Arýǵa ashqaraqtyq jaraspaıdy
Meksıkalyq Domonık Ramıres ashqaraqtyǵynyń saldarynan «San-Antonıo arýy» ataǵynan mezgilinen buryn aıyrylyp qaldy. Sóıtip, onyń táji vıse-arý Eshlı Dıksonǵa buıyrdy. D.Ramıres sotqa júgingenimen, ol áreketinen túk shyqpady. О́ıtkeni, arý atanǵannan keıingi kelisim-shart boıynsha, ol qujat kúshinde bolatyn merzimde sol salmaǵyn ustap turýy tıis edi.
D.Ramıres osylaısha «Tehas arýy» konkýrsyna da qatysa almaıtyn boldy. Sebebi, joǵaryda aıtylǵanyndaı, dámdi men táttini kórse, dúnıeniń bárin umytatyn ashqaraqtyǵy. Sondaı-aq ol óziniń qoıylym-kórsetilimderine keshigip kelýdi de jaman ádetke aınaldyra bastaǵan. Mundaı arýdy kim óziniń ataǵyna sáıkes keledi dep aıta alady? Al vıse-arý E.Dıksonnyń óz múmkindigin tolyqtaı paıdalanýǵa tyrysatyny kúmánsiz.
Tanymal ánshiniń álsiz jeri – ishimdik
Ánshi Krıstına Agılera kópshilik orynǵa ishimdik iship kelgeni úshin tutqynǵa alyndy. Bul oqıǵa AQSh-tyń Los-Andjeles aglomerasııasyna enetin Ýest-Gollıvýd qalasynda oryn aldy. K.Agılera rólinde «jigiti» otyrǵan avtokóliktiń jolaýshylar jaǵyndaǵy oryndyqta otyrsa kerek. Ánshiniń rólge «qyzyp alyp» otyrǵan Metıý Ratler esimdi boıfrendi de dereý tutqyndalǵan.
Ratlerdi polısııa 30 myń dollar kepildikke qoıylǵannan keıin qamaýdan bosatqan. Al Agıleranyń kepildigi 250 dollar ǵana bolǵan. Endi polısııa ánshini ońaltý ortalyǵynda alkogolızmnen emdelý kýrsynan ótýge mindettep kórmek. О́ıtkeni, Agılera qańtar aıynda bir akterdiń týǵan kúninde ústel basynda uıyqtap qalsa, aqpan aıynda ótken «Gremmı» syılyǵyn tapsyrý kezinde sahnada tońqalań asqan.
Boıdyń eren uzyndyǵy kemshilik emes
Modelderdiń boıshań bolýy ádettegi talap. Biraq osynshalyqty uzyn boıly qyzdy bir kórgende basketbol ne voleıbol oınaýy kerek, modelder bolýǵa tym kelińkiremeıdi dep alystan ton pishetiniń anyq. Biraq, Anglııada turyp jumys isteıtin boıy 2 metr 3 sm.-lik Amazonka Iv esimdi boıjetken múldem de bulaı oılamaıdy. О́ıtkeni, onyń modeldik karerasy órge shyǵyp keledi eken.
Ivtiń arǵy tegi germanııalyq kórinedi. Gollandııaǵa da qatysy bar sekildi. Jasóspirim kezinde kolledjde quqyq, menedjment, teatr óneri jáne fılologııa mamandyqtarynyń basyn bir-bir shalyp shyqqan. Kınoǵa da túsip kórgen. Al «Pleıboı» jýrnalyna jalańash sýreti basylǵany sol eken, aıy ońynan týyp júre bergen. Sóıtip, ol búginde arman-qyz atanyp otyrǵan kórinedi.
Júlde súr boıdaqtyń sory ma, baǵy ma?
Jaqynda ǵana surapyl jer silkinisi tirkelgen Jańa Zelandııada súr boıdaqtarǵa arnalǵan baıqaý bolyp ótti. Onyń sharty boıynsha jeńimpazǵa qalyńdyq izdep qