Joly bolǵan Joldas

Ishki kóshi-qon saıasaty baǵdarlamasy sheńberinde shalǵaıdaǵy Sh.Ýálıhanov aýdanyna bıyl 17 otbasy kelse, aralarynda Káribaevtar áýleti de bar. Shańyraqtyń ıesi Jandos «Joldasbaı Agro» fermerlik sharýashylyǵyna turaqty jumysqa ornalasyp, eńbek dese erinbeıtin elgezektik qasıetimen kórine bildi. Ol Ońtústik Qazaqstan oblysy Saıram aýdany Aqsýkent aýy­lynda dúnıege kelip, osy jerde mektep bitirgen. Mamandyq daıarlaý kýrsynda oqyp, «V», «S», «E» sanattaǵy kólik júrgizýshilik kýáligine ıe bolǵan. Tý­ǵan jerinde mehanızator bolyp eńbek etip kelgen ol teriskeı jaqqa qo­nys aýdarǵanǵa deıin osy kásibinen násip taýyp otyrǵan. Búginde «Kam­AZ» kóligine júrgizýshi retinde qabyl­danyp, kásibı biliktiligine ujym rıza. – Úkimet tarapynan bir rettik óte­maqy berildi. Jumys ta, baspana da daıyn eken. Biz elimizdiń bir qıyryna baılyq emes, maqsat qýyp keldik. Ol – Otanymyzdy órkendetýge óz úle­simizdi qosý, – deıdi qarapaıym eńbek ıesi. Jańa qonysqa otaǵasynyń sońy­nan otbasynyń basqa músheleri de je­tip, búginde Kishkenekól aýylyn­da turady. Jandostyń jan jary Sáýle – tórt balanyń anasy. Aldy – 11 jasta, kenjeleri – 5 aılyq. Ol Shym­kent qalasyndaǵy gý­ma­nı­tarlyq-eko­no­mıkalyq kolledjdi bas­taýysh synyp muǵalimi mamandyǵy boıyn­sha támamdaǵan. Eńbek ótili – 10 jyl. Balalary eseıgen soń eńbek etýdi ar­mandaıdy. «Joldasbaı Ag­ro» fer­­merlik sharýashylyǵynyń bas­^­shy­­ly­ǵy kóp balaly otbasyna bar­­lyq áleý­mettik jaǵdaıdy jasap, bas­­pa­­­naǵa deıin satyp ápergen. – Jumystan rahat alý, tabys tabý – men úshin úlken baqyt. Qoldaý kórsetken aǵaıyndy Joldasbaevtarǵa rızashylyǵym sheksiz. Olar biz sekildi kóptegen otbasyna kómek kórsetip keledi. Qushaq jaıa qarsy alyp, eldiń, jurttyń qamyn jep júrgen osyndaı janashyrlar kóbeıe bergeı, – deıdi «temir tulpar» tizgindegen aqjarqyn azamat. Sarman AIаZBEKOV Soltústik Qazaqstan oblysy, Ýálıhanov aýdany