OQO-da ınvestısııalyq jobalarǵa jer bólinedi

Ońtústik Qazaqstan oblysynda shaǵyn jáne orta kásipkerlikti damytý úshin aımaq basshysy Janseıit Túımebaev 19 qaýlyǵa qol qoıdy, dep habarlaıdy oblys ákimdiginiń baspasóz qyzmeti. Qabyldanǵan qaýly aıasynda quny 32,2 mlrd teńgeni quraıtyn ınvestısııalyq jobalardy iske asyrý úshin 100 ga-dan astam jer telimi bólindi. Atap aıtqanda, kún sáýlelik elektrostansa qurylysyn salý úshin Arys qalasy men Saryaǵash aýdany aýmaǵynan kólemi 71,8 ga jer ýchaskesi bólinse, ındýstrııaldy aımaqtardan qurylys materıaldaryn óndirý, dızeldi janarmaı shyǵarý, tústi metall buıymdaryn shyǵarý jáne aýyl sharýashylyǵy ónimderin qaıta óndeý sehy úshin kólemi 42 ga jer ýchaskesi paıdalanýǵa berildi. Aıta keteıik, Ońtústik Qazaqstan oblysynyń ınvestısııalyq tartymdylyǵyn kýsheıtý jáne kásipkerlerge qolaıly jaǵdaı jasaý maqsatynda, óńirde 11 ındýstrııaldy aımaq qurylǵan. Qazirgi tańda, oblys boıynsha ındýstrııaldy aımaqtarda quny 201,3 mlrd teńgeniń 166 jobasy iske asyrylýda.