• 06 Naýryz, 2011

8 naýryzǵa syılyq retinde – traktor

450 ret

kórsetildi

1 mın

oqý úshin

Egemen Qazaqstan

Mınskiniń oblystyq atqarý komıteti jergilikti aýyl sharýashylyǵy kásiporyndarynyń áıel jetekshilerine 8 naýryz merekesine oraı traktor syılaǵan jón dep tapqan. Sóıtip, vedomstvo Halyqaralyq áıelder kúni merekesi qarsańynda syılyq retinde barlyǵy 18 traktor taratyp bergen. Aýyl sharýashylyǵy jumystary úshin asa qajetti tehnıka bıýdjet qarjysyna satyp alynypty. Tehnıkany tapsyrý saltanaty 4 naýryz kúni bolyp ótti. Sol kúni sondaı-aq Mınsk oblysynyń basqa da tanymal azamatshalaryna syı-sııapattar jasalyp, qurmet kórsetilgen. Jalpy, Halyqaralyq áıelder kúni merekesi álemniń 30 elinde mereke kúni bolyp tabylsa, sonyń ishinde tek Qytaı men Madagaskarda ǵana názik jandylar úshin demalys dep jarııalanǵan. Bir-birinen aýmaıtyn «sańlaqtar» 1951 jyly qurylǵan «Grazy Horse» kabaresiniń ataǵy búginde tym alysqa ketken, deıdi biletinder. Sol jyly amerıkalyq Alen Bernarden qurǵan osy ádemi erotıkalyq shoý nesimen erekshelenedi desek, bıshileriniń bir-birinen aınymaıtyndaı etip muqııat irikteletinimen erekshelenedi eken. Sahnada bılep júrgen qyzdardy bir-birinen ajyratý múldem múmkin emes kórinedi. Qazirgi kezde ataqty kabare Máskeýde «óner kórsetip» jatyr. 3 naýryzda bastalǵan erotıkalyq shoý tobynyń gastroldik sapary 8 naýryzǵa deıin jalǵasady. Boılarynda mysqaldaı da minderi joq qulyn músin qyzdar ónerin tamashalaýshylar qatarynyń qalyńdyǵy sondaı, olar bıleıtin qymbat meıramhanalardan oryn tabý qıynnyń qıyny bolyp tursa kerek. Internet materıaldary negizinde ázirlendi.