Saılaý mıssııasy ashyldy

Keshe EQYU-nyń Demokratııa ınstı­týt­tary jáne adam quqyqtary jónindegi bıýro­sy 2011 jylǵy 3 sáýirge jospar­lanǵan kezekten tys Qazaqstan Respýb­lıkasy prezıdenttik saılaýynyń baqy­laý mıssııasyn ashyq dep jarııalady. Ortalyq saılaý komıssııasynda ótken atalmysh mıssııany Daan Evertstyń bas­qarýymen Syrtqy ister mınıstrligi arnaıy shaqyrǵan bolatyn. Ol Almaty men Astana qalalarynda jumys isteıtin 15 sarapshydan quralyp, saılaý kúnine bir aı qalǵanda eldiń túpkir-túpkirine baratyn 28 baıqaýshylardan quralǵan. Demokratııa ınstıtýttary jáne adam quqyqtary (DIAQ) jónindegi bıýro saılaýǵa biraz kún qalǵanda, EQYU-nyń qatysýshy memleketteriniń atynan 400 qysqa merzimdi baıqaýshylardyń jiberýlerin surap otyr. Olar saılaý ýchaskesiniń ashylýyn, saılaý barysyn, daýys sanaýyn jáne el boıynsha jalpy nátıjelerin baqylaýdy óz mindetterine alady. Mıssııa saılaýdyń ótkizilýin EQYU prın­sıpterine jáne halyqaralyq-demokra­tııa­lyq saılaýdyń úlgisine, sonymen qatar memlekettiń zańnamasyna sáıkestigin baǵa­la­maq. Dóńgelek ústel barysynda saılaý mıs­sııasy saıası úgit-nasıhattyń qalaı oryn alyp jatqandyǵyn, saı­laý zańnamasyn jáne onyń zańda qol­da­nylýyn, buqaralyq aq­parat quraldarynyń jaǵ­daıyn, saılaý ko­mıssııalarynyń jáne basqa da mańyzdy mem­lekettik qurylymdardyń ju­mysyn zert­teı­tindigi aıtyldy. Bul jóninde Or­talyq saılaý komıssııasynyń tóraǵasy Q.Turǵanqulov málim etti. Juldyz BAIDILDA.