Nasıhat jumysy bastaldy

Qazaqstan Respýblıkasynyń k­ezekten tys prezıdenttik saı­laýyna túsetin kandıdattar esimi anyqtalǵany belgili. Qazaqstan Kommýnıstik halyqtyq partııa­sy­nan prezıdenttikke kandıdat Jambyl Ahmetbekovtiń Almaty oblysyndaǵy shtaby qurylyp, jumysyn bastady. Shtab jetekshisi Magerram Ma­gerramovpen habarlas­qany­myz­da, oblys aýdandaryndaǵy partııa uıymdary saılaýshylar ara­syndaǵy úgit-nasıhat jumysta­ryna baılanysty bas qosqanyn atap ótti. Onda belsendi kommýnıster aldaǵy saıası naýqannyń jaýapkershiligine toqtalypty. Sonymen qatar, prezıdenttikke kandıdattyń jurt senip bildirilgen adamdary anyqtalyp, olar aýdandyq shtabtarǵa bólingen. Olardyń arasynda Roza Abdrahmanova, Jamaladın Hahazov, Es­batyr Kýlachev, taǵy basqalar bar. Barlyǵy úgit-nasıhat ju­mys­taryna kirisip ketken. *  *  * Ortalyq saılaý komıssııa­sy­nyń otyrysynda belgili bol­ǵa­nyn­daı, Qazaqstan Patrıottar par­tııasynan Qazaqstan Res­pýb­lı­kasynyń prezıdenttigine kandıdat bolyp tirkelgen Ǵanı Qa­symovtyń Almaty óńirindegi shtab jetekshisi Serik Aıtqojın, Taldyqorǵan óńiri boıynsha Dá­ri­bek Qarabasov jetekshilik jasap, alǵashqy uıymdastyrý-kóp­shi­lik jumystary bastalyp ketken. Saıası naýqanǵa baılanysty jumys josparynda múmkin­digin­she barlyq eldi mekenderdegi ha­lyqpen kezdesý belgilengen. О́ń­ir­degi aýdandyq jáne bastaýysh partııa uıymdaryndaǵy jaýapty adamdar saılaýshylar arasynda­ǵy jumysty jandandyrýǵa kirisken. Máselen, Qapshaǵaı qalasyn­daǵy shtab jetekshisi Baltabaı Nurseıitov saılaýshylardyń tizimin naqtylap, olardyń arasynan úgit-nasıhat toptary qurylǵa­nyn aıtty. Patrıottar saılaý­dyń ashyq jáne ádil bolatynyna senim bildirip, endi úgit poıyz­daryn jiberý úshin sońǵy ázirlik­terin jalǵastyrýda. *  *  * Qazirdiń ózinde jurtshylyq sáýirdegi saılaýda kimdi jaqtap, daýys beretinderin biledi. Osyn­daı saýal barysynda Taldyqor­ǵan qalasyndaǵy Shyǵys shaǵyn aýdanynyń turǵyny Gúlnaz Beı­sembekqyzymen pikirleskenimizde ol bylaı dedi. – Jasym 19-da. Meni týǵan jerimniń tamasha tabıǵaty súı­sin­diredi. Onyń odan da ásem, jasyl jelekke bólenýin, aýa­sy­nyń taza bolýyn qalaımyn. Saılaý – halyqtyń óz tańdaýyn ja­saıtyn sáti ǵoı. Jaqynda buqa­ralyq aqparat quraldarynan Qa­zaqstan Respýblıkasynyń prezıdenttigine kandıdat retinde tirkelgender qatarynda «Tabıǵat» ekologııalyq odaǵynan Mels El­eý­sizovtiń túskenin bildim. Ta­bı­ǵat pen adam arasyndaǵy tepe-teńdik buzylǵandyqtan, álemniń ár shalǵaıynda ártúrli keleńsiz jaılar kezdesip otyr. Bul meni aıryqsha alańdatady. Sondyqtan da 3 sáýir kúngi saılaýda óz da­ýy­symdy M.Eleýsizovtiń kan­dı­da­tý­rasyn jaqtap beretin bolamyn. Jetisý jerinde bıyl jaqsy bastama qolǵa alyndy. Ár eldi meken 20 myń jas kóshetter otyrǵyzyp, onyń saıaly baqqa aınalýyna úles qospaqshy. Osy saılaýda ekologııalyq odaqty jaqtap daýys beretinder qatary kóbeıetindigine senemin. О́ıtkeni, tabıǵat pen adam egiz ǵoı. Almaty oblysy.