Kommýnıster de saılaýaldy shtabyn ashty

Keshe elordada Qazaqstan Kommýnıstik halyqtyq partııasynan prezıdenttikke kandıdat Jambyl Ahmetbekovtiń respýblıkalyq saılaýaldy shtabynyń ashylý rásimi boldy. Qazaqstan Kommýnıstik halyqtyq partııasynyń tóraǵasy Vladıslav Ko­sarevtiń tusaýkeser rásimdegi sózine qaraǵanda, partııa Ortalyq komı­tetiniń hatshysy Jambyl Ahmetbekov osy jyldyń 26 aqpanynda Ortalyq saılaý komıssııasynda resmı tirkelip, Qa­zaqstan Respýblıkasynyń prezıdenttigine kandıdat mártebesin alǵan. Kan­dıdatty qoldap qol jınaý úde­risteri de oıdaǵydaı aıaqtaldy. Alty kún ishinde kandıdat 96 500 saı­laýshynyń qolyn jınaǵan. Búginnen (3 naýryz) bastap partııa atynan prezıdenttikke kandıdat Jambyl Ahmet­bekovtiń saılaýaldy naýqany keń kólemdegi úgit jumystaryn bastady. Partııa tóraǵasy sóz barysynda partııanyń saılaý naýqany kezinde alǵa qoıǵan negizgi maqsatymen de tanystyryp ótti. Onyń habardar etýinshe, ózin-ózi jumyspen qamtamasyz etetin adamdardyń jaǵdaıyn zańdy túrde bekitip, jer telimderine ıe azamat­tardyń quqyqtaryn qaıta qalpyna keltirý qajet. Sonymen qatar, jekeshelenip ketken kommýnaldyq qyzmetti halyqtyń qatysýymen aksıonerlik qoǵam retinde qaıta qurý kerek. Vladıslav Kosarev, sondaı-aq Kommýnıstik halyqtyq partııa saılaý úderisterine baıqaýshy retinde belsene qatysatyndyǵyna da toqtaldy. Partııa basshysynyń aıtýynsha, elimizde 2,7 mıllıonǵa jýyq adam ózin-ózi ju­myspen qamtamasyz etip keledi. Osylardyń 70 paıyzdan astamy túrli deńgeıde ótken saılaýlarǵa qatysqan joq. Partııa olardyń saılaýǵa qatysýlaryna kúsh jumyldyratyn bolady. Tusaýkeserde kandıdattyń res­pýblıkalyq saılaýaldy shtabynyń jetekshisi Dáýken Temirbaev pen prezıdenttikten úmitker Jambyl Ahmetbekov te sóz alyp, saıası naýqanǵa baıla­nysty óz oılarymen bólisti. Shtab jetekshisiniń málim etýinshe, kandı­dattyń saılaýaldy úgit jumystaryn júrgizý úshin oblystyq, qalalyq jáne aýdandyq shtabtar qurylyp, jumys isteı bastady. Jaqynda úgit poıyzy ja­saqtalyp, el aralaýǵa shyǵatyn bola­dy. Onyń quramynda belgili ǵalymdar, óner qaıratkerleri men saıasatkerler bar. Al prezıdenttikke kandıdat Jambyl Ahmetbekov óziniń saılaýaldy baǵdarlamasy BAQ-tarda jarııalana­ty­nyn aıta kelip, Kommýnıstik ha­lyqtyq partııanyń óz jaqtaýshy­lary­na arnaǵan úndeýimen tanystyrdy. Álısultan QULANBAI.