«Úmit» halyqaralyq baıqaýyna 6 fılm usynyldy

TMD elderiniń «Úmit» kıno forýmyna 6 qazaqstandyq fılm usynylyp otyr. Halyqaralyq festıval Bishkek qalasynda 28-30 qazan aralyǵynda ótedi, dep habarlaıdy egemen.kz Baq.kz - ke silteme jasap. «Jas rejısserler festıvali 2013 jyldan bastap ulttyq deńgeıde ótkizilip keldi. Bıyldan bastap baıqaýǵa halyqaralyq deńgeı berilip otyr», - deıdi «Qyrǵyzfılm» ulttyq kınostýdııasynyń dırektory, «Úmit» festıvali dıreksııasy jetekshisiniń orynbasary Gúlmıra Kerimova. Halyqaralyq baıqaýda «Úzdik derekti fılm», «Úzdik qysqa metrajdy oıyn fılmi» atalymdary bar. Jalpy, festıvalge TMD-nyń 12 elinen 52 fılm usynylǵan. Qazaqstan atynan 6 jas rejısser qatysady. Oıyn kınosy seksııasyna Sherhan Qýanaly «Fotograf» qysqa metrajdy jumysymen qatysady. Derekti fılm seksııasyna Qymbat Toıshynyń «Aýyl tynysy», Aıan Bógebaevtiń «Zaıka», Konstantın Sýrovtyń «Vedat», Serik Sársenbaevtyń «O, schastlıvchık» jáne Arýan Anarbaevtyń «Prodaves nostalgıı» týyndylary usynylǵan.