Almaty oblysy ákimi sábılerdiń ólimine baılanysty jıyn ótkizdi

Oblys ákimi buǵan beı-jaı qaramaıtynyn aıtty Jaqynda Almaty oblysy, Qarasaı aýdandyq ortalyq aýrýhanasynda úshem dúnıege kelip halqymyzdy erekshe qýanyshqa bólegen edi. Biraq qýanysh uzaqqa sozylmaı nábary alty kúnniń ishinde úshemniń bireýi shetinep ketkeni ókinishti boldy. Qudaıǵa táý­be ózge eki bala aman. Biraq bul ókinish eshkimdi beıjaı qaldyr­mady. Mine, osy máselege oraı Alma­ty oblysynyń ákimi Aman­dyq Batalov shuǵyl jıyn ótkizdi. «Qolymyzdaǵy úsh sábıdiń birinen jáne olardan bólek týǵan taǵy bir náresteden qalaı aıyry­lyp qaldyq? Sebep ne? Qandaı da bir em jasap, jandaryna arasha túsýge bolmas pa edi? Úshem týyla bermeıdi. Al, dárigerler, sender kásibı ma­man­dyqtaryńa kiriserde ant berdińder ǵoı. Qajet bolsa kásibı mamandardy Germanııadan ákelip sábılerge em jasatýǵa shamamyz bar ǵoı. Kásibı sheberligi shyń­dalǵan dárigerlerge toly Almaty qalasy da bul aýdanǵa tıip tur», dep óńir basshysy jıyndy jaýapty tulǵalardyń apshysyn qýyrýdan bastady. Bul salaǵa qy­rýar qarajat bólinip, birinen ekinshisi asatyn ǵımarattar medısınalyq talapqa saı salynyp, ishine álemdegi eń ozyq qondyrǵylar satylyp ákelinip ornatylǵan. Tek dárigerler sol zamanaýı apparattardyń tilin túsinip, oqı alsa, uǵyna bilse bolǵany. Negizi 2001 jylmen salystyrǵanda, densaýlyq saqtaý salasyna bıýdjetten bólinetin qarajat kólemi 31 esege ósken. Bul ósimdi Amandyq Batalovtyń Almaty oblysyna ákim bolyp taǵaıyndalǵanda jumysyn eń birinshi kezekte densaýlyq saqtaý salasy qyzmetkerlerimen kezdesip, olardyń jumys oryndaryn kórýden bastaǵanynyń nátıjesi dep túsingen durys. Minbege kóterilip, beıkúná sábıler ólimin analarymen baılanystyra bastaǵan ob­lystyq densaýlyq saqtaý bas­qarmasynyń basshysy Ashan Baıdývalıevtiń esebin óńir basshysy kilt kesip negizgi másele bala ólimine naqty jaýap berýin talap etti. Sydyrtpa sózge erik berilmedi. О́z kezeginde Qa­rasaı aýdandyq ortalyq aýrýhanasynyń bas dárigeri Sáýle Saýranbaeva osyǵan deıin alty-jeti qursaq kótergen 35 jas­taǵy ana densaýlyǵyna baılanysty máselelerdi medı­sı­nalyq tilmen túsindire tu­ryp, úshemniń anasyna jeke meıirbıke bólmegenine kináli eke­nin moıyndady. Qalaı desek te bir aptada bir perzenthanada eki ananyń eki sábıiniń shetineýine ázirge dárigerler to­lyq­qandy jaýap bere almady. Qazaqy jalpaq tilmen shala tý­ǵan náreste dep te aqtalyp baqty. Sábılerdiń 1 kılo 400 gramm bolyp dúnıege keletindigi týraly mysaldar jetip-artylady. Sol sábılerdiń búginde dop oınap júrgenin estigende aq halatty abzal jandarǵa alǵystan basqa ne aıtasyz. Al búgingi kóterilip otyrǵan másele dárigerlerge re­nish bildirýmen shektelmeıtini anyq. Sondyqtan bir aptada qos sábıdiń shetineýiniń sebepterin muqııat tekserip, on kúnniń ishinde esep berýdi óńir basshysy birinshi orynbasary Lázzat Turlashevqa tapsyrdy. Taǵy bir basa aıtylǵan másele Jetisý jerinde adam óliminiń azaımaýynyń bir sebebi dárigerlerdiń kásibı bilik­tilik­teriniń tómen ekendigin Den­saýlyq saqtaý mınıstrliginiń málimeti rastaıtyndyǵy boldy. Bul keleńsizdikten tıisti qorytyndy shyǵarý kerektigin óńir basshysy nyqtap aıtty. Nurbol ÁLDIBAEV, «Egemen Qazaqstan» TALDYQORǴAN