Maqsat – bıik belesten kóriný

Keshegi kúnniń bári tarıh desek te, táýelsiz elimizdiń árbir qadamy kóńilimizde saırap tur. Táýelsizdik jyldary Ońtústik Qazaqstan oblysynda 347 jańa medısınalyq nysan salynypty. Sondaı-aq, «100 mektep, 100 aýrýhana» baǵdarlamasy da densaýlyq saqtaý salasynyń damýyna úlken úles qosty. Qashanda kadr daıyndaý máse­lesi kún tártibinen túsken emes. Búginde oblysta halyqqa qyz­met jasap jatqan dárigerler sany 2 167-ge nemese 5 136-dan 7 303-ke deıin artty. Al, meıir­bıkeler sany 2 192-ge artyp nemese 20 176-dan 22 368-ke deıin ósti. Sóıtip kadr tapshylyǵy 2 ese, aýyldy jerlerde 2,5 esege tó­mendedi. Sonyń ishinde Ońtús­tik Qazaqstan jerindegi eń baıyr­ǵy oqý oryndarynyń biri – Shymkent medısına kolledji or­ta býyndy medısınalyq já­ne farmasevtıkalyq qyzmet­kerlerdiń básekelestigin qamta­masyz etý maqsatynda talaı beles­terdi baǵyndyrdy. Farmasevtıkalyq pánder boıynsha oqytýshylar teorııalyq jáne tájirıbelik bilimdi ushtastyrý maqsatynda bilim alýshylardyń túrli menshik nysandaǵy far­masevtıkalyq uıym jáne ká­siporyndarda, dárilerdiń sapasyn baqylaý, dárilerdi standarttaý, sertıfıkattaý zerthanalarynda keleshekte oryndaıtyn is-sharalaryna basty nazar aýdarady. Farma­sevtıkalyq mekemelerdiń qu­ry­lymdyq bólimsheleriniń ju­mystaryn uıymdastyrýdy, turǵyndardy jáne medısınalyq mekemelerdi dárilik zattarmen qam­tamasyz etýdi, taýarly-ma­terıaldyq qundylyqtar boıynsha is-áreketi jóninde esep júrgizip, esebin berýdi, dárilik ósimdik shıkizattardy daıyndaý­dy jáne t.b. úıretýdi negizgi maqsaty dep sanaıdy. Sondaı-aq kolledj basshylyǵynyń bolashaq farmasevterge qajetti barlyq daǵdylar men sheberlikterdi meńgerýi úshin oqý-óndiristik jáne dıplomaldy tájirıbelerden ótýge «Europharma» farmasev­tıkalyq fırmasymen, «Zerde» JShS-men shart jasasýy jáne qalamyzda ornalasqan «Hım­farm» aksıonerlik qoǵamyna ekskýrsııaǵa aparyp, dári-dármek­ter daıyndaýdyń búkil úrdisimen tanystyrýdy uıymdastyrýy da úlken yqpal etýde. «Farmasııa» mamandyǵy boıynsha medısına kolledjderi túlekteriniń ara­syndaǵy respýblıkalyq, ob­lystyq saıystarǵa qatysqan stýdentterimiz júldeli oryndarǵa ıe boldy. Respýblıka kólemindegi bul jetistikke qol jetkizýge kol­ledjdiń oqý-tárbıe jumysyn du­rys baǵytta uıymdastyra bil­gen kol­ledj basshysy M.Sul­tanov pen oqy­týshylardyń eńbek­teri zor. «Elý jylda – el jańa» degen, shırek ǵasyrdyń ózinde elimiz adam tańǵalarlyqtaı jaǵdaıda ózgerdi. Bilim alamyn, qyzmet ete­min degen jastarǵa múmkindik mol. Endeshe barymtaǵa qarymta degen, bolashaq farmasevter de kolledjde alǵan bilimderin, jı­naǵan tájirıbelerin otandyq far­masııa salasyn damytýǵa arnaıtyny anyq. Sáýle QARATAEVA, Gúlnaz MADIEVA, Shymkent medısına kolledjiniń oqytýshylary