Atqarylar ister arnasy keń

Keshe Oral qalasynda Qazaqstan Respýblıkasy men Reseı Federasııasy aýyl sharýashylyǵy mınıstrlikteriniń birlesken alqa májilisi ótkizildi. Onda kedendik odaq jaǵ­daıynda aýyl sharýashylyǵy sektoryndaǵy ıntegrasııa­lyq úrdisti damytý, veterınarlyq qyzmet pen veterınar­lyq baqylaý júıesin jaqsartý jáne atalǵan kedendik odaqqa kiretin memleketter arasynda et óndirisin oń jolǵa qoıý máseleleri talqylandy. Alqa májilisinde Qazaqstan Respýblıkasy Premer-Mınıs­triniń birinshi orynbasary О́mir­zaq Shókeev aldyn ala oı­lastyrylǵan bul alqaly bas­qo­sý Kedendik odaqtyń birinshi kezeńiniń qorytyndylaryna ar­nalyp otyrǵanyn aıtty. Ári bul basqosý eki eldiń agrarlyq vedomostvolary aldynda tur­ǵan mindetterdi birlesip sheshýge tıisti yqpal jasaı ala­ty­nyn jetkizdi. О́z kezeginde qazaqstandyq áriptesiniń oı-pikirin jalǵas­tyr­ǵan Reseı Úkimeti tóraǵa­sy­nyń birinshi orynbasary Igor Shývalov Kedendik odaq júıesi bıylǵy 2011 jyldyń 1 shildesinen óziniń tolyq for­matyna kóshetini týraly aıtyp, bul iste qazirge deıin túbegeıli sheshimin taba almaı kelgen máselelerdi osy joly birjolata rettep alýdy usyndy. – Qazir búkil álemde azyq-túlik qaýipsizdigi taqyryby dúrkin-dúrkin kóterilip júr, – dedi budan ári Igor Ivanovıch. – Kedendik odaq quramyna kirgen elder, sonyń ishinde ejelden ózara baılanystary tarıhı turǵydan damyp qalyptasyp kelgen Reseı men Qazaqstan bul máseleni birlesip sheshýge qabiletti dep oılaımyn. Bul eki kórshiles el ásirese astyq pen et óndirýde álemdegi iri jabdyqtaýshylar bolyp taby­la­dy. Sapaly ónim óndirýge qol jetkizýdiń basty kilti – úzdik álemdik standarttar men búgingi zamanǵy tehnologııa. Mine, osyndaı ıntegrasııalyq talaptar úrdisinde biz bir-biri­mizdi qoldaý tetikterin qalaı ornyqtyra alamyz? – dep saýal tastady I.I.Shývalov. Budan ári basqosýda bul saýalǵa jaýap retinde – onyń basty joly biryńǵaı korporatıvtik jáne aqparattyq júıeni engizý ekendigi aıtyldy. Bul ekeýi jetispegen jaǵdaıda alda turǵan ortaq máseleler de túbegeıli sheshimin taba almas edi. Alqa májilisinde jasalǵan bir túıin osyndaı. Jıynda aıtylǵandaı eki el arasynda aqparattar almasýdyń biryń­ǵaı erejeler júıesi bekitilmegen. Bul ortaq iske kedergi keltirip, qolbaılaý týǵyzady. Son­dyqtan da eki jaqty tıimdi aqparattyq júıeniń ornyǵýy úshin kórshi memleketterdiń ókiletti vedomostvolary qysqa ýaqyttyń ishinde barlyq múm­kindikti paıdalanyp bul isti aıaǵyna deıin jetkizýge tıis. Májiliste Reseı Federa­sııa­sy men Qazaqstan Respýb­lıkasy Aýyl sharýashylyǵy mınıstrleri Elena Skrynnık pen Aqylbek Kúrishbaev mal sharýashylyǵy men veterınar­lyq qyzmetti jaqsartý, bul baǵyttaǵy ózara baılanys­tardy damytý jónindegi óz oı-pikirlerin ortaǵa saldy. Alqa májilisinde reseılikter «QazAgro» AQ basqar­ma­sy­nyń tóraǵasy Asyljan Ma­myt­bekovtiń sapaly et óndirisi, ári ony eksportqa shyǵarý jó­nindegi qazaqstandyqtardyń tájirıbesine múddelilikpen qu­laq túrdi. Sondaı-aq kórshi­lerdi Batys Qazaqstan obly­syndaǵy 8640 bas iri qarany bordaqylaýǵa arnalǵan et ón­dirý kesheni tájirıbesi de qyzyqtyrǵany anyq baıqaldy. Munyń basty artyqshylyǵy shyǵyndy barynsha az jumsaý arqyly – sapaly ári baǵasy ımantarazy ónim óndirýge ba­ǵyt ustalýynda. Munda negizgi shyǵyndar genetıkalyq qordy jaqsartý men jemshóptik ba­zany jetildirýge jumsalmaq. Qazaqstanda mundaı joǵary tehnologııamen jumys jasaýǵa laıyqtalǵan keshender óndirisi on saýsaqtyń sanyna teń, – dep atap kórsetti Asyljan Sary­baıuly. Reseı men Qazaqstan aýyl sharýashylyǵy mınıstrlikteri­niń birlesken alqa májilisinde talqylanǵan máselelerge oraı tıisti sheshim qabyldandy. Temir QUSAIYN. Oral.