Sapar aıasyndaǵy salıqaly kezdesýler

Shveısarııanyń Jeneva qalasynda BUU-nyń Adam quqyqtary jónindegi keńesiniń joǵary deńgeı segmentindegi 16-sessııasy bolyp ótti. Onyń ju­my­sy­na óziniń resmı sapary aıasynda Memlekettik hatshy – Syrtqy ister mınıstri Qanat Saýdabaev qatysyp, sóz sóıledi. Sondaı-aq, birqatar ekijaqty kezdesýler ótkizdi. Olarda yntymaqtastyqty odan ári nyǵaıtýdyń túrli qyrlary tal­­qylandy, dep habarlady Qazaqstan Respýblıkasy SIM-iniń baspasóz qyzmeti. Atap aıtqanda, saıası jáne saýda-ekonomıka salalaryndaǵy yntymaqtas­tyqty odan ári nyǵaıtý máseleleri Qanat Saýdabaevtyń Makedonııa, Slovenııa, Taıland jáne Chehııa syrtqy saıasat vedomstvolary basshylarymen kezdesýi barysynda talqylandy. Makedonııa Respýblıkasynyń Syrt­qy ister mınıstri Antonıo Mıloshoskıımen kezdesý barysynda ol Qazaq­stannyń EQYU-daǵy tóraǵalyǵyna jáne Makedonııa Prezıdenti qatysqan EQYU Astana Sammıtiniń uıymdas­ty­rylýyna joǵary baǵasyn bere otyryp, óz memleketi basshysynyń Qazaqstanǵa saparmen kelý nıeti bar ekenin jetkizdi. Osy oraıda atalǵan sapardy mazmundyq jaǵynan tolyqtyrý, onyń ishinde saýda-ekonomıkalyq yntymaqtastyqqa qatys­ty negizgi qujattardy ázirleý qajettigi talqyǵa salyndy. Odan keıin hal­qynyń 30 paıyzyn Islam dini ókilderi quraı­tyn Makedonııanyń kópultty jáne kóp­konfessııaly quramy jóninde aqparat­tan­dyra otyryp, A.Mıloshoskıı EQYU-daǵy Qazaqstan tóraǵa­ly­ǵynyń tó­zim­dilik máselesine kóńil bólýiniń jáne aldaǵy IKU tóraǵalyǵy aıasynda órke­nıet­aralyq únqatysýǵa qatysty basym­dylyqtardyń artyq­shy­lyǵyn alǵa tartý isiniń mańyzyn atap ótti. Q.Saýdabaevtyń Slovenııa Syrtqy ister mınıstri Samýel Jbogarmen kezdesýi barysynda taraptar aldyńǵy jylǵy Slovenııa Prezıdenti Danılo Tıýrktiń Qazaqstan Respýb­lı­ka­sy­na resmı saparynyń úlken mańyzyn ataı otyryp, joǵary deńgeıdegi eki­jaq­ty ózara yqpaldastyqty ári qaraı ny­ǵaıtý múmkindikterin áńgimelerine arqaý etti. Kópjaqty formattaǵy yntymaq­tas­tyqty talqylaı otyra, Slovenııa mınıstri «Qazaqstan óziniń qarqyndy ju­mysy men uıymnyń ilgeri damýyna qo­symsha kúsh bergen EQYU Astana Sammıtin uıymdastyrýymen EQYU-daǵy úlgili tóraǵalyq beınesin kórsetti», – dep atap ótti óz sózinde. Áńgimelesýshi ta­raptar, sondaı-aq, eki eldiń BUU sheńberindegi ózara baılanystaryn qozǵady. Taıland Syrtqy ister mınıstri Kasıt Pıromıamen kezdesý barysynda taraptar saıası jáne ekonomıkalyq yntymaqtastyqty nyǵaıtý máselelerin, Qazaqstanda Taılandtyń dıplomatııa­lyq qatysýyn keńeıtý, sonymen qatar, AО́SShK jáne BUU sheńberindegi ózara yqpaldastyq máselelerin qarastyrdy. Chehııa Premer-mınıstriniń oryn­ba­sary – Syrtqy ister mınıstri Karel Shvarsenbergpen kezdesý barysynda taraptar ekijaqty qarym-qatynastar bolashaǵyn talqyǵa saldy.