OQO-da myń jyl burynǵy monsha tabyldy

Ońtústik Qazaqstan oblysynda osydan 1 myń jyl buryn salynǵan monsha tabyldy. Álkeı Marǵulan atyndaǵy arheologııa ınstıtýtynyń mamandary bul oljany HH ǵasyrdaǵy Samanı kezeńine jatqyzyp otyr. Osydan 1 000 jyl buryn salynǵan bul monsha bizdiń zamanymyzǵa deıin jaqsy saqtalǵan. Arheologtardyń aıtýynsha, monsha 5 bólmeden turady. Qazba jumystary kezinde monshanyń jylytý júıesi, eki jýynatyn bólmesi men býmen qyzdyryný bólmesi tabylǵan, dep habarlaıdy oblys ákimdiginiń baspasóz qyzmetiniń habarlaýynsha. Monsha tabylǵan meken V-VIII ǵasyr aralyǵynda Túrki qaǵanatynyń qalasy bolǵan. Keıin kele IX-XII ǵasyr tusynda bul jerge samanı jáne qarahanıtter turaqtaǵan.  Al shyǵys monshasynyń jylytý júıeleri ejelgi rımdik úlgide jasalypty. Arheolog mamandar «ırandyq ustalardyń da qoltańbalary bolýy múmkin» dep topshylaıdy. «Mundaı ǵımarat, monshalar tek qana qalalardyń ishinde salynǵan. Osyndaı ǵımarattyń qasynda meshit bolǵan. Bolashaqta biz muny tabamyz dep otyrmyz. Qazba jumystarynyń qazir 90 paıyzy aıaqtalǵan.  Arhıtektýralyq ǵımarattyń tabylýy osy qalaǵa qatysty mańyzdy derekterdi naqtylaýǵa septigin tıgizbek. Keıbir jazbalarda bul mań Madankent shaharynyń orny dep kórsetilgen.  Al elimizde osy syndy monshalar kóne Taraz ben Túrkistan qalalarynyń ornynan da tabylǵan», - deıdi Á.Marǵulan atyndaǵy arheologııa ınstıtýtynyń bas dırektory Baýyrjan Baıtanaev. Monshaǵa ertede birneshe ret jóndeý jumystary júrgizilipti. Muny mamandar zertteý nátıjesinen baıqaǵan.   Keleshekte kóne qurylys týrıstik orynǵa aınalýy da ǵajap emes. Ol úshin qajetti ınfraqurylym jasaý kózdelgen.