N.Nazarbaev Ulttyq ekonomıka mınıstrin qabyldady

Elbasy Nursultan Nazarbaev Ulttyq ekonomıka mınıstri Qýandyq Bıshimbaevty qabyldady. Bul týraly Aqordanyń baspasóz qyzmetinen habarlady. Kezdesýde Q.Bıshimbaev Elbasyǵa Qazaqstannyń bıylǵy 9 aıdaǵy áleýmettik-ekonomıkalyq damý qorytyndylary, sondaı-aq «Nurly jol» baǵdarlamasynyń oryndalý barysy týraly baıandady. Qazaqstan Prezıdenti ekonomıkalyq damý qarqynyn odan ári jedeldetý, turǵyndardyń áleýmettik ál-aýqatyn arttyrý, ekonomıkany qoldaý jáne basty memlekettik baǵdarlamalardy iske asyrý úshin bıýdjet pen ulttyq qordan bólinetin qarajatty utymdy ári tıimdi paıdalaný qajettigine basa nazar aýdardy. Ulttyq ekonomıka mınıstri óz baıandamasynda 2016 jylǵy 9 aıda ishki jalpy ónim (IJО́) 0,4%-ǵa óskenin atap ótti. «Qurylys jáne kólik salasy, óńdeý ónerkásibi men aýyl sharýashylyǵy ekonomıka ósiminiń negizgi qozǵaýshy kúshi (draıveri) bolyp sanalady. Kólemniń artýy qurylysta - 6,9%, aýyl sharýashylyǵynda - 4,9%, kólik salasynda - 4%, óńdeý ónerkásibinde - 0,6% bolyp otyr. Sonymen birge metallýrgııa men farmasevtıka ónimderiniń, azyq-túlik pen munaı óńdeý óndirisiniń mólsheri artqany baıqalady», - dedi Q.Bıshimbaev. Budan bólek, Memleket basshysyna «100 naqty qadam» ult jospary aıasyndaǵy «Indýstrııalandyrý jáne ekonomıkalyq ósim» atty úshinshi ınstıtýsıonaldyq reformanyń oryndalý barysy jóninde baıandaldy. Nursultan Nazarbaev kezdesý qorytyndysy boıynsha birqatar naqty tapsyrma berdi.