Úkimet 2017 jyly Parlamentke 33 zań jobasyn engizedi

QR ádilet mınıstri Marat Beketaev Úkimettiń 2017 jylǵa arnalǵan zań jobalaý jumystarynyń jospary boıynsha esep berdi, dep habarlaıdy egemen.kz primeminister.kz saıtyna silteme jasap. M. Beketaevtyń málimdeýinshe, jospar jobasy qaıta óńdeýden ótkennen keıin Parlamentke 33 zań jobasy usynylady. Mınıstrdiń aıtýynsha, jospar jobasyn daıyndaýda Memleket basshysynyń, Úkimet basshylyǵynyń tapsyrmalary, sondaı-aq Zań shyǵarý jumysynyń 2016-2021 jyldarǵa arnalǵan tujyrymdamalyq jospary eskerilgen. "Mysalǵa alar bolsaq, «100 naqty qadam» Ult josparynyń bes ınstıtýsıonaldyq reformasyn júzege asyrý maqsatynda joǵary oqý oryndarynyń akademııalyq jáne basqarýshylyq derbestigin keńeıtýge, jan basyna shaqqandaǵy qarjylandyrýdy engizýge, beıindi emes básekelestik ortada memlekettiń fýnksııalary men ózin-ózi basqaratyn uıymdarǵa aýdarýǵa baǵyttalǵan zań jobalaryn qurý josparlanyp otyr», - dedi M. Beketaev.   Jalpy alǵanda, mınıstrdiń málimeti boıynsha, aldaǵy jyly memlekettik organdar 23 salada zańnamany jetildirýdi josparlap otyr.