Keshe QR Premer-Mınıstri B. Saǵyntaev Mınskke jumys sapary aıasynda Eýrazııalyq úkimetaralyq keńes otyrysyna qatysty, dep habarlaıdy egemen.kz
primeminister.kz saıtyna silteme jasap.
Otyrys barysynda qatysýshylar Eýrazııalyq ekonomıkalyq odaqtyń 2017 jylǵa arnalǵan bıýdjetin, EAEO Kedendik kodeksi týraly shart jobasyn, EAEO múshe memleketterdegi taýarlardyń qadaǵalaný sharalaryn, Eýrazııalyq ekonomıkalyq komıssııanyń halyqaralyq qyzmetin, sonymen qatar, birqatar uıymdastyrýshylyq máselelerdi talqylady.
QR Premer-Mınıstri B. Saǵyntaev otyrysta Eýrazııalyq ekonomıkalyq odaq aıasyndaǵy ózara árekettesýdiń ózekti máseleleriniń aýqymdy spektri talqylanyp, ıntegrasııalyq birlestikti ári qaraı damytýdyń joldary belgilengenin atap ótti.
Otyrys qorytyndysy boıynsha birqatar kópjaqty qujattarǵa qol qoıyldy. Sonyń ishinde, Vetnammen Erkin saýda aımaǵy týraly shartqa qol qoıyldy. Shamamen 40 memleket qyzyǵýshylyq tanytty.
Eske sala keteıik, aǵymdaǵy jyldy, Qazaqstannyń EAEO-daǵy tóraǵalyǵymen, QR Prezıdenti N. Nazarbaev Eýrazııalyq ekonomıkalyq odaqtyń úshinshi elderimen jáne mańyzdy ıntegrasııalyq birlestiktermen ekonomıkalyq qarym-qatynasyn tereńdetý jyly dep jarııalady.
