Taǵdyrymyz elimizben tamyrlas

Quranda «Jaqsylyq pen jamandyq bir Alladan» degen aıat bar. Ony qazaqta «peshene» deıdi. O bastan ata-babalarymyz «Mańdaıǵa ne jazsa, sony kóresiń» dep ótken. Al qııametke deıin úzilmeıtin jaqsylyq pen jamandyq pendelerdiń nıeti men amaldaryna qaraı beriledi. Sol tárizdi bizdiń qazaq halqynyń taǵdyry óz Otanymyzdaǵy ahýalmen tikeleı baılanysty. Dúnıeni ustap turǵan bes sebep bar. Halqynyń ádil basshysy, ǵulamalar bilimi, qýattynyń jo­mart­tyǵy, kedeılerdiń duǵa-tilegi. Alǵashqysy – ádil basshy. Ol – Allanyń amanaty men adal­dyǵyna bekem dara tulǵa. Al endi osy tórteýiniń basyn bir jerge túıistirgen «Qazaǵyma jaqsylyq bere gór!» dep kóz jasymen tilep ótken babalar batalarynyń sharapaty! Eliniń erkindigi men halqynyń yntymaǵyn kóksegen atalarymyzdyń duǵa sharapaty búgingi tańda at ústindegi azamattardy jelep-jebeı bersin deıik. «Inshallasyz» isin bastamaǵan qazaq, bul sózdiń Quranǵa janasaryn bilgendeı. Paıǵam­barymyz (s.ǵ.s.) aldyna saýalmen kelgen adam­darǵa «Erteń jaýap beremin» dep aıtqanda, Jebireıil perishte on bes kúnnen keıin paıǵambardyń «Inshalla» dep aıt­pa­ǵany úshin osynshama ýa­qytqa keshikkendigi týraly habar bergendigi «Kahf» súresinde baıandalady. Muhammed (s.ǵ.s.) paıǵambarymyz úsh adamǵa, ıaǵnı jolda jáne qıyndyqta qalýshyǵa, ata-ana men úlken kisilerge jaqsylyq jasaýdy buıyrǵan. Eko­no­mı­kamyz­dyń órkenimen jyl saıyn qarttar­dyń zeı­net­aqysy joǵarylap, bıylǵy jyly 30 paıyzǵa kó­terildi. Bul – úlkenderimizge úlken qýanysh pen qur­met. Jumysqa jaramsyz, sal múgedekterdiń kúnkóris tólemaqylary jarty jyl saıyn ústemelenýde. Jolda beınetke túsip, qarjy jáne em – dárilik kómekke qajet bolǵandarǵa aeromobıldi tikushaqtarmen kó­mek etý jaǵdaıy belgilengen. Qazaqtyń sanyn kóbeı­týde ár týǵan balalaryna qaraı otbasyndaǵy jas analarǵa yntalandyrý tólemaqylary taǵy bar. Ata-baba dástúrimen álemdik jáne dástúrli dinder jetekshileri elimizdiń tórine dóńgelene jı­na­lyp, din­der­aralyq jáne ultaralyq qatynasqa syı­lastyq pen túsinistikti quraq etýge shaqy­rylyp júr. Kezinde Mu­ham­med (s.ǵ.s.) paıǵam­ba­rymyz Hudaıbııa jerinde kápir­lermen on jylǵa soǵyspaý týraly kelisimge kelgen. Odan sol ke­zeńde mu­syl­man jamaǵaty kóp jeńiske jetti. Ol jyldar mu­sylmandardyń alǵa basý kezeńi boldy. Jýyrda ǵana elimizde Eýropadaǵy qaýipsizdik jáne yn­ty­maq­tastyq uıymyna (EQYU) múshe memleket­terdiń basshylary at tizgindete bas qosqan Astana sammıti dú­nıe­lik tarıhqa altyn árippen máńgilikke qa­sha­lyp ja­zyldy. «Bir el men jerge alystan ne ja­qynnan qonaq kelse, ózimen birge qyryq nesibesin ala keledi. Qy­ryq­tyń bir bóligin ózi jep, qalǵanyn sol mekenge qal­dy­rady», – degen hadıs bar. Ne bolmasa kúni keshe Azııa oı­yndarynda salamatty ómir saltynyń týyn saltanatpen tigýi úlken dá­reje. Osynyń bárine Qazaqstan bir­liginiń, tutas­ty­ǵynyń, bir týdyń astyna jınalýy­nyń arqa­syn­da qol jetkizdi. Túrli baǵyttaǵy tabys­ta­rymyz jylma-jyl arta bersin. Alla taǵala soǵan násip etsin. Nurlan ASANOV, Qazaqstan musylmandary dinı basqarmasynyń  Jezqazǵan aımaqtyq ókil ımamy. Jezqazǵan.