Qazaqstan Respýblıkasy Ulttyq ekonomıkasy mınıstrliginiń buıryǵy  №190

  2015 jylǵy 6 naýryz, Astana qalasy «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly» «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 144-babynyń 6 tarmaǵyna sáıkes buıyramyn: 1. Qosa berilip otyrǵan «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti (Á.B. Mátishev) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq – quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Ulttyq ekonomıka vıse-mınıstri T.M. Jaqsylyqovqa júktelsin. 4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Mınıstr E.DOSAEV «KELISILGEN» Qazaqstan Respýblıkasynyń Densaýlyq saqtaý jáne áleýmettik damý mınıstri ___________ T. Dúısenova 2015 jylǵy 10 naýryz Qazaqstan Respýblıkasy Ulttyq ekonomıka mınıstriniń 2015 jylǵy 6 naýryzdaǵy № 190 buıryǵymen bekitilgen «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalary 1. Jalpy erejeler 1. «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalary (budan ári – Sanıtarııalyq qaǵıdalar) profılaktıkalyq egýlerdi júrgizý boıynsha sanıtarııalyq-epıdemıologııalyq talaptardy belgileıdi. 2. Osy Sanıtarııalyq qaǵıdalarda mynadaı uǵymdar paıdalanylady: 1) vaksınanyń «ashylǵan qutysy» – tyǵyny alyp tastalmaı, vaksınany shprıspen tesip alyp, ıneksııalyq tásilmen engiziletin vaksınanyń qutysy; 2) óli vaksınalar – óli nemese belsendiligi joıylǵan mıkrorganızmderden, sondaı-aq mıkrobtyq kletkanyń jekelegen komponetterinen jáne olardyń tirshilik áreketiniń ónimderinen daıyndalǵan vaksınalar; 3) tiri vaksınalar – tiri mıkroorganızmderden daıyndalǵan vaksınalar; 4) ımmýndaýdan keıingi qolaısyz kórinister (budan ári - IKQK) ımmýndaýdan keıin oryn alatyn, medısınalyq qyzmetkerdiń nemese halyqtyń alańdatýshylyǵyn týdyratyn jáne ımmýndaýdan paıda boldy dep esepteletin medısınalyq jaǵdaı; 5) medısınalyq ımmýndyq bıologııalyq preparattar (budan ári – MIBP) – ınfeksııalyq jáne ımmýndyq (allergııalyq aýrýlardy qosqanda) aýrýlardyń ózindik aldyn alýǵa, dıagnostıkalaýǵa jáne emdeýge, basqa aýrýlardyń ımmýnologııalyq ádisteri jáne fızıologııalyq jaǵdaılary kómegimen dıagnostıkalaýǵa, syrtqy orta obektilerinde ınfeksııalyq agentterdi jáne olardyń antıgenderin ındıkasııalaýǵa arnalǵan, ımmýndyq júıe arqyly emdeýshi jáne profılaktıkalyq áser etetin preparattar. 3. Halyqqa epıdemıologııalyq kórsetkishter boıynsha profılaktıkalyq egý júrgizý kezinde jáne IKQK paıda bolǵan kezinde «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 21-baby 13-tarmaǵy 4) tarmaqshasyna sáıkes Qazaqstan Respýblıkasynyń Bas memlekettik sanıtarııalyq dárigeriniń qaýlysy shyǵarylady. 4. Halyqqa profılaktıkalyq egýdi júrgizý úshin «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 80- babynyń 3-tarmaǵynda belgilengen jaǵdaılardan basqa Qazaqstan Respýblıkasynda tirkelgen jáne qoldanýǵa ruqsat berilgen MIBP (vaksınalar, anatoksınder, ımmýnoglobýlınder) paıdalanylady. 5. «Qarsy profılaktıkalyq egý júrgiziletin aýrýlardyń tizbesin, olardy júrgizý erejesin jáne halyqtyń josparly egilýge jatqyzylatyn toptaryn bekitý týraly» Qazaqstan Respýblıkasy Úkimetiniń 2009 jylǵy 30 jeltoqsandaǵy № 2295 qaýlysymen (budan ári – №2295 qaýly) bekitilgen tizbege kirmeıtin ınfeksııalarǵa qarsy profılaktıkalyq egý aqyly egý kabınetterinde jeke jáne zańdy tulǵalardyń qarajaty esebinen júrgiziledi. 6. Buryn egilmegen bala nemese vaksınasııalaý týraly málimeti joq bala jasyna qaramastan, alǵashqy vaksınalyq keshenmen - týberkýlezge, polıomıelıtke, «V» vırýsty gepatıtine (budan ári - VVG), dıfterııaǵa, kókjótelge, sirespege, qyzylshaǵa, qyzamyqqa jáne epıdemııalyq parotıtke qarsy egiledi. Dıagnostıkalyq preparattar bolǵan jaǵdaıda balanyń ımmýndyq mártebesin aldyn ala zerdeleýge bolady. 2. Halyqqa profılaktıkalyq egýdi júrgizýge qoıylatyn sanıtarııalyq-epıdemıologııalyq talaptar 7. MIBP-dy qoldaný aldynda oǵan qosa berilgen nusqaýlyqpen tanysý, ampýlanyń (qutynyń) tańbasyn jáne bútindigin, preparattyń qosa berilgen nusqaýlyqqa sáıkestigin zerdeleý qajet. 