Elimiz saıasatynyń saltanaty

Qazaqstan ótken jyldy zor tabyspen aıaqtaǵany bel­gili. Elimiz Eýropadaǵy qaýip­sizdik jáne yntymaq­tastyq uıymyna (EQYU) tóraǵalyq etý mıssııasyn joǵary deńgeıde atqardy. 55 eldiń basshylaryn jınap, osy halyqaralyq bedeldi uıymnyń Sammıtin Astana tórinde ótkizdi. Endi 2011 jyldy da Qa­zaqstan zor mártebemen bastap otyr. Astana men Al­maty qalalarynda 7-shi Qys­qy Azııa oıyndaryn ót­kizip, halyqaralyq deńgeı­degi osy bir sporttyq is-sha­rany asa joǵary uıym­dastyrýshylyqpen atqara bildi. Osy aıtýly dodanyń ótkizilýiniń ózi ǵalamat oqıǵa. 2007 jyly VI Azıada Qytaıda ótkeni belgili. Sonda VII Azıadany ótkizý mindeti Qazaqstanǵa tapsy­ryl­ǵan bolatyn. Álemdik qarjy daǵdarysy árbir eldi tolǵandyryp otyrǵan tus­ta Qysqy Azııa oıyn­darynyń ótip-ótpeýi úlken máselege aınaldy. Sol kezde Otanymyz qandaı qıyn­dyq bolsa da Azııanyń Olım­pıadasy sanalǵan bul jarysty qalaıda ótkize­ti­nin málimdedi jáne Úki­metke, Astana men Almaty qalalarynyń ákimderine shuǵyl tapsyrma berildi. Osyndaı biraýyzdylyqtyń arqasynda, búkil el bolyp qoldaýdyń nátıjesinde jańa sport keshenderi salyndy, burynǵy sporttyq bazalar kúrdeli jóndeýden ótkizi­lip, jarysqa 100 paıyz daı­yn boldy. Sonymen qatar, sport­shy­larymyz da osy básekege daıyn ekendikterin dáleldep shyqty. Azııanyń 27 eli qatysqan jarysta Qazaqstan sportshylary 32 altyn, 21 kúmis jáne 17 qola medalǵa ıe boldy. Barlyǵyn qos­qan­da 70 medal alyp, jalpy­ko­mandalyq esepte birinshi orynǵa shyqty. Mine, elimizde Azııa oı­yndary joǵary deńgeıde ótti. 70 ret kók baıraǵymyz bıik tuǵyrǵa kóterilip, 32 ret memlekettik Ánura­ny­myz shyrqaldy. Elimizdiń árbir azamaty uıymshyldyq tanytyp, Qazaqstannyń pat­rıoty bola bildi. О́sip kele jatqan urpaq jarystardan úlken áser aldy, ózderi de sportta jeńiske jetý eldiń mereıin kóteretin mártebeli mindet ekenin uǵyndy. Jańa onjyldyqqa qadam basqan tusymyzda osyndaı ıgi sharanyń ótkizilgeni Qa­zaq­stannyń halyqaralyq bedelin asyra tústi. Bıylǵy Joldaýda osy joly salynǵan sport keshenderinde jas jet­kinshek­ter­diń dene tárbıesimen aı­nalysýy tıis ekeni aıtyl­ǵan bolatyn. Aldaǵy ýaqyt­ta Úkimet pen ákimder tara­py­nan bolashaq sportshy­lary­myzdyń jetilýine basa kóńil bólinse eken deımin. Elimizdiń ózge qalalarynda da tabıǵı erekshelikterdi eskere otyryp, sport keshenderin salý isi jan-jaqty qolǵa alynýy kerek dep oılaımyn. Irak ELEKEEV, Parlament  Májilisiniń depýtaty, «Nur Otan» partııasynyń múshesi.