JAŃA...

...О́NDIRISTIK NYSAN QURYLYSY BASTALDY «Arselor Mıttal Temirtaý» kompanııasynda surypty ılek óndirisi úshin sharshy daıyn­da­ma­lardy úzdiksiz  quıatyn alty shúmekti máshıneniń qurylysy bul kúnde qarqyn alyp keledi. Quny 37,1 mıllıon dollardy quraǵan bul ınvestısııalyq joba metallýrgııalyq kombı­nat­tyń óndiristik qýatyn jylyna 4 mıllıon tonnadan 5 mıllıon tonna bolatqa deıin arttyryp qana qoımaı, sondaı-aq bola­shaq­­ta Temirtaýda sapaly suryp­ty ıelek-armatýralar, burysh­tyq shvellerler, tavrolyq profılder shyǵarýǵa múmkindik beredi. Tutynýshylarǵa usynyla­tyn ónim túrleri keńıdi. Jańa óndiris jyl aıaǵynda iske qosylady. Ol aldaǵy ýa­qyt­ta bolat óndirýdi 10 mıllıon tonnaǵa deıin jetkizýge úlken múmkindik beredi. Aıqyn NESIPBAI. Temirtaý. * * * ...TRAKTORLAR ALÝDA Zaısan aýdanynyń sharýa qo­ja­lyqtary qajetti tehnıkalar men tehnologııany jańartýda tyń izdenister tanytýda. Atap aıt­qan­da, jer ıeleri kórshi Qytaıdan sha­ǵyn 88 jańa traktor satyp aldy. Olar janar maıdy az tuty­na­dy. Onyń ústine, Semeıde qu­ras­tyrylǵan «MTZ-82» traktory­nyń jeteýin birdeı satyp alǵan qojalyq ıeleriniń qýanyshynda shek joq. Keńsaı, Shilikti, Sarterek jáne Qaratal aýyldary onnan, al Qarabulaq pen Aınabulaq aýyl­dary­nyń qojalyqtary segizden jańa traktorlarǵa ıe bolyp otyr. Aýdan ákimi Serik Zaınýldın jańa tehnıka alamyn deýshilerge jan-jaqty kómek kórsetýde. Ońdasyn ELÝBAI. Shyǵys Qazaqstan oblysy. * * * ...JABYQ BAZAR AShYLDY Aqtóbe qalasynyń halqy jyl saıyn kóbeıip keledi.Soǵan sáı­kes halyqqa saýda qyzmetin kór­se­týdiń osy zamanǵy  júıesi de keńeıý­de. Jaqynda qalada taǵy bir jańa «Ánýar» jabyq bazary paıdalanýǵa berildi. Buryn bul jerde ashyq aspan astynda sóre­lerde saýda jasalatyn. Árıne, ondaı jaǵdaıda sanıtarlyq talap­tyń saqtalýy ekitalaı edi. Bazardyń jalpy alańy 1200 sharshy metr. Onda 80 saýda orny bar. Jańa jabyq bazarǵa jylý, ystyq jáne sýyq sý kelip tur. Zerthanasy, tońazytqyshy bar  et pavılony jumys isteıdi.Balyq satatyn arnaýly bólim ashylǵan. Kafeterıı men shaǵyn market te tutynýshylarǵa sapa­ly qyzmet kórsetedi. Jańa saýda orny osy mańnyń turǵyndary­na da qolaıly, bir kelgende qa­jet­tisiniń bárin derlik alyp qaıtady. Satybaldy SÁÝIRBAI. Aqtóbe oblysy.