8. Mynalardy: 1) quramyndaǵy antıgeni azaıtylǵan adsorbsııalanǵan dıfterııa-sirespe anatoksınin (budan ári – ADS-M), sirespe anatoksınin (budan ári – AS), tutas jasýshaly (budan ári - AKDS) jáne jasýshasyz kókjótel komponentti (budan ári - AbKDS) adsorbsııalanǵan kókjótel-dıfterııa-sirespe vaksınasynan turatyn vaksınalardy, vırýsty gepatıtterge, pnevmokokk ınfeksııasyna qarsy vaksınalardy jáne belsendiligi joıylǵan polıomıelıtke qarsy vaksınany, sonymen qatar muzdatylǵan basqa da adsorbasııalanǵan vaksınalardy; 2) quty ındıkatorynyń nemese basqa da termoındıkatorlardyń kórsetkishteriniń negizinde joǵary temperatýranyń áserine ushyraǵan vaksınalardy; 3) jaramdylyq merzimi aıaqtalǵan MIBP-dy, onyń ishinde vaksınalar men eritkishterdi; 4) ashyq qutylardaǵy vaksınalarǵa qoıylatyn tıisti talaptar saqtalmaǵan jaǵdaıda ashyq qutylardaǵy vaksınalardy; 5) ampýlalardyń (qutylardyń) bútindigi buzylǵan MIBP-dy; 6) ampýlada (qutyda) tańbasy joq nemese aıqyn emes MIBP-dy; 7) nusqaýlyqtaǵy sıpattamaǵa sáıkes kelmeıtin MIBP-dy; 8) qaptamasynyń bútindigi buzylǵan jáne jaramdylyq merzimi aıaqtalǵan bir ret qoldanylatyn shprısterdi paıdalanýǵa jol berilmeıdi. 9. Lıofılızasııalanǵan vaksınalardy (qyzylshaǵa, parotıtke, qyzamyqqa, gemofıldik ınfeksııaǵa, týberkýlezge qarsy) aseptıka qaǵıdalaryn qatań saqtaı otyryp jáne vaksınanyń temperatýrasyna sáıkes vaksınaǵa qosa beriletin standartty eritkishpen aralastyrady. 10. MIBP-dy eritý kezinde eritkishtiń temperatýrasy MIBP-nyń temperatýrasyna sáıkes kelýi tıis. Eritkishti muzdatýǵa bolmaıdy. 11. MIBP-ty engizý ornyn óńdeý, eger, vaksınaǵa qosa beriletin nusqaýlyqtarda basqa nusqaýlar bolmasa, 70 % spırtpen júrgiziledi. 12. Profılaktıkalyq egýdi júrgizý kezinde bir ret paıdalanylatyn aspaptar (ózdiginen oqshaýlanatyn shprıster, ıneler, skarıfıkatorlar) paıdalanylady. 13. Týberkýlezge qarsy egýdi qospaǵanda bir kúnde ártúrli profılaktıkalyq egýdi qosýǵa jol beriledi. Vaksınalar deneniń ár bóligine ártúrli shprıstermen salynady. 14. Eger MIBP bir kúnde salynbaǵan bolsa, tiri vaksınalar arasynda keminde tórt apta aralyq saqtalady. Tiri jáne óli vaksınalar arasynda aralyq saqtalmaıdy. 15. Quramynda AbKDS bar vaksınalarmen alǵashqy vaksınalyq keshen kesh aıaqtalǵan jaǵdaıda birinshi revaksınasııalaý keminde 1 jyl aralyqpen júrgiziledi, quramyndaǵy dıfterııa anatoksıni joǵary quramynda AbKDS bar quramdastyrylǵan vaksınalar 7 jastan asqan balalarǵa qoldanylmaıdy. 16. Buryn egilmegen 7 jastan asqan balalar men eresekter vaksınasııalaý túri boıynsha: quramyndaǵy dıfterııa anatoksıni tómen 2 AbKDS ekpesi 4 apta aralyqpen egilýi tıis, úshinshi ekpe 6 aıdan keıin júrgiziledi. 17. Sirespeniń shuǵyl profılaktıkasy № 2295 qaýlysyna sáıkes júrgiziledi. 18. 5 jastan asqan balalardy Hıb-komponentten turatyn quramdastyrylǵan vaksınalarmen ımmýndaý júrgizilmeıdi. 19. Qan uıýy (gemofılııa) buzylǵan pasıentterge barlyq vaksınalardy saqtyq sharalaryn oryndaı otyryp, teri astyna nemese teri ishine salady. 20. Immýnoglobýlın nemese qan preparaty salynǵannan keıin qyzylshaǵa, qyzamyqqa jáne parotıtke qarsy vaksınalardy egý keminde úsh aıǵa keıinge qaldyrylady. Immýnoglobýlınderdi nemese qan preparattaryn engizý aralyǵynda aralyq saqtalmaı, quramynda AKDS bar vaksına, ADS-M, týberkýlezge, pnevmokokk ınfeksııasyna qarsy, polıomıelıtke qarsy aýyz arqyly ishetin vaksına (budan ári – APV) egiledi. 21. Qyzylshaǵa, qyzamyqqa, parotıtke, APV, týberkýlezge qarsy vaksınalardy ekkennen keıin ımmýnoglobýlındi egý úshin keminde eki apta aralyq saqtalady. Quramynda AKDS bar vaksınany, pnevmokokk ınfeksııasyna qarsy vaksınany, ADS-M preparattaryn ekkennen keıin aralyq saqtalmaıdy. 22. Epıdemıologııalyq kórsetkishter boıynsha APV vaksınasymen ımmýndaý kezinde QQP-pen aralyq saqtalmaıdy. 23. Immýndaý kezinde mynalardy: 1) tyrysqaqqa jáne A jáne V paratıfke qarsy vaksınamen sary qyzbaǵa qarsy vaksınany; 2) ish súzegine qarsy tiri vaksınany jáne obaǵa qarsy vaksınany; 3) dıfterııaǵa, sirespege, kókjótelge (jasýshasyz), VVG-ǵa, polıomıelıtke (belsendiligi joıylǵan vaksına), b túriniń gemofıldi ınfeksııasyna qarsy quramdastyrylǵan vaksınany jáne jelsheshekke qarsy vaksınany qosýǵa bolmaıdy. 24. Vaksına dozalarynyń arasyndaǵy aralyqtar preparatty qoldaný jónindegi nusqaýlyqqa sáıkes saqtalady. 25. «Ashylǵan qutylardy» paıdalanýǵa myna: 1) preparattyń jaramdylyq merzimi aıaqtalmaǵan; 2) saqtaý temperatýrasy saqtalǵan; 3) sterıldigi saqtalǵan; 4) vaksınanyń kózge kórinetin ózgeristeri bolmaǵan jaǵdaılarda jol beriledi. 26. Quramynda AKDS bar vaksınanyń, ADS-M, AS, polıomıelıtke, pnevmokokk ınfeksııasyna qarsy vaksınalardyń, «A» jáne «V» gepatıtterine qarsy vaksınalardyń «ashylǵan qutylaryn» osy Sanıtarııalyq qaǵıdalardyń 25-tarmaǵynda baıandalǵan sharttar saqtalǵan jaǵdaıda úsh táýlik ishinde paıdalanýǵa jol beriledi. 27. Vaksınalardyń «ashylǵan qutylarynyń» zattańbasynda qutylardy ashý kúni men ýaqyty kórsetiledi. 28. «Ashylǵan qutylardy» bir egý kabınetinen ekinshisine tasymaldaýǵa jol berilmeıdi. 29. Qyzylshaǵa, qyzamyqqa, parotıtke, týberkýlezge, sary qyzbaǵa qarsy vaksınalar eritkishtermen aralastyrylǵannan keıin tez arada nemese eger, nusqaýlyqta ruqsat etilgen bolsa, keıinnen vaksınalardyń qaldyqtary joıyla otyryp, 6 saǵat ishinde paıdalanylady. 30. Ampýlalarda shyǵarylatyn MIBP ashylǵannan keıin dereý paıdalanylady. 31. Egý brıgadalary turǵyndardy úılerinde ımmýndaý kezinde paıdalanylǵan qutylar, onyń ishinde vaksınalardyń qaldyqtary bar qutylar jumys kúniniń sońynda joıylady. 3. Profılaktıkalyq egýdi júrgizýge arnalǵan úı-jaılarǵa qoıylatyn sanıtarııalyq-epıdemıologııalyq talaptar 32. Profılaktıkalyq egý júrgiziletin úı-jaıda (budan ári – egý kabıneti) basqa medısınalyq emsharalardy (manıpýlıasııalardy) júrgizýge jol berilmeıdi. 33. Egý kabınetiniń ishki óńdelýi ylǵaldy jınaýǵa jáne dezınfeksııaǵa tózimdi tegis betten turady. Egý kabınetinde: tabıǵı jaryqtandyrýdyń, ortalyqtandyrylǵan sýmen jabdyqtaýdyń, kárizdiń, jylýdyń, qol jýýǵa arnalǵan rakovınanyń bolýy kózdeledi. Ortalyqtandyrylǵan sýmen jabdyqtaý jáne káriz bolmaǵan jaǵdaıda, personaldyń sanıtarııalyq-gıgıenalyq rejımdi jáne jeke gıgıenany saqtaýy úshin jaǵdaılar jasalady. 34. Egý kabıneti mynadaı jabdyqpen jaraqtandyrylady: 1) qolaıly temperatýralyq rejımdi qamtamasyz etetin syıymdylyǵy MIBP-dy saqtaý úshin jetkilikti tońazytqysh; 2) MIBP-dy tasymaldaýǵa jáne jumys kúni ishinde saqtaýǵa arnalǵan termokonteıner nemese tońazytý sómkesi; 3) elektr qýaty apatty ajyraǵan jaǵdaıda MIBP-dy ýaqytsha saqtaýǵa arnalǵan termokonteıner; 4) jumys ústeli, oryndyqtar; 5) MIBP-dy paıdalanýǵa daıyndaýǵa arnalǵan medısınalyq ústel; 6) aspaptar men dárilik zattardy saqtaýǵa arnalǵan medısınalyq shkaf; 7) jórgekke oraý ústeli jáne (nemese) medısınalyq kýshetka; 8) sterıldi materıal salynǵan bıks; 9) tonometr, termometrler, bir ret qoldanylatyn shprıster, shpatelder; 10) MIBP-dyń qaldyqtaryn zararsyzdandyrýǵa arnalǵan ydys; 11) paıdalanylǵan bir ret qoldanylatyn shprısterdi qaýipsiz kádege jaratýǵa arnalǵan konteıner (budan ári – QKK). 35. Egý kabıneti shokqa qarsy terapııanyń qajetti dárilik preparattarymen qamtamasyz etiledi. 36. Avtokólikpen, termokonteınermen, egý materıalymen, bir ret qoldanylatyn jáne ózdiginen oqshaýlanatyn shprıstermen, shokqa qarsy preparattarmen tolyqtyrylǵan kóshpeli egý brıgadasynyń quramyna bilikti dáriger jáne profılaktıkalyq egý júrgizýge ruqsaty bar egý meıirbıkesi kiredi. 4. Vaksınalardy egýge jáne egilgen adamnyń vaksınasııa kezeńinen keıingi jaǵdaıyn baqylaýǵa qoıylatyn sanıtarııalyq-epıdemıologııalyq talaptar 37. Profılaktıkalyq egý júrgizýdiń aldynda dáriger, ol bolmaǵanda feldsher egiletin adamdy tekserip-qaraıdy, ımmýndaýǵa qarsy kórsetilimder bolmaǵan jaǵdaıda egiletin adamnyń medısınalyq qujatyna egý júrgizýge ruqsatty resimdeıdi, egiletin adamǵa nemese onyń ata-anasyna nemese zańdy ókiline profılaktıkalyq egý, ımmýndaýdan keıingi yqtımal reaksııalar jáne qolaısyz kórsetilimder, egýden bas tartý saldary týraly tolyq jáne obektıvti aqparat beredi. Profılaktıkalyq egýdi júrgizýge erikti aqparattandyrylǵan kelisim nemese bas tartý osy Sanıtarııalyq qaǵıdalarǵa 1-qosymshaǵa sáıkes nysan boıynsha jazbasha túrde resimdeledi. 38. Profılaktıkalyq egýdi júrgizý aldynda egiletin adamǵa nemese onyń ata-anasyna nemese kámeletke tolmaǵandardyń jáne Qazaqstan Respýblıkasynyń azamattyq zańnamasymen belgilengen tártippen is-áreketke qabiletsiz dep tanylǵan azamattardyń zańdy ókilderine saýal júrgizý medısına qyzmetkerlerine arnalǵan saýalnama boıynsha osy Sanıtarııalyq qaǵıdalarǵa 2-qosymshaǵa sáıkes júrgiziledi. 39. Profılaktıkalyq egýdi júrgizýge qarsy kórsetilimder osy Sanıtarııalyq qaǵıdalarynyń 3-qosymshasynda kórsetilgen. Infeksııasy bar naýqaspen qarym-qatynasta bolý, shekteý is-sharalary josparly egý júrgizý úshin qarsy kórsetilim bolyp tabylmaıdy. 40. Adamnyń ımmýn tapshylyǵy vırýsymen (budan ári – AITV-ınfeksııa) ómir súretin adamdarǵa profılaktıkalyq egýdi uıymdastyrý jáne júrgizý osy Sanıtarııalyq qaǵıdalarǵa 4-qosymshaǵa sáıkes júrgiziledi. 41. Egýdi alǵannan keıin egilgen adamdar IKQK týyndaǵan jaǵdaıda sharalar qabyldaý úshin 30 mınýt boıy medısınalyq uıymda medısına qyzmetkeriniń baqylaýynda bolady. Keıinnen medısına qyzmetker óli nemese belsendiligi joıylǵan vaksınany engizgennen keıin alǵashqy úsh kúnde jáne tiri vaksınany engizgennen keıin 5-6 jáne 10-11 kúninde úıde baqylaýdy qamtamasyz etedi. 42. Quramynda AKDS bar vaksınany engizgennen keıin klınıkalyq kórsetilimderi bolǵan jaǵdaıda egilgen adamǵa egýden keıin 1 saǵattan soń ár 6 saǵat saıyn, biraq táýligine 4 retten kóp emes 1 kılogramm salmaqqa 10-15 mıllıgramnan 1-3 táýlik aralyǵynda parasetamol bere otyryp, IKQK profılaktıkasy júrgiziledi. 43. Medısına qyzmetkeri tekserý kezinde IKQK týyndaǵan jaǵdaıda medısınalyq kómekke júginý qajettigi týraly egiletin adamǵa nemese egiletin balalardyń ata-analaryna túsindirý jumysyn júrgizedi. 44. IKQK-ny dıfferensıaldy dıagnostıkalaý kezinde mynalar klınıkalyq krıterııler bolyp tabylady: 1) belsendiligi joıylǵan vaksınalarmen ımmýndaýdan keıin joǵary temperatýramen, febrıldi qurysýmen birge ótetin jalpy aýyr reaksııalar egýden soń alǵashqy 3 kúnde paıda bolady; 2) tiri vaksınalarǵa reaksııalar (egýden keıin alǵashqy saǵattarda paıda bolatyn shuǵyl túrdegi allergııalyq reaksııalardan basqa) qyzylsha vaksınasynan keıin tórtinshi kúnnen erte jáne 12-14-kúnderden, qyzamyq vaksınasynan keıin 20-25-kúnderden, polıomıelıt, parotıt jáne parotıt komponenti bar quramdastyrylǵan vaksınalardan keıin otyz kúnnen kesh paıda bola almaıdy; 3) menıngealdy qubylystar parotıt vaksınasynan basqa belsendiligi joıylǵan vaksınalardy, anatoksınderdi jáne tiri vaksınalardy engizgennen keıingi asqynýlarǵa tán emes; 4) ensefalopatııa parotıt jáne polıomıelıt vaksınalaryn jáne anatoksınderdi engizgennen keıingi reaksııalarǵa tán emes; 5) «vaksınadan keıingi ensefalıt» dıagnozy, eń aldymen, jalpy mı sımptomatıkaly aýrýlarynyń – ortalyq júıke júıesi (budan ári - OJJ) isikteriniń, tumaýdyń, pnevmonııanyń, menıngokokk ınfeksııalarynyń bolmaýyn qajet etedi; 6) ishek, búırek sımptomdary, júrek fýnksııasynyń jetkiliksizdigi, tynys alý jetkiliksizdigi asqynýlarǵa tán emes jáne birge ótetin aýrýlardyń belgileri bolyp tabylady; 7) kataraldyq sındrom egýden keıin besinshi kúnnen erte emes jáne 12-14-kúnderden keshiktirmeı paıda bolǵan jaǵdaıda qyzylshaǵa, qyzamyqqa jáne parotıtke qarsy jáne osyndaı bir nemese birneshe komnonentteri bar vaksınalarǵa berilgen ózindik reaksııa bolýy múmkin, biraq ol basqa vaksınalarǵa (BSJ, barlyq óli vaksınalar) tán emes; 8) vaksınamen baılanystyrylǵan paralıchti polıomıelıt (budan ári – VBPP) polıomıelıtti tiri vaksınamen ımmýndalǵan adamdarda tórtinshi kúnnen bastap 30 táýlikke deıin jáne qarym-qatynasta bolǵandarda 60 táýlikke deıin damıdy. Bul rette, barlyq VBPP oqıǵalarynyń 80%-y polıomıelıtke qarsy tiri vaksınany birinshi egýge baılanysty, aýrýdyń ımmýnıtet tapshylyǵy bar adamdarda damý qaýpi onyń saý adamdarda damý qaýpinen 3-6 myń esege joǵary. VBPP qaldyqty qubylystarmen (sylbyr perıferııalyq parezder jáne/nemese sal aýrýy jáne bulshyq et atrofııasy) birge ótedi. 45. Egilgen adamǵa shaqyrtylǵan medısına qyzmetkeri osy shaqyrtýǵa tez arada qyzmet kórsetedi, kezek kúttirmeıtin medısınalyq kómek kórsetedi jáne kórsetilimder bolǵan jaǵdaıda ony aýrýhanaǵa jatqyzady. IKQKA-ǵa kúdiktený kezinde medısına qyzmetkeri halyqtyń sanıtarııalyq-epıdemıologııalyq salaýattylyǵy salasyndaǵy memlekettik organnyń bólimshesine jedel habarlama jiberedi. 46. IKQK-ny esepke alý jáne tekserý tártibi osy Sanıtarııalyq qaǵıdalarǵa 5-qosymshaǵa sáıkes júrgiziledi. 47. IKQK jaǵdaılaryn tekserý kezinde epıdemıologııalyq tekserý aktisi jáne IKQK jaǵdaılary týraly esep osy Sanıtarııalyq qaǵıdalarǵa 6-qosymshaǵa sáıkes toltyrylady. 5. Profılaktıkalyq egilýge jatatyn kontıngentti esepke alýǵa qoıylatyn sanıtarııalyq-epıdemıologııalyq talaptar jáne oryndalǵan profılaktıkalyq egýdi esepke alý 48. Immýndalýy tıis kontıngentti profılaktıkalyq egýlermen tolyq qamtýdy qamtamasyz etý úshin medısınalyq uıymdardyń (feldsherlik akýsherlik pýnkt, selolyq dárigerlik ambýlatorııa, emhana) medısına qyzmetkerleriniń kúshimen jylyna eki ret (kóktem-kúz) sanaq jýrnalyna balalar quramyna ózgeristerdi engize otyryp, aýmaqta turatyn balalardy esepke alý júrgiziledi. 49. Sanaq jýrnalyna týylǵan, qaıtys bolǵan, kelgen nemese ketken adamdardyń tegi boıynsha derekterdi engize otyryp, balalardyń dınamıkasyna aı saıyn baqylaý júrgiziledi. 50. Qyzmet kórsetiletin ýchaskege kelgen balalardy belsendi anyqtaýdy medısına qyzmetkeri naýqastardyń úılerine barýy kezinde, olardyń densaýlyq saqtaý uıymdaryna, konsýltasııalyq-dıagnostıkalyq ortalyqtarǵa medısınalyq kómekke júginýi kezinde, balalardy esepke alýdyń durystyǵyn ishinara baqylaý kezinde júzege asyrady. 51. Eresek kontıngentti esepke alý profılaktıkalyq egý josparlaryn qurý aldynda (tamyz-qyrkúıek) jylyna bir ret medısınalyq uıymdardyń medısına qyzmetkerleriniń kúshimen júrgiziledi. 52. Qyzmet kórsetetin aýmaqtaǵy jas toptary boıynsha turǵyndardyń sany týraly jıyntyq derekter halyqtyń sanıtarııalyq-epıdemıologııalyq salaýattylyǵy salasyndaǵy memlekettik organnyń bólimshelerine jáne oblystardyń, respýblıkalyq mańyzy bar qalanyń jáne astananyń densaýlyq saqtaýdy memlekettik basqarýdyń jergilikti organdaryna sanaq aıaqtalǵannan keıin 14 kúntizbelik kún ishinde beriledi. 53. Profılaktıkalyq egýlerdi esepke alý esepke alý nysandaryna tıisti jazba jasaýmen júzege asyrylady, olar egýdiń júrgizilgen orny boıynsha medısınalyq uıymdarda saqtalady. 54. «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshysynyń 2010 jylǵy 23 qarashadaǵy № 907 buıryǵymen bekitilgen «Profılaktıkalyq ekpelerdiń kartasy» 63/e nysany kartoteka túrinde saqtalady, ol taratyp salýdyń myna prınsıpi boıynsha júrgiziledi: 1) aǵymdaǵy jyly egilýi tıis balalarǵa, olar egýdi taǵaıyndaý aılary boıynsha bólinedi. Egilgennen jáne ol 63/ý nysanyna engizilgennen keıin ol kelesi ekpe taǵaıyndalǵan aıdyń uıashyǵyna (paketine) qoıylady; 2) aǵymdaǵy jyly egilýi tıis emes balalarǵa, týylý jyly boıynsha; 3) ýaqytsha kóship ketken balalarǵa; 4) medısınalyq qarsylyǵy bar balalarǵa. 55. Profılaktıkalyq ekpelerdiń derbes esebi egý pasportynda júrgiziledi. 56. Turǵyndardy egýdi tolyq esepke alýdy jáne qamtýdy úılestirý men baqylaý oblystardyń, respýblıkalyq mańyzy bar qalanyń jáne astananyń densaýlyq saqtaýdy memlekettik basqarýdyń jergilikti organdaryna júktelgen: 1) ýchaskelik dárigerler profılaktıkalyq egýdiń jyldyq josparlaryn qurady, profılaktıkalyq egý júrgizýdi uıymdastyrady jáne aı saıyn profılaktıkalyq egýler týraly esepterdi aýmaqtyq tıesiligine sáıkes aýdandyq nemese qalalyq emhanalarǵa (budan ári - Emhanalar) tapsyrady; 2) Emhanalar profılaktıkalyq egý josparyn jınaqtaıdy, profılaktıkalyq egýler týraly aı saıynǵy esepterdiń jıyntyǵyn jasaıdy; 3) Emhanalar profılaktıkalyq egýdiń jıyntyq josparyn jáne profılaktıkalyq egýler týraly aı saıynǵy jıyntyq esepterdi oblystardyń, respýblıkalyq mańyzy bar qalanyń jáne astananyń densaýlyq saqtaýdy memlekettik basqarýdyń jergilikti organdaryna jáne halyqtyń sanıtarııalyq-epıdemıologııalyq salaýattylyǵy salasyndaǵy memlekettik organnyń bólimshelerine usynady. 4) oblystardyń, respýblıkalyq mańyzy bar qalanyń jáne astananyń densaýlyq saqtaýdy memlekettik basqarýdyń jergilikti organdary jıyntyq jospardy jáne profılaktıkalyq ekpeler týraly aı saıynǵy esepterdi densaýlyq saqtaý salasyndaǵy ýákiletti organǵa usynady. Halyqtyń sanıtarııalyq-epıdemıologııalyq salaýattylyǵy salasyndaǵy memlekettik organnyń bólimsheleri halyqtyń sanıtarııalyq-epıdemıologııalyq salaýattylyǵy salasyndaǵy memlekettik organǵa usynady. 6. Vaksınalar men eritkishterdiń qozǵalysy týraly esepke alýǵa jáne eseptilikke qoıylatyn sanıtarııalyq-epıdemıologııalyq talaptar 57. Halyqqa profılaktıkalyq egýdi júrgizetin densaýlyq saqtaý uıymdary vaksınalardy, eritkishterdi jáne basqa da MIBP-dy esepke alýdy júrgizedi. 58. Halyqqa profılaktıkalyq egýdi júrgizetin medısınalyq uıymdar aı saıyn vaksınalardyń aınalysy týraly emhanalarǵa aılyq esepterdi usynady. 59. Emhanalar vaksınalardyń qozǵalysy týraly aılyq esepterdiń jıyntyǵyn jasaıdy jáne vaksınalardyń qozǵalysy týraly aı saıynǵy jıyntyq esepterdi oblystardyń, respýblıkalyq mańyzy bar qalanyń jáne astananyń densaýlyq saqtaýdy memlekettik basqarýdyń jergilikti organdaryna jáne halyqtyń sanıtarııalyq-epıdemıologııalyq salaýattylyǵy salasyndaǵy memlekettik organnyń bólimshelerine usynady. 60. Oblystardyń, respýblıkalyq mańyzy bar qalanyń jáne astananyń densaýlyq saqtaýdy memlekettik basqarýdyń jergilikti organdary vaksınalardyń qozǵalysy týraly aı saıynǵy esepterdi densaýlyq saqtaý salasyndaǵy ýákiletti organǵa jáne halyqtyń sanıtarııalyq-epıdemıologııalyq salaýattylyǵy salasyndaǵy memlekettik organǵa usynady. 7. Immýndyq-bıologııalyq preparattardyń paıdalanylmaǵan qaldyqtaryn joıýǵa qoıylatyn sanıtarııalyq-epıdemıologııalyq talaptar 61. MIBP-nyń paıdalanylmaǵan qaldyqtary bar ampýlalar men qutylardy egý júrgizgen medısına qyzmetkeri mynadaı tásilderdiń birimen: 1) 30 mınýt boıy qaınatý (kúıdirgi aýrýyna qarsy vaksınalar - 2 saǵat); 2) Qazaqstan Respýblıkasynda tirkelgen jáne ruqsat etilgen dezınfeksııalaý quralyna batyrý arqyly zararsyzdandyrady jáne joıady. 62. Paıdalanylǵan bir ret qoldanylatyn shprıster jáne ıneler jaraqattanýdy jáne aýrý juqtyrýdy boldyrmaý maqsatynda bólshektelmeıdi, pishini ózgertilmeıdi, olardy jýý jáne dezınfeksııalaýǵa jol berilmeıdi, olar jınaýǵa jáne kádege jaratýǵa jatady. 63. Paıdalanylǵannan keıin bir ret qoldanylatyn shprıster men ıneler tesilmeıtin, sý ótpeıtin QKK-ne dereý salynady jáne belgilengen tártippen kádege jaratylady. 64. Eger MIBP partııasyndaǵy 1 % ampýlalar (qutylar) qosa berilgen nusqaýlyqtyń talaptaryna sáıkes kelmese, onda MIBP-dyń barlyq partııasy osy Sanıtarııalyq qaǵıdalardyń 61-tarmaǵynda kórsetilgen tásilmen joıylýǵa jatady. «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalaryna 1-qosymsha Nysan Profılaktıkalyq egýdi júrgizýge erikti aqparattandyrylǵan kelisim nemese bas tartý Men, tómende qol qoıýshy _____________________________________________________________________________ (kámelet jasqa tolmaǵan balanyń ata-anasynyń (ózge zańdy ókiliniń) T.A.Á.) osy qujatpen dárigerdiń mynalar týraly aqparat bergenin rastaımyn: 1) profılaktıkalyq egýdi júrgizýdiń qajettiligi týraly; 2) profılaktıkalyq egýdi júrgizer aldynda mindetti medısınalyq tekserip-qaraýdan ótý týraly; 3) profılaktıkalyq egýdi júrgizgennen keıingi yqtımal reaksııalar men qolaısyz kórsetilimder týraly; 4) bas tartýdyń saldary týraly; 5) kez kelgen reaksııa men IKQK kezinde medısınalyq uıymǵa ýaqtyly júginý qajettiligi týraly. Barlyq týyndaǵan suraqtarǵa tolyq jaýap aldym:_________________ (ıá/joq) Tolyq aqparat alyp: profılaktıkalyq egýdi júrgizýge (-den) (men) kelisemin □/ bas tartamyn □. _____________________________________________________________________________ (preparat ataýy) _____________________________________________________________________________ (egiletin adamnyń T.A.Á.) T.A.Á. ____________________________________________________________________________ Kúni «____» _____________ 20___ jyl Qoly ___________________________ «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalaryna 2-qosymsha Nysan Profılaktıkalyq egýdi júrgizý aldynda egiletin adamǵa nemese onyń ata-anasyna nemese kámeletke tolmaǵandardyń jáne Qazaqstan Respýblıkasynyń azamattyq zańnamasymen belgilengen tártipte is-áreketke qabiletsiz dep tanylǵan azamattardyń zańdy ókilderine saýal júrgizý úshin medısına qyzmetkerlerine arnalǵan saýalnama Sanattar Suraqtar Iá / joq Mindetti suraqtar Egiletin adamnyń (balanyń) jalpy hal-ahýaly qandaı? Jiti aýrýy bar ma? Qandaı da bir dárige, tamaq ónimderine nemese vaksınalarǵa allergııasy bar ma? Buryn qandaı da bir vaksına salynǵanda qatty reaksııa boldy ma? Mı men júıke júıesiniń tyrysýy nemese patologııasy baıqaldy ma? Astma, ókpe, júrek, búırek aýrýlarynyń, metabolıkalyq aýrlardyń (dıabet) bolýy? Tiri vaksınalar úshin qosymsha Onkologııalyq aýrýlar boldy ma? AITV/JITS, ımmýndyq júıe jaǵynan qandaı da bir problemalar boldy ma? Sońǵy 3 aıda kortızonmen, prednızolonmen jáne basqa da steroıdtermen, isikke qarsy preparattarmen emdeldińiz be, sáýlelik terapııadan óttińiz be? Sońǵy 4 aptada ımmýndaý júrgizildi me? Eresek-terge arnal-ǵan Júktiliktiń bolýy nemese kelesi aı ishinde júktiliktiń bolý yqtımaldyǵy? Dárigerdiń pikirinshe qajetti bolyp tabylatyn qosymsha málimetter «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalaryna 3-qosymsha Profılaktıkalyq egýdi júrgizýge qarsy kórsetilimder 1. Vaksınalardyń barlyq túrlerine jalpy turaqty qarsy kórsetilimder: 1) osy vaksınany buryn salǵannan keıin 48 saǵat ishinde paıda bolatyn qatty reaksııa (dene qyzýynyń Selsıı boıynsha 40 gradýsqa jáne odan da joǵary kóterilýi, ádettegiden ózgeshe, uzaq, úsh jáne odan da kóp saǵat qatty jylaý sındromy, febrıldi nemese afebrıldi tyrysýlar, gıpotonıkalyq-gıporeaktıvti sındrom); 2) osy vaksınany buryn salǵanda bolatyn asqynýlar – tez bolatyn allergııalyq reaksııalar, sonyń ishinde egýden keıin 24 saǵat ishinde paıda bolatyn anafılaktıkalyq shok, vaksına salǵannan keıin jeti kún ishinde paıda bolatyn ensefalıt nemese ensefalopatııa. 2. Tiri vaksınalardy paıdalanýǵa turaqty qarsy kórsetilimder: 1) AITV-ınfeksııasyn qosa alǵandaǵy turaqty ımmýn tapshylyq jaǵdaıy; 2) qaterli qan aýrýlaryn qosa alǵandaǵy qaterli isik; 3) júktilik. 3. Jalpy vaksınalardyń barlyq túrlerine ýaqytsha qarsy kórsetilimder: 1) ortalyq júıke júıesiniń jiti aýrýlary (menıngıt, ensefalıt, menıngoensefalıt) – vaksınasııalaý saýyqqan kúnnen bir jylǵa deıingi merzimge qaldyrylady; 2) jiti glomerýlonefrıt – vaksınasııalaý saýyqqan soń 6 aıǵa deıin keıinge qaldyrylady; nefrotııalyq sındrom – vaksınasııalaý kortıkosteroıdtermen emdelý aıaqtalǵanǵa deıin keıinge qaldyrylady; 3) temperatýraǵa baılanyssyz aýyrlyǵy orta jáne aýyr dárejedegi jiti ınfeksııalyq jáne ınfeksııalyq emes aýrýlar - vaksınasııalaý saýyqqannan keıin 2-4 aptadan soń ruqsat etiledi; 4) ártúrli patologııa kezinde steroıdterdi, sondaı-aq ımmýnosýpressıvti qasıetterge ıe basqa da preparattardy qoldaný; 5) birtindep ulǵaıatyn sozylmaly aýrýlarmen aýyratyn naýqastar vaksınasııalaýǵa jatqyzylmaıdy; asqynatyn sozylmaly aýrýlarmen aýyratyn naýqastar remıssııa kezeńinde egiledi. 4. Vaksınalardyń mynadaı jekelegen túrlerine qosymsha qarsy kórsetilimder: 1) týberkýlezge qarsy vaksınaǵa (BSJ): shala týǵandyq (sábı denesiniń salmaǵy 2000 grammnan kem nemese 33 aptadan kem gestasııalyq jas); alǵashqy týysqandyq dárejedegi adamdarda anyqtalǵan BSJ generalızasııalanǵan ınfeksııasy (tuqym qýalaǵan ımmýn tapshylyǵynyń yqtımaldyǵy); BSJ vaksınasyn buryn salǵannan keıin paıda bolatyn vaksınadan keıingi kezeńniń asqynyp ótýi; ortalyq júıke júıesiniń (budan ári – OJJ) zaqymdanýy –aýyrlyǵy orta jáne aýyr dárejeli nevrologııalyq sımptomdy týa bitken jaraqat; jańa týǵan sábılerdiń gemolıtııalyq aýrýy (aýyrlyǵy orta jáne aýyr túrleri); qynap ishilik ınfeksııalar, jańa týǵan nárestelerdegi sepsıs; týberkýlezdiń mıkobakterııalaryn juqtyrý, anamnezinde týberkýlezdiń bolýy; oń nemese kúmándi Mantý reaksııasy. 2) aýyz arqyly ishetin tiri polıomıelıt vaksınasyna (budan ári - APV): ımmýndaýdan keıin 30 kún ishinde APV burynǵy dozasyn salǵanda paralıchtiń nemese shala saldanýdyń paıda bolýy; ımmýn tapshylyǵy bar adamdarmen turmystyq janasý. Osy jaǵdaılarda vaksınasııalaý belsendiligi joıylǵan polıomıelıtti vaksınamen (budan ári - BPV) júrgizilýi múmkin. 3) BPV-ge: vaksınalardy óndirýde paıdalanylatyn neomısınge nemese streptomısınge shuǵyl allergııalyq reaksııalar. 4) jasýshasyz kókjótel komponentimen kókjótelge, dıfterııaǵa jáne sirespege qarsy adsorbsııalanǵan vaksınaǵa (budan ári - AbKDS) jáne quramynda AbKDS bar (budan ári – quramynda AbKDS- vaksına bar) quramdastyrylǵan vaksınalarǵa: birtindep ulǵaıatyn ortalyq júıke júıesi aýrýlary: baqylanbaıtyn ustama (epılepsııa), vaksınasııalaýdan keıin jeti kún ishinde paıda bolatyn birtindep ulǵaıatyn ensefalopatııa, sondaı-aq syrtartqydaǵy afebrıldi tyrysýlar; vaksına óndirýde qoldanylatyn vaksına ıngredıentine rastalǵan júıeli reaksııa (glıýtaraldegıd, neomısın, streptomısın, polımıksın V); 5) quramynda sirespe anatoksıni bar vaksınaǵa (ADS-M, AS): quramynda sirespe anatoksıni bar vaksınany buryn salǵannan keıin alty apta ishinde paıda bolatyn Gııen-Barre sındromy. 6) quramynda attenýırlengen tiri vırýstar bar vaksınalarǵa: taýyq jumyrtqasynyń aqýyzyna anafılaktıkalyq reaksııalar (eger vaksına vırýstary taýyq embrıondarynda ósiriletin bolsa), vaksına óndirýde qoldanylatyn amınoglıkozıdter, neomısın jáne basqa da antıbıotıkter. 7) tumaýǵa qarsy taýyq embrıondarynan alynǵan vaksınaǵa: taýyq jumyrtqasynyń aqýyzyna allergııalyq reaksııalar, shtammdardy ósirýge arnalǵan orta komponentteri (aqýyzdar, antıbıotıkter jáne basqa da zattar). 8) vırýsty V gepatıtine (budan ári - VVG) jáne quramynda rekombınantty jekelegen ımmýnogender bar basqa da rekombınantty nemese keshendi vaksınalarǵa qarsy vaksınaǵa: ashytqy tárizdi sańyraýqulaq komponentterine, bakterııalarǵa nemese vaksınalar óndirýde qoldanylatyn basqa da jasýshalarǵa tez bolatyn allergııalyq reaksııalar. «Halyqqa profılaktıkalyq egýdi júrgizý boıynsha sanıtarııalyq-epıdemıologııalyq talaptar» sanıtarııalyq qaǵıdalaryna 4-qosymsha Adamnyń ımmýn tapshylyǵy vırýsymen (budan ári – AITV ınfeksııasy) ómir súretin adamdardy profılaktıkalyq egýdi uıymdastyrý jáne júrgizý 1. AITV ınfeksııasymen ómir súretin adamdarǵa (budan ári - AО́SA) profılaktıkalyq egý júrgizýdi uıymdastyrýdyń negizgi qaǵıdattary: 1) AITV ınfeksııasy dıagnozy bar adamdarǵa jáne AITV ınfeksııasyn juqtyrǵan analardan týǵan balalarǵa júrgiziletin profılaktıkalyq egýler JITS-tiń aldyn alý jáne oǵan qarsy kúres jónindegi ortalyqtyń (budan ári – JITS ortalyǵy) dárigerimen keńesýden keıin ǵana ótkiziledi; 2) óli jáne quramynda tiri bakterııalar nemese vırýstar bolmaıtyn belsendiligi joıylǵan basqa da vaksınalar ımmýndyq júıesi buzylǵan adamdar úshin qaýip týdyrmaıdy jáne saý adamdarǵa arnalǵan prınsıpterde qoldanylady; 3) attenýırlengen vırýstar bar vaksınalar, sondaı-aq basqa da tiri vaksınalar AITV ınfeksııasynyń klınıkalyq belgileri bar naýqastardy qosqanda aýyrlyǵy orta jáne aýyr ımmýnosýpressııa baıqalatyn AITV juqtyrǵandarǵa qarsy kórsetilgen; 4) ımmýnosýpressııa belgileri baıqalmaıtyn nemese az baıqalatyn AО́SA-dy tiri vaksınalarmen vaksınasııalaý AITV-yn juqtyrmaǵandarǵa sııaqty júrgiziledi. 2. AО́SA-dy týberkýlezge qarsy vaksınasııalaý: 1) AITV ınfeksııasyn juqtyrǵan analardan týǵan sábılerge AITV ınfeksııasynyń klınıkalyq belgileri jáne osy vaksınany engizýge basqa da qarsy kórsetilimder bolmaǵan jaǵdaıda ekpe jasalady; bosandyrý bólimshelerinde belgilengen merzimde ekpe almaǵan sábılerge aldyn ala Mantý synamasy jasalmaı, eki aı ishinde egý júrgiziledi; eki aı ótkennen keıin generalızasııalanǵan BSJ-ınfeksııasynyń damý táýekeli sebebinen BSJ-ny engizýge bolmaıdy. 2) vaksınadan keıingi belgiler damymaǵan balalarǵa AITV-ny juqtyrǵandyǵy týraly sońǵy qorytyndy shyqqanǵa deıin BSJ vaksınasııalaýy qaıtadan júrgiziledi; 3) AITV ınfeksııasyn juqtyrǵan analardan týǵan, biraq AITV-ny juqtyrmaǵan balaǵa Mantý synamasy teris nátıje kórsetken jaǵdaıda BSJ vaksınasııalaýyn belgilengen merzimde qaıtadan júrgizýge bolady. 3. AО́SA-dy qyzylshaǵa, qyzamyqqa jáne epıdemııalyq parotıtke qarsy vaksınasııalaý: qyzylshanyń taralý qaýpi kezinde 6-11 aı aralyǵyndaǵy balalarǵa qyzylshaǵa qarsy bir ret ekpe jasaýǵa bolady. Sodan keıin 12-15 aılarynda qyzylshaǵa qarsy josparly ımmýndaý júrgiziledi (vaksınalardy engizý arasyndaǵy aralyq 1 aıdy quraıdy). 4. AО́SA-dy polıomıelıtke qarsy vaksınasııalaý: ımmýnıtet tapshylyǵynyń deńgeıine qaramastan, AО́SA-ǵa, olardyń otbasy múshelerine jáne jaqyn qarym-qatynastaǵy adamdarǵa APV-ny engizýge bolmaıdy. 5. AО́SA-dy ish súzegine qarsy vaksınasııalaý: ımmýnıtet tapshylyǵynyń aıqyn kórinýine qaramastan, AО́SA-ǵa ish súzeginiń tiri vaksınasyn taǵaıyndaýǵa bolmaıdy. 6. AО́SA-dy sary qyzbaǵa qarsy vaksınasııalaý: vaksınasııalaýdan tıgen paıda táýekelden asqan jaǵdaıda klınıkalyq satyǵa jáne ımmýnıtet tapshylyǵyna baılanyssyz júrgiziledi. 7. AО́SA-dy vaksınalarmen, adsorbsııalanǵan jáne quramdastyrylǵan (óli) vaksınalarmen ımmýndaý: 1) klınıkalyq satysyna jáne ımmýndyq mártebesine qaramastan, quramynda AbKDS bar vaksınalarmen belgilengen merzimde jáne usynylatyn dozalarda egiledi; 2) bes jasqa deıingi balalardy V túriniń gemofıldi ınfeksııasyna (budan ári - Hıb) qarsy komponenti bar quramdastyrylǵan vaksınamen ımmýndaý týraly sheshimdi Hıb-ınfeksııasynyń táýekelin jáne ımmýndaý artyqshylyǵyn baǵalaǵannan keıin dáriger qabyldaıdy. 3) «A» vırýsty gepatıtine qarsy vaksınasııalaý AITV-ınfeksııasynyń jáne ımmýnıtet tapshylyǵynyń bolýyna qaramastan «A» vırýsty gepatıtin juqtyrý táýekeli joǵary adamdar úshin usynylady; 4) VVG-ǵa qarsy vaksınasııalaý VVG-nyń serologııalyq markerleri bolmaıtyn AО́SA úshin usynylady. Vaksınasııalaý shemasyn CD4 lımfosıtterdiń bolýyna sáıkes qoldanady: eger SD4 lımfosıtteriniń sany bir mıkrolıtrge (budan ári – mkl) 500-den joǵary bolsa, vaksınasııalaýdy standartty dozamen – eresekter úshin 20 mıkrogrammen (budan ári - mkg), balalar úshin 10 mkg-men júrgizedi; vaksınany 0,1 jáne 6 aı merzimderde engizedi; eger SD4 lımfosıtteriniń sany bir mkl 200-500 bolsa, vaksınasııalaýdy qarqyndy shema (20 mkg) boıynsha 0, 1, 2 jáne 12 aı merzimderde júrgizedi; birinshi vaksınasııalaý kýrsyna jaýap bermegen adamdarǵa vaksınanyń qosymsha dozalaryn engizedi nemese 40 mkg dozany qoldana otyryp, tolyq vaksınasııalaý kýrsyn ótkizedi; eger SD4 lımfosıtteriniń sany bir mkl-de 200-ge deıin bolsa jáne AО́SA-lar antıretrovırýsty terapııa (budan ári - ART) qabyldamasa, aldymen ART ótkizedi. Vaksınasııalaýdy SD4 lımfosıtteriniń sany bir mkl-de 200-den joǵary bolǵanǵa deıin qaldyrady. 5) tumaýǵa qarsy belsendiligi joıylǵan vaksınalarmen vaksınasııalaýdy epıdemııalyq maýsym bastalǵanǵa deıin júrgizedi; 6) menıngokokk ı