Balalardyń bal mekeni

Qart Ulytaý tórinde ornalasqan, pák júrekti búldir­shin­derdiń balalyq shaq­tarynyń kýási – «Aıgólek» balabaq­shasyna mine, bıyl 11 jyl tolyp otyr. Keleshektiń kelisti bolýy, keleshek urpaǵymyzdyń oı-óri­sin damytyp, ulttyq qundy­lyq­tardy qasterleýge tárbıeleý jolynda balabaqshanyń ma­ńyzy zor. Qaraǵandy oblysy, Ulytaý aýdany, Jezdi kentinde kom­mýnaldyq memlekettik qazy­nalyq kásiporny «Aıgó­lek» balabaqshasy 2005 jyl­dyń 1 maýsymynda «Ba­la­pan» baǵdarlamasy aıasyn­da qu­ryldy. Jalpy, balabaq­shada búldirshinder jas erek­shelikterine saı, top-toppen qabyldanyp, jańa mektepke deıingi bilim berý uıymdarynyń standartyna saı jumys is­tep keledi. Balabaqshanyń alǵash­qy meńgerýshisi Botagóz Bazylbekova «Aıgólek» balabaq­shasynyń negizin quryp, 8 jyl basqardy. 2013 jyldan beri jas ta bolsa bas bola bilgen Dı­nara Zeınelqabdenqyzy Seıtmaǵanbetova basqaryp ke­ledi. Sonymen qatar, osy 11 jyl ishinde «Aıgólek» bala­baqshasynyń jetistikteri de aýyz toltyryp aıtarlyq. 2011 jyly mektep jasyna deıingi oblystyq «Saryarqa daryndary» ıntellektýaldyq baı­qaýynda N.Kólbaı aǵylshyn tili boıynsha I dárejeli dıplommen, 2012 jyly mektep jasyna deıingi oblystyq «Saryarqa daryndary» ıntellektýaldyq baıqaýynda A.Ermek matematıka boıynsha IV dárejeli dıplommen, 2012 jyly «Malenkaıa stra­na» baıqaýynda vokal no­mınasııasy boıynsha III dá­rejeli dıplommen, 2013 jy­ly «Malenkaıa strana» baı­qaý­ynda bı nomınasııasy boıynsha «Aıgólek» bıshiler toby I dárejeli dıplommen, 2013 jyly Almaty qalasynda ótken «Kúnshýaq» konkýrsynda bı nomınasııasy boıynsha «Balaýsa» bıshiler toby I dárejeli dıplommen, 2014 jyly Almaty qalasynda ótken Respýblıkalyq televızııalyq «Ǵumyrdarııa» baıqaýynda bı nomınasııasy boıynsha II dárejeli dıplommen, 2016 jy­ly «Assol» balalardy jan-jaqty damytý ortalyǵynyń uıymdastyrýymen «Malenkaıa strana» baıqaýynda bı nomınasııasy boıynsha II dárejeli dıplommen marapattalǵan. Bala­baqshadaǵy árbir maman ıesi óz isine tyńǵylyqty, jaýap­kershilikpen qarap, balalardyń shyǵarmashylyqtaryn damytýda úlken úles qosyp keledi. Jaqynda Jezdi kenti Má­de­nı-saýyqtyrý ortaly­ǵyn­da «Aıgólek» balabaq­sha­synyń 11 jyldyq mereıtoıyna arnalǵan konserttik baǵ­dar­lama ótti. Júrgizýshiler, osy ba­labaqshanyń túlekteri Aıdana, Asylhan, Nazym halyq­pen amandasyp, Jezdi kenti ákimi B.Nurbalaev pen aýdan­dyq kásipodaq tóraǵasy Sh.Úm­betovke quttyqtaý sóz keze­gin berdi. Quttyqtaý sózden keıin balabaqsha túlekteri men qa­zirgi tárbıelenýshileri sahna tórine shyǵyp «Aıgólek» flesh-mob bıin bılep, odan ári hor «Aq kógershin», «Árqashan kún sónbesin» ánderin oryndady. Myń buralǵan bıshi túlekter «Qýyr­shaq», qazaq bıi «Shashý», búl­dirshinder úndi bıi «Lecha-lecha» jáne basqa bılerdi tartý etti. Kesh sońynda Jezdi kenti ákimi B.Nurbalaev pen mekeme basshysy D.Seıtmaǵanbetova bir top tárbıeshilerdi Alǵys hatpen marapattady. Sóz sońynda «Aıgólek» ba­la­­baqshasy jarqyrap, kór­keıip, gúldene bersin demekpiz! Jannur AINABEKQYZY Qaraǵandy oblysy, Ulytaý aýdany, Jezdi kenti