Qoǵamdyq baqylaý iske kirisedi

Keshe elordadaǵy M.Gorkıı atyn­­daǵy orys drama teatrynda kezekten tys prezıdenttik saı­laýdyń elektoraldy kezeńdegi qyz­metiniń demokratııalyq jolmen júrgizilýin baqylaý úshin qoǵam ókilderiniń bastamashylyǵymen qu­rylǵan komıssııanyń qyzmeti­men tanystyrǵan baspasóz máslı­h­aty bolyp ótti. Onyń jumysyn qoǵamdyq ko­mıs­sııanyń teń tóraǵalarynyń biri, «Aıt-RARK» pikirsaıys klýbynyń tór­aǵa­sy Nurlan Erimbetov ashyp, júrgizip otyrdy. Qoǵamdyq komıssııa qura­my­na elimizge tanymal adamdar engizilgen eken. Atap aıtqanda, taǵy bir teń tóraǵa Qazaq taǵamtaný akade­mııa­sy­nyń dırektory, Qazaqstan UǴA akademıgi Tóregeldi Sharmanov, mú­she­ler qa­tarynda qoǵam qaırat­keri, máde­nıet­tanýshy Murat Áýezov, qoǵam qaı­ratkeri, jazýshy Smaǵul Elýbaı, jazýshy-dramatýrg Dýlat Isabekov, sarapshy-jýrnalısterdiń qoǵamdyq-konsýltatıvtik klýbynyń tóraǵasy, belgili jýrnalıst Ǵadilbek Shalahmetov, rejısser-ssenarııshi Igor Vovnıanko, «Abaı-aqparat» qazaq ınternet keńistigin damytý qory» qoǵamdyq qo­ry­nyń vıse-prezıdenti Aıdos Sa­rym, «Ýkraınskı novıny» gazetiniń bas redaktory Taras Chernega  jáne t.b. bar. Komıssııa tóraǵasy Qazaqstan aza­­mattaryna arnaǵan ózderiniń málim­de­mesin oqyp berdi. Onda: «Bizdiń maq­saty­myz – Qazaqstan Respýb­lıka­syn­da azamattyq qoǵamdy ári qaraı da­my­týǵa kúshterdi biriktirý, saılamalyq úr­distiń ár deńgeıinde qoǵamdyq ba­qy­laýdy júzege asyrý» delingen. So­nymen birge, saılaýdyń halyqaralyq jáne ulttyq standarttarǵa saı, ádil, ashyq bolmaǵy bizdiń demokratııalyq jolmen damı túsýimizdiń kepili bo­lyp tabylatyny atap kórsetilgen. Son­dyqtan da biz prezıdent bolýǵa úmit­ker­lerdiń báriniń de nasıhattaý ala­ńy­na, BAQ-qa teńdeı qol jetkizýine baqylaý jasap, monıtorıng júr­gi­ze­tin bolamyz. Kandıdattardyń já­ne olar­dyń shtabtarynyń saı­laýal­dy is-sharalaryna erekshe nazar aý­da­ratyn bolamyz, dedi baspasóz más­lı­hatyna qatysýshylar. Komıssııa músheleri ákimshilik resýrstardy qoldaný, kórsetkishterdi asyra kórsetýge tyrysý, azamattardy oqý jáne jumys ýaqyttarynda úgit-nasıhat sharalaryna jegý sııaqty keleńsiz oqıǵalardyń únemi bolyp turatynyna syn aıtty. Bizdiń mindetimiz – jergilikti jerdegi saılaý ko­mıs­sııalarynyń nazaryn osyndaı­lar­ǵa aýdaryp, mundaı áreketterge jol bergizbeý, dedi komıssııa músheleri. О́zderiniń kirispe sózderinen keıin qoǵamdyq komıssııanyń músheleri jýrnalısterdiń kóptegen suraqtary­na jaýap berdi. Sonyń ishinde Orta­lyq saılaý komıssııasyna tirkel­dińiz­der me degen suraqqa, aldymen sizderdiń aldaryńyzda málimdeme jasap alyp, sosyn tirkeletin bola­myz, degen jaýap berildi. Jaqsybaı SAMRAT.