Astanada dılerlik ortalyq ashyldy

Mashına jasaý men tehnıka óndi­rýde jetekshi elderdiń qataryna qosylatyn Japonııanyń, ásirese, «Toıota» kompanııasynyń kólikteri qaı mem­lekette de úlken suranysqa ıe. Kúni keshe Astanada da «Toıota Sıtı Astana» atty iri dılerlik ortalyq ashyldy. Jańa avtosalon EKSPO-2017 halyqaralyq kórme ótetin aýmaqqa jaqyn aýdanda ornalasqan. Nysannyń saltanatty ashylý rásimine «Toıota Motor Evropa» ortalyǵynyń jetekshisi Mettıý Harrısan qatysyp, sóz sóıledi. «Elordalyqtarǵa esik ashqan bul mekeme «Avtodom» kompanııalar to­bynyń bir bóligi bolyp tabylady. Al onyń quramyna Almaty, Qos­tanaı, jáne Aqtaý qalalarynda oryn tepken dılerlik nysandar kire­di. «Toıota Sıtı Astana» – Or­ta Azııadaǵy eń iri dılerlik or­ta­lyq «Toıota Sıtı Almatymen» deń­geıles. Sondyqtan budan bylaı As­tana qalasynyń turǵyndary jańa avto­salonnyń arqasynda teńdesi joq segment kóshbasshysynyń qyzmet­terin tolyq spektrimen paıdalana alady», dedi Mettıý Harrısan. Ol saltanatty basqosýdyń «Toıota Motor Kor­poreıshn» resmı dıstrıbıý­tory­nyń qamqorlyǵymen ótkenin de jetkizdi. Jıynda «Toıota Motor Qazaqstan» ortalyǵynyń prezıdenti Etsýo Ha­shıno men «Toıota Sıtı Astana» quryl­taıshysy Sýhrab Mahmýdov ta kópshilikke lebizdi pikirlerin bildirdi. Olardyń aıtýynsha, «Toıota» kompanııasy Qazaqstandy ǵana emes, álemdi sharpyǵan qarjy daǵdarysyna qaramastan eki el arasyndaǵy serik­testik qatynastaryn, kólik bıznesin, qosalqy bólshekter saýdasyn jáne servıstik qyzmet kórsetýdi damytýda mańyzdy ról atqarýda. Mundaı ilkimdi sharýalar óńirdiń ekonomıkalyq áleýetine septigin tıgizýde. Zertteýler nátıjesine súıensek, salaǵa tıesili óńirlik jalpy ónimniń ósýi 10,3 paıyz­dy quraıdy. Shara barysynda qatysýshylar japon mádenıetin aıshyqtaıtyn kon­serttik baǵdarlamany tamashalady. Ashat RAIQUL, «Egemen Qazaqstan»