Astanada páterdi zańsyz berýshilerdi tekserý bastaldy

Astanada páterlerdi zańsyz jalǵa berý faktilerin anyqtaý boıynsha tekserý bastaldy, dep habarlaıdy egemen.kz «MIR» telearnasyna silteme jasap. «Astanada páterlerdiń tek 4 paıyzy resmı túrde jalǵa beriledi. Biraq sarapshylardyń pikirinshe, bul san áldeqaıda kóp jáne elorda bıýdjeti jylyna bir mıllıon dollardan qaǵylyp otyr. Al jalǵa alýshylardy úı ıesiniń kelisimshart jasamaýy jáne tólem chegin bermeýi asa alańdatpaıdy», - dep habarlaıdy telearna. О́tkizilgen is-sharalardyń nátıjesinde jyl basynan beri 300 páter ıesi jeke kásipker retinde esepke turdy. Osynyń arqasynda memlekettik qazynaǵa 20 mln. 800 myń teńge tústi», - dep atap ótti ýchaskelik ınspektor Hálel Toıshybaev. Memlekettik kirister departamenti jyl sońyna deıin 3 myńnan astam baspanany shyǵarýǵa nıetti. Aldymen salyq tóleýshiniń jumys ornyna tıisti hattar jiberiledi. Eger salyq tóleýden bas tartý odan ári de jalǵassa, hattama toltyrý úshin úıine baratyn bolady. Jarty jyldan keıin jekemenshik kásipkerlerge qosymsha tabys tabý múmkindigi týady. Jalǵa beriletin baspanalar iri halyqaralyq kórmege keletin týrıster men qonaqtar úshin qajet bolady. Bılik organdary úı-jaılaryn jalǵa bergisi keletin azamattardy arnaıy akkredıtasııadan ótkizýdi josparlaýda. Telearnanyń habarlaýynsha, aǵymdaǵy jyly Máskeýde baspanany jalǵa berýshiler úshin patent alý eki esege derlik arzandaǵan. Solaısha, Reseı astanasynyń qazynasy patentterdi satý men salyqtardan túsken qarjy esebinen 1 mlrd. rýblge tolyqqan.