Jańa bapker jattyqtyrady

Qyzylordanyń «Qaısary» qaıra­ty­na mingendeı. Premer-lıgadan syrt qal­ǵan bir jyl Syr boıynyń ko­man­dasyna jańa qýat pen kúsh syı­laǵan sııaqty. Birneshe jyl buryn úz­dik tórt­tiktiń qatarynda bolǵan klýbqa tómengi lıgada oınaýdyń ońaı emes ekeni de anyq. Sondyqtan bolsa kerek, «Qaısar» bıylǵy fýtbol maýsymyna tas-túıin daıyndyqpen kele jatyr. Alǵashqy qadam bapker taǵaıyn­daý­dan bastaldy. Buǵan deıin jankúıer­ler ara­synda, «Qaısardy» ýkraınalyq bapker Vıktor Kamarzaev jat­tyq­ty­ratyn bolyp­ty» degen áńgime shyqqan. Degenmen aqparat rastalmady. Bálkim, Kamarzaev Aq­meshittiń aptap ystyǵyna kelgisi kelmegen shyǵar. Esesine Qy­zylordaǵa Lıtvadan bapker keletin bol­dy. Esimi – Algımantos Lıýbanskas. Algımantos bir kezderi aı­darynan jel esken fýtbolshy bolǵan. Lıtvanyń «Jalgırıs» komanda­synyń beldi oıynshyla­ry­nyń biri edi. Jetpisinshi jyldar  ony naǵyz fýt­bolshy re­tinde tanytty. Al sek­­seninshi jyl­dardyń basynda ol bapkerlikke boı urdy. Aldymen ózi namy­syn jyrtqan «Jalgırıs» komandasyn jat­tyq­tyr­dy. Sodan soń Bangladeshtiń «Aba­ha­ma­syn» qolyna aldy. Toqsanyn­shy jyl­dardyń basynda Lıt­vanyń ult­tyq quramasynyń tizginin us­tady. Ult­tyq qu­ramany ol 1995 jylǵa deıin bap­tady. Al 2003 jyly Latfııa fýtbol fe­de­rasııasynyń basshylary Lıý­bans­kas­ty quramany jattyqtyrýǵa qaı­ta sha­qyrdy. Sodan bes jyl boıyna ol Lıtva qu­ramasyn alǵa súıredi. – A.Lıýbanskas óz qyzmetinde jaq­sy kórsetkishtermen kózge túsken. Lıtva qu­ramasynyń qazirgi kúnderi Eýropa tó­rin­de talaı azýly quramamen terezesi teń oınap júrgenin bilemiz. Endeshe, ol «Qaı­sardy» da órge súıreıdi dep oı­laı­myz,– deıdi «Qaısar» fýtbol klýby dı­rek­torynyń orynbasary Marat Áli­be­kov. Bastama jaman emes. Endi qy­zyl­orda­lyq «Qaısardan» jan­kúıerler tek jeńis kú­tedi. Erjan BAITILES. Qyzylorda oblysy.