Yqpaldastyqtyń joldary kóp

Jenevada Memlekettik hatshy – Syrtqy ister mınıstri Qanat Saýdabaev óziniń jumys sapary aıasynda BUU-nyń Adam quqyqtary jónindegi Joǵarǵy komıssary Navatenam Pıllaımen jáne Bosqyndar isi jónindegi Joǵarǵy komıssary Antonıo Gýterrıshpen ekijaqty kezdesýler ótkizdi. Q.Saýdabaevtyń N.Pıllaımen kezdesýi barysynda Qazaqstannyń Joǵarǵy komıssar basqarmasymen yntymaq­tas­tyq máseleleri talqylandy. Q.Saýdabaev Qazaqstan BUU Adam quqyqtary jó­nin­degi keńestiń qyzmetin sholýdy qol­daı­tynyn, saıası jáne azamattyq quqyq­tar bir jaǵynan, ekonomıkalyq, áleý­met­tik jáne mádenı quqyqtar ekinshi jaǵynan keńes jumysynda birdeı qoldanys tabýy qajet degen ustanymdy jaqtaıtynyn atap ótti. Q.Saýdabaev áńgimelesýshi tarapty bizdiń elimizdiń adam quqyqtaryn qorǵaý júıesin nyǵaıtý jónindegi, azamat­ta­ry­myzdyń sapaly bilim alýǵa, densaýlyq saqtaýǵa, áleýmettik máselelerdi sheshýge negizgi quqyqtaryn qamtamasyz etý jónindegi atqarylyp jatqan jumys­tarymen tanystyrdy. О́z kezeginde N.Pıllaı Qazaqstanmen yntymaqtastyq deńgeıine, atap aıtqan­da, adam quqyqtaryn qorǵaý júıesin ári qa­raı jetildirý jóninde Prezıdent N.Na­zarbaevtyń bastamasymen qabyl­da­nyp otyrǵan sharalardyń deńgeıine joǵary baǵa berdi. Ol Qazaqstannyń aldyńǵy jyly ámbebap kezeńdik sholýdy sátti uıymdastyryp, onyń nátıjesi boıynsha quqyq qorǵaý qyzmetin odan ári jetildirý boıynsha 120 usynys qabyldaǵanyn atap ótti. Qazirgi kezde atalǵan usynystardy júzege asyrý boıynsha jumys toby qurylyp, qyzmetin atqarýda. N.Pıllaı elimizdiń EQYU-daǵy tór­aǵalyǵynyń nátıjesine, tózimdilik má­se­lelerine basymdylyǵyna joǵary baǵa berip, osy oraıda Islam Konferen­sııasy Uıymyna tóraǵalyǵymyzdan úlken úmit kútetinin jetkizdi. Odan soń, Qazaqstan men BUU Jo­ǵarǵy komıssar basqarmasy arasyndaǵy yntymaqtastyqtyń damýy Q.Saýda­baevtyń Joǵarǵy komıssar A.Gýterrıshpen kezdesýinde sóz boldy. A.Gýterrısh óziniń jaqynda bolǵan Qazaqstanǵa saparyna qanaǵattanǵanyn, sonyń ishinde Elbasy N.Nazarbaevpen kezdesýine kóńili tolǵanyn aıtyp ótti. «Biz Qazaqstannyń basqarmamen tyǵyz baılanys ornatyp otyrǵanyna, sondaı-aq bosqyndardyń ótinishterin retteýge baǵyttalǵan birqatar zań ózgeristerin engizgenine rızashylyǵymyzdy bildiremiz», – dedi óz sózinde A.Gýterrısh. Áńgimelesýshi taraptar aldaǵy yn­ty­maqtastyqtyń naqty baǵyttaryn, atap aıt­qanda, kóktemde Almatyda bosqyn­dardyń ótinishteri máseleleri jóninde halyqaralyq aımaqtyq konferensııa uı­ymdastyrý máselelerin tal­qyǵa saldy. Q.Saýdabaev BUU-nyń Jenevadaǵy bólimshesiniń bas dırektory, BUU Bas hatshysynyń orynbasary Sergeı Ordjonıkıdzemen kezdesýi barysynda eki­jaqty qarym-qatynas máselelerin, sony­men qatar, Qazaqstannyń BUU qyz­metine qatysýy, sonyń ishinde qarý­syz­daný, órkenıetter únqatysýy, aımaqtyq yntymaqtastyq salalary aıasynda ózara yqpaldasý máselelerin talqylady. BUU Jenevadaǵy bólimshesiniń Astana bastamalaryna barynsha qoldaý kórsetip otyrǵanyna alǵysyn bildire otyryp, Q.Saýdabaev ári qaraı úıles­tirilgen ózara yqpaldastyqty jalǵas­tyrýdyń ortaq maqsattarǵa jetýde mańyzy zor ekenin atap ótti. Áńgime barysynda taraptar ózara yqpaldastyqtyń, halyqaralyq jáne aı­maqtyq saıasattyń ózekti máselelerin qozǵady. Sonyń ishinde Soltústik Afrıkadaǵy máseleler jáne ony retteýde halyqara­lyq uıymdar tarapynan qabyldanyp jatqan sharalar sóz etildi.