Astanada halyqaralyq "Jibek joly" festıvali bastaldy

Elordadaǵy «Astana Opera» teatrynda III halyqaralyq Jibek joly festıvali bastaldy, dep habarlaıdy egemen.kz "Habar 24" arnasyna silteme jasap. Osy joly óner kórsetýge Mılannyń ataqty «La-Skala» jáne Neapol qalasynyń «San-Karlo» teatrlary keldi. Olar Chaıkovskııdiń, Maýro Bıgonzettıdiń horeografııalarymen óriletin operalaryn qoıady. Djýzeppe Pıgonı basqaratyn «San Karlo» teatry festıval aıasynda Italııanyń ulttyq bılerin de usynbaq. Astana qalasynyń turǵyndary osy baıqaý arqyly álemdik operanyń klassıkalyq týyndylaryn tamashalaýǵa múmkindik aldy. Aldaǵy aptada Italııa teatrlary kórermen kózaıymyna aınalady dep kútiledi. Al astanalyq ónerpazdar sheteldik áriptesterimen tize qosa óner kórsetip, mol tájirıbe jınaımyz dep otyr. "Biz kórermenderge jaqsy aýra berýge tyrysamyz. Olar ishindegi bar emosııalaryn jiberip, demalýlary tıis. Onyń ústine biz bul sahnada birinshi márte óner kórseteıin dep turǵan joqpyz. Shet memleketterden qonaqtar kelip jatqanyna da qýanyshtymyz" - deıdi «Astana Opera» teatrynyń jetekshi solısi Madına Baspaeva.