Eýropa elderimen yqpaldastyq úshin

Keshe Brıýsselde Qazaqstan Respýblıkasy Táýelsizdiginiń 20 jyldyq mereıtoıyn uıymdastyrý jónindegi Memlekettik komıssııanyń tóraǵasy, Memlekettik hatshy – Syrtqy ister mınıstri Qanat Saýdabaev EO-daǵy dıplomatııalyq qyzmettiń ózekti máselelerin jáne elimiz Táýelsizdiginiń 20 jyldyǵyn atap ótý máselelerin talqylaý maqsatynda Eýropa elderindegi qazaqstandyq elshilermen jalpylama keńes ótkizdi, dep habarlady QR SIM-iniń baspasóz qyzmeti. Q.Saýdabaev óz sózinde Prezıdent N.Nazarbaevtyń Joldaýyna sáıkes, Qazaqstan eýropalyq baǵyttaǵy syrtqy saıası basymdylyqtaryn anyqtap berdi, dedi. Eýroodaq elderimen qarym-qatynas sheńberinde ekonomıkalyq mazmunnyń nyǵaıýy, sonyń ishinde eýropalyq ınvestısııalar men tehnologııalardy memlekettik údemeli ındýstrııalyq-ınnovasııalyq damý baǵdarlamasyna jáne Elbasynyń bastamasymen qabyldanǵan «Eýropaǵa jol» memlekettik baǵdarlamasyna tartý mańyzdylyǵy atap ótildi. Sonymen qatar, Joldaýda aıtylǵan «Qazaqstan – EO-2020» Energetıkalyq hartııasyn jasap shyǵarý týraly usynysty júzege asyrý mańyzdylyǵy da ataldy. Qazirgi kezde Eýropalyq Odaqpen qarym-qatynasty sapaly jańa deńgeıge shyǵarýǵa barlyq alǵysharttar bar, dep atap ótti óz sózinde Q.Saýdabaev. Joǵaryda aıtylǵandarǵa sáıkes jáne Qazaqstan Táýelsizdiginiń 20 jyldyq mereıtoıyn atap ótýge oraı, Ulybrıtanııa, Fransııa, Germanııa, Italııa, Belgııa, Nıderlandy, Avstrııa, Polsha, Shveısarııa jáne t.b. elderdegi Qazaqstannyń elshilerine Eýropamen keń kólemdi yntymaqtastyqty ári qaraı damytýǵa baǵyttalǵan kúsh-jigerdi belsendilendirýge naqty tapsyrmalar berildi.