Halyqshyl kommýnıster belsendiligi

2 naýryzda Qazaqstan Kommýnıstik halyqtyq partııasynan pre­zıdenttik saılaýǵa qatysatyn azamatty tirkeý boıynsha bas­pa­sóz máslıhaty bolyp ótti. QKHP-dan kandıdat retinde partııanyń Ortalyq komıtetiniń hatshysy Jambyl Ahmetbekov usynylǵa­ny belgili. Ony qoldaý boıynsha qol jınaý naýqany kezinde 96 myń qol jınalǵan. Bul tabysty úderis dep sanalady. Jumysqa bar­lyq 16 óńirlik partııa ko­mıtet­teriniń, sondaı-aq qalalyq uıymdar músheleriniń kúsh-jigeri jumsalǵan. Aıta ketetin bolsaq, QKHP-nyń oblystar men qala­lar deńgeıinde ǵana emes, sony­men qatar, elimizdegi 204 aýdan­nyń 160-ynda fılıaldary bar. Baspasóz máslıhaty bary­syn­da osy máseleler jóninde aıtqan QKHP Ortalyq komıtetiniń hat­shysy Vladıslav Kosarev par­tııa­nyń ustanymdaryn ózine ja­qyn tutatyndardyń barlyǵyn Kommýnıstik halyqtyq uıym qa­taryna qosylýǵa shaqyrdy. «Keń aýqymdy úgit-nasıhat naýqanyn paıdalana otyryp biz kópshilikti QKHP qatarynan kórgimiz keletinin jarııalaımyz», dedi partııa Ortalyq komıtetiniń hatshysy. Saıası birlestik ókilderiniń sóz­derine qaraǵanda, kandıdat­tyń saılaý tuǵyrnamasyn qoldaý boıynsha úgit jumystary jal­py­ulttyq nasıhatpen úılestirile júrgiziletin bolady. Bul arada Kommýnıstik halyqtyq partııa­nyń mindetteri men qundy­lyq­taryn ońtaıly túsindirýdiń ma­ńy­zy zor. Saılaý naýqany partııa qurylysynyń jáne sapalyq jańa deńgeıge kóshýdiń mańyzdy kezeńi retinde qarastyrylady. Partııa aqıqat pen ádilettilik ıdealdary kim-kimge de qymbat bolsa, kimde-kim Qazaqstandy órkendegen, áleýmettik jaýapkershilikti memleket retinde kórgisi kelse, ózderiniń sapyn toltyrýǵa shaqyrady. QKHP saılaýdyń taza, ashyq jáne móldir ótýi úshin barlyq kúsh-jigerin jumsaý nıetinde. Osy­ǵan baılanysty partııanyń respýblıkalyq saılaý shtaby basty mindeti kimniń saılaý quqy buzylatyn bolsa, sonyń quqyn qorǵaý bolyp tabylatyn Qoǵam­dyq qoldaý ortalyǵyn qura­ty­ny málimdeldi. Barlyq derlik saılaý ýchaskelerinde QKHP-nyń baı­qaý­shylary bar. Partııa ádette saılaý kezinde asa belsendilik tanyta qoı­maı­tyn saılaýshylar tizimin birizdendirý jaýapkershiligin ózine alatyny da baspasóz máslıhaty barysynda atap aıtyldy. Partııa ókilderiniń pikirlerinshe, elimizde 2,7 mıllıon ózin-ózi eńbekpen qamtamasyz etetin adamdar bolsa, solardyń kem degende jarty­sy­nan astamy sońǵy úsh saılaý sıkl­derine qatysqan joq. «Egemen-aqparat». Astana.