Qazaqstan Respýblıkasy Prezıdentiniń Jarlyǵy

Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2011 jyldyń sáýir-maýsymynda jáne qazan-jeltoqsanynda kezekti merzimdi áskerı qyzmetke shaqyrý týraly «Áskerı mindettilik jáne áskerı qyzmet týraly» Qazaqstan Respýblıkasynyń 2005 jylǵy 8 shildedegi Zańyna sáıkes qaýly etemin: 1. Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshiler 2011 jyldyń sáýir-maýsymynda jáne qazan-jel­toq­sanynda Qazaqstan Respýblı­kasynyń Qarýly Kúshteri, Qazaqstan Respýblıkasy Ishki ister mı­nıstr­liginiń Ishki áskerleri, Qazaqstan Respýb­lı­ka­sy Ulttyq qaýipsizdik komıteti, Qazaqstan Respýblıkasy respýblıkalyq Ulany, Qazaqstan Respýblıkasy Tótenshe jaǵdaılar mınıstrligi qatarynan zapasqa shyǵarylsyn. 2. Áskerge shaqyrýdy keıinge qaldyrýǵa nemese bosatýǵa quqyǵy joq on segiz jastan jıyrma jeti jasqa deıingi er azamattar, sondaı-aq oqý oryn­darynan shyǵarylǵan, jıyrma jeti jasqa tolmaǵan jáne áskerge shaqyrý boıynsha belgilengen áskerı qyzmet merzimderin ótkermegen azamattar 2011 jyl­dyń sáýir-maýsymynda jáne qazan-jeltoq­sa­nyn­da Qazaqstan Respýblıkasynyń Qarýly Kúsh­terine, Qazaqstan Respýblıkasy Ishki ister mı­nıstrliginiń Ishki áskerlerine, Qazaqstan Respýb­lı­kasy Ulttyq qaýipsizdik komıtetine, Qazaqstan Res­pýblıkasy respýblıkalyq Ulanyna, Qazaqstan Respýblıkasy Tótenshe jaǵdaılar mınıstrligine merzimdi áskerı qyzmetke shaqyrylsyn. 3. Jergilikti atqarýshy organdar tıisti jergilikti áskerı basqarý organdary arqyly 2011 jyldyń sáýir-maýsymynda jáne qazan-jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin. 4. Qazaqstan Respýblıkasynyń Úkimeti, Qazaqstan Respýb­lıkasy Ulttyq qaýipsizdik komıteti, Qazaqstan Respýblıkasy respýblıkalyq Ula­ny merzimdi áskerı qyzmetti ótkerý úshin Qazaqstan Respýblıkasy Qarýly Kúshterine, Qazaqstan Res­pýblıkasy Ishki ister mınıstrliginiń Ishki ásker­l­erine, Qazaqstan Res­pýblıkasy Ulttyq qaýipsizdik ko­mıtetine, Qazaqstan Respýb­lıkasy respýb­lı­kalyq Ulanyna, Qazaqstan Respýblı­kasynyń Tó­ten­she jaǵdaılar mınıstrligine áskerge shaqyryl­ǵan Qazaq­stan Respýblıkasynyń azamattaryn jó­nel­týdi jáne belgilen­gen merzimdi áskerı qyzmet merzimderin ótkergen áskerı qyzmet­shilerdi bosa­tý­dy qarjylaı jáne materıaldyq qamtamasyz etýdi uıymdastyrsyn. 5. Osy Jarlyq alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Prezıdenti    N.NAZARBAEV. Astana, Aqorda, 2011 jylǵy naýryzdyń 3-i.   №1163