2002
* 1 qańtarda Memleket basshysy Nursultan Nazarbaevtyń Qazaqstan halqyna arnaǵan jańajyldyq quttyqtaýy «Egemen Qazaqstan» gazetinde jarııalandy. Elbasy quttyqtaýynda: «Halqymyzdyń bolashaqqa degen senimi men sezimi kún sanap kúsheıip kele jatqany men úshin erekshe ystyq. Halyq yqylasynan ystyq ne bar?» – dep jazyldy.
* 22 qańtarda Prezıdent N.Á. Nazarbaev Eýrazııalyq ekonomıkalyq qaýymdastyqtyń Bas hatshysy Grıgorıı Rapotamen kezdesti. Basqosý barysynda EýrAzEQ qyzmetine baılanysty birqatar strategııalyq máseleler talqylandy.
* 26 qańtarda Astanada el ómiriniń keleli máselelerin talqylaǵan alqaly keńes ótkizildi. Parlamenttiń jáne Úkimettiń basshylary men músheleri, barlyq deńgeıdegi ákimder, quqyq qorǵaý organdarynyń qyzmetkerleri qatysqan jıynda Elbasy Nursultan Nazarbaev sóz sóılep, ótken jyldyń ekonomıkalyq kórsetkishteri negizinen alǵanda jaman emes degen baǵa berdi. «Kóptegen salalar tyǵyryqtan shyǵyp, damý belesine aıaq basty, jalpy alǵanda ekonomıkamyzdyń órkendeý úrdisin ornyqtyra tústik. Kóptegen kásiporyndar qalpyna keltirildi, jańadan jumys oryndary ashyldy, qalalar men aýdan ortalyqtaryn, selolardy kórkeıtý jóninde qyrýar jumys atqaryldy», dedi Elbasy.
* 11-14 aqpan aralyǵynda Elbasy Nursultan Nazarbaevtyń Úndistanǵa resmı sapary bolyp ótti. Elbasy Úndistan Respýblıkasynyń Prezıdenti Kocherıl Raman Naraıanmen, Premer-mınıstr Atal Bıharı Vadjpaımen kezdesti. Eki el jetekshileriniń suhbattasýynda halyqaralyq jaǵdaıdyń kókeıkesti máseleleri, álemge tóngen jańa qaýip – terrorızmmen kúresý, onyń beleń alýyna jol bermeý sharalary talqylandy, sondaı-aq, saýda-ekonomıkalyq, mádenı-ǵylymı baılanystardy odan ári tereńdetip, damytýǵa basa mán berildi. Sapar sheńberinde Nursultan Nazarbaev Delıdegi Abaı atyndaǵy kósheniń ashylý saltanatyna qatysty.
*28 aqpanda Almatyda Ortalyq Azııa memleketteri – Qazaqstan, Qyrǵyzstan, Tájikstan jáne О́zbekstan prezıdentteri Ortalyq Azııa yntymaqtastyq uıymynyń qurylýy týraly shartqa qol qoıdy. Qujatqa qol qoıylǵannan keıin jýrnalısterge bergen suhbatynda Elbasy Nursultan Nazarbaev tórtkúl dúnıede adam balasynyń táńirden tileıtin tynyshtyǵy úshin jáne memlekettiń turaqtylyǵyna qaýip tóndiretin kez kelgen áreketter men qubylystarǵa qarsy turý úshin kúsh biriktirýdiń mańyzdylyǵyna ekpin berdi.
*7 naýryzda Prezıdent N.Á.Nazarbaev «Qazaqstan Respýblıkasynyń dıplomatııalyq qyzmeti týraly» Zańǵa qol qoıdy.
*18 naýryzda Elbasy Nursultan Nazarbaev «Qazaqstan Respýblıkasynyń ádilet organdary týraly» Zańǵa qol qoıdy.
* 29 naýryzda Astanada Prezıdent Nursultan Nazarbaev-
tyń qatysýymen quqyq qorǵaý organdarynyń respýblıkalyq keńesi boldy. Keńeste Elbasy sóz sóıledi. «Biz óz qoǵamymyzdaǵy turaqtylyqty zańdy túrde maqtan etemiz. Bul memleket qurylysynda sonyń esebinen tabysqa qol jetkizilgen eń basty nárse. Naq sondyqtan da ınvestısııalar kelip jatyr, elimiz damýda», dedi Qazaqstan Prezıdenti.
* 7 sáýirde Almatyda Memleket basshysy N.Á.Nazarbaevtyń Dúnıejúzilik bank prezıdenti Dj.Výllfensonmen kezdesýi boldy. Taraptar aldaǵy ýaqytta Qazaqstan men Dúnıejúzilik Bank arasyndaǵy ózara baılanystyń tereńdeı túsetinine senim bildirdi.
* 8-9 sáýir kúnderi Almatyda Davostaǵy Dúnıejúzilik ekonomıkalyq forýmnyń bir bóligi bolyp tabylatyn «Eýrazııalyq ekonomıkalyq sammıt-2002» jıyny bolyp ótti. Onda Elbasy Nursultan Nazarbaev sóz sóıledi. Sondaı-aq, sammıt aıasynda Memleket basshysy N.Á.Nazarbaev Ýkraına Premer-mınıstri A.Kınahpen, Irannyń birinshi vıse-prezıdenti Mohamed Reza Arefpen, Islam Damý bankiniń prezıdenti Ahmad Mohamed Alımen jáne Ekonomıkalyq yntymaqtastyq uıymynyń dırektory Abdolrahım Gavahımen kezdesti.
*19 sáýirde Astanada Elbasy N.Á.Nazarbaevtyń Qazaqstanǵa resmı saparmen kelgen Horvatııa Prezıdenti S.Mesıchpen kezdesýi boldy. Kelissózder barysynda taraptar munaı salasyndaǵy yntymaqtastyq máselelerine basa nazar aýdardy. Sondaı-aq, memleketter basshylary óz aımaqtaryndaǵy ıntegrasııa máselelerinde – Ortalyq Azııa men Balqan túbeginde – Qazaqstan men Horvatııanyń syrtqy saıası ustanymdary sáıkes keletindigine qanaǵattanatyndyqtaryn bildirdi.
* 24 sáýirde Iran Islam Respýblıkasynyń Prezıdenti Mohammad Hatamı Qazaqstanǵa resmı saparmen keldi. Ekijaqty kezdesý barysynda Elbasy Nursultan Nazarbaev pen Mohammad Hatamı Qazaqstan men Iran arasyndaǵy Dostyq qarym-qatynastar týraly deklarasııaǵa qol qoıdy.
*25 sáýirde Almatyda I Eýrazııalyq medıa-forým óz jumysyn bastady. Onda Elbasy Nursultan Nazarbaev sóz sóıledi.
Bul týraly «Egemen Qazaqstan» gazetiniń 26 sáýir kúngi nómirinde «HHI ǵasyr – bul Eýrazııanyń qaýyrt damý ǵasyry bolady» taqyrybymen maqala jarııalandy.
*28 sáýirde N.Á. Nazarbaev AQSh Qorǵanys mınıstri D.Ramsfeldti qabyldady. Eki jaq halyqaralyq lańkestikke qarsy kúresýdegi yntymaqtastyq taqyrybyn talqylady.
*13 mamyrda Máskeýde Eýrazııalyq ekonomıkalyq qaýymdastyqtyń Memleketaralyq Keńesiniń kezekti májilisi ótti. Jıyn barysynda Qazaqstan Prezıdenti N.Á.Nazarbaev pen Reseı basshysy V.V.Pýtınniń kezdesýi boldy. Taraptar Qazaqstan men Reseı arasynda Kaspıı teńiziniń soltústik bóligi qaırańyn bólý týrly kelisimge qol qoıdy.
*22-23 mamyr kúnderi Prezıdent Nursultan Nazarbaev resmı saparmen Slovenııada bolyp, osy eldiń basshysy Mılan Kýchanmen kezdesti. Sondaı-aq, sapar barysynda Elbasy Slovenııanyń Premer-mınıstri Iаnez Drnovshekpen áńgimelesti. Iа.Drnovshek Qazaqstan Prezıdentine «Slovenııa Respýblıkasy azattyǵynyń qurmetti altyn ordenin» tapsyrdy.
*24-25 mamyr kúnderi Prezıdent Nursultan Nazarbaevtyń Polshada resmı sapary ótti. N.Á.Nazarbaev Polsha Prezıdenti A.Kvasnevskımen kezdesti. Memleketter basshylary saýda-ekonomıkalyq jáne mádenı yntymaqtastyq máselelerin talqylady.
