Eldi mekenderimiz jasyl jelek jamylsyn

«Tabıǵat» ekoodaǵy qazaq­stan­dyqtardy Naýryz meıramyn toılaý kúnderi dástúrli aǵash otyrǵyzý úderisterine qatysýǵa shaqyrdy. Birlestik tóraǵasy, prezıdenttikke kandıdat Mels Eleýsizov klımattyń jahandyq jylyný problemasyna adamzat  atmosferadaǵy kómirqyshqyl ga­zyn jutatyn jasyl  jelekti kó­beı­tý arqyly ǵana qarsy tura ala­tynyna senimdi. Eger árbir qa­zaqstandyq tym  bolmasa bir aǵash nemese bir tal otyrǵyzǵan jaǵdaıda elimiz birden birneshe mıllıon ekpege kóbeıip, eldi mekenderimizdi jasyl jelek kóm­ke­re túsetin bolady, deıdi M.Eleýsizov. Jasyl jelek kólemi ekologııasy nashar Almaty úshin asa mańyzdy. Jáne óz qolyńmen otyrǵyzǵan tal-daraq adam úshin ómir boıǵy estelik. Kóktem merekesi barsha úshin óziniń eldi mekenderinde kóshe­ler­ge shyǵyp, osy arqyly qor­sha­ǵan ortany saýyqtyrýǵa óz úle­sin qosý úshin tamasha múmkin­dik, dep atap kórsetedi elimizdiń bas ekology. Sóz reti kelgende aıta ketetin bir jáıt – Mels Ham­zaulynyń ózi alǵashqy aǵa­shyn óskin kezinde, ıaǵnı 7 ja­syn­da otyrǵyzypty. Qazir otyr­ǵyz­ǵan aqqaıyńynyń bıiktigi 30 metr­ge jetedi eken. Mine, sol kez­den bastap «Tabıǵat» lıderi úshin tal-daraq otyrǵyzý ádettegi jáne turaqty jumysyna aınal­ǵan. – Jaqynda Internetten bildim, bir pákstandyq soldat aǵash otyrǵyzýdan rekord jasapty, – dedi jýrnalısterge M.Eleýsizov. – Bir ózi, eshkimniń kómeginsiz 20 myńnan astam kóshet otyrǵyzyp shyǵypty. Bizdiń otandastary­myz­dyń bireýine osy rekordty nege qaıtalamasqa nemese odan da asyp túspeske?! 20 naýryzǵa belgilenip otyr­ǵan osy jasyl jelek aksııasyn daıyndap ótkizý jumystaryna «Tabıǵat» odaǵy ákimder, memlekettik jáne memlekettik emes uıymdar, sondaı-aq kásiporyn­dar, oqý oryn­dary, saıası partııalar men qo­ǵamdyq birlestikter, rý­hanı qaýymdastyqtar men bu­qa­ralyq aqparat quraldary qoldaý kór­setedi dep úmittenedi. Naýryz meıramy barysynda aǵash otyrǵyzatyn izgi dástúrdi ekoodaq biraz jyldardan beri belsendi túrde jáne úlken kúsh-jiger jumsaý arqyly qaıta jań­ǵyrtyp keledi. Búginde mundaı sharalarǵa ekologııa problema­la­ry ózin beıjaı qaldyrmaıtyn kóptegen adamdar – ekologtar, mektep oqýshylary, stýdentter, saıasatkerler,  sheneýnikter, jalpy kópshilik qaýym qatysyp júr. «Egemen-aqparat». Almaty.