О́rt qaýipsizdigi qamtamasyz etiledi

Almaty qalalyq tótenshe jaǵdaılar departamenti 28-shi Búkilálemdik qysqy Ýnıversıadaǵa ázirlik jumystary aıasynda órt qaýipsizdigin qamtamasyz etý máselesi boıynsha kezekti otyrys ótkizdi. Jıynǵa Almaty qalalyq ákimdiginiń, «Almaty qalasynyń halyqaralyq sporttyq jobalar dıreksııasy» memlekettik qorynyń ókilderi, «Qazavıaqutqarý» AQ, órt qaýipsizdigi salasyndaǵy baqylaý jáne profılaktıkalyq qyzmet basqarmasynyń qyzmetkerleri qatysty. Basqosý barysynda Ýnı­ver­sıada qarsańynda jumyl­dyrylatyn kúshter men qural­dardyń ázirligi jóninde esepter berildi. Departament qyzmet­kerleri «Almaty Arena» jáne «Halyq Arena» nysandarynda jobalaý jáne qurylys-quras­tyrý jumystaryn júrgizý kezin­de órt qaýipsizdiginiń normalary men qaǵıdalaryn saqtaýdy qamtamasyz etýge ádistemelik kómek kórsetý sharalaryn taǵy bir pysyqtap shyqty. Osyǵan deıin Ýnıversıada nysandaryna 4 ret órt-tehnıkalyq tekserýi júrgizilgen. Búginde saltanatty marsh pen Ýnıversıada alaýyn jaǵý tujy­­rymdamasy ázirlenip jatqan­dyq­tan, departament pen «О́rt qaýipsizdigi jáne azamattyq qor­ǵanys ǵylymı-zertteý ınstıtýty» AQ qyzmetkerleri birlesip, jylý aǵynyn barynsha taratýǵa jáne alaýdy jaǵý kezinde órt qaýipsizdigin kúsheıtýge baǵyt­talǵan is-sharalardy júrgizýde. Qyrkúıek aıynda «Almaty qalasyndaǵy 2017 jylǵy 28-shi Búkilálemdik qysqy Ýnıver­sıa­daǵa daıyndalý jáne ótkizý jó­nindegi dıreksııa» MQ qaýipsizdik depar­tamentiniń usynysy jó­nin­degi departament pen UQK qyz­metkerleri birlesip, Ýnı­ver­sıa­da nysandarynyń ke­zek­­shiligine tartylǵan erik­tilerge órt qaýipsizdigi sharalary men ter­rorıstik qaýip týraly nusqama júr­gizgen. Oıyndardy ótkizý kezinde Almaty qalasy men oblysynda tó­tenshe jaǵdaılar komıtetiniń jeke quramynan 457 adam, qala­lyq qutqarý qyzmetinen 30 adam, 68 tehnıka birligi men 4 tikushaq jumyldyrylady. Oǵan qosa, departamentte Ýnıversıada qar­sa­ńynda biliktilikti arttyrý kýrs­tary sheń­berinde qyzmet­ker­lerdi aǵyl­shyn tiline oqytý jú­rip jatyr. Melis SEIDAHMETOV   ALMATY