ótse de, atqarǵan bar tirligi buǵan deıin de, munan keıin de el ıgiligine aınala berer akademıktiń 80 jyldyǵyna arnalǵan eskertkishi ózi negizin qalaǵan Stýdentter qalashyǵyn­da ornatylǵany quptarlyq is boldy. Bul bir jaǵynan keıingi urpaq pen akademık shákirtte­riniń oǵan degen qurmeti desek te bolady. Eskertkishti turǵyzý tý­raly sheshim Mádenıet mınıstr­ligi janyndaǵy Eskertkish jáne monýment ornatý memlekettik ko­mıssııasynda ótken jyldyń 3 qarashasynda qabyldanǵan eken. Bıiktigi 2 metr, eni 1,3 metr, tuǵyr irgetasy 5 metrden asatyn eskertkishti talantty músinshi Ká­dirhan Kákimov otandyq granıtten somdaǵan. Músinshi Káki­mov­tiń Aty­raýdaǵy «Sultan Beı­ba­rys», Tarazdaǵy «Ǵashyqtar» es­kert­ki­shi­niń avtory ekendigin de, bul eskertkishteriniń О́mirbek Ar­ys­lanulynyń shákirtteriniń, ár­ip­tes­­teri men QazUÝ túlekte­riniń qar­jylaı demeýshiligimen turǵy­zyl­­ǵanyn da aıta ketken jón. Joldasbekov syndy jaraty­lysy bólek jannyń 80 jyldyǵy eskertkish ornatylýmen aıaqtala qoıǵan joq. Bul kúnderi birinshi halyqaralyq Joldasbekov sım­po­zıýmy aıasynda Ál-Farabı at­yndaǵy Qazaq ulttyq ýnıversıteti mehanıka-matematıka fakýltetinde respýblıkalyq «Da­ryn» ǵy­lymı-zertteý ortalyǵy­men birlese otyryp, mehanıka-matematıka salasy boıynsha oqý­­shylardyń zert­teý jumysta­ry­nyń halyq­ara­lyq baıqaýy ótýde. О́mirbek Joldasbekov atyndaǵy baıqaýǵa Reseı, Bolgarııa, Qyr­ǵyzstan já­ne Tájikstan elderinde ótken ult­tyq ǵylymı joba jeńimpazdary men Qazaq­stan­da­ǵy I, II jáne III deń­geıli orta mektep jeńimpaz­da­ry qatysýda. Anyqtap aıtsaq, bilim saıy­syn­da 105 oqýshy zertteý ju­mys­ta­ry arqyly básekege túsýde. Sondaı-aq keshe, birinshi ha­lyq­aralyq Joldasbekov sımpo­zıý­my aıasynda ýnıversıtettiń fızıka fakýltetiniń zamanaýı qural-jabdyqtarmen qamtamasyz etilgen  jańa oqý ǵımaraty da saltanatty túrde ashyldy. Sonymen О́mirbek Joldasbekovti máńgilik este qaldyrýdy kózdegen sharalar legi keshendi ári taǵylymdy sıpatqa ıe bolyp otyr. Eki kúnge sozylatyn atal­mysh halyqaralyq sımpozıým aıasynda О́.Joldasbekovtiń ǵy­ly­mı eńbekteri men tańdamaly shy­ǵarmalarynyń kórmesi de ótýde. Aınash ESALI. Almaty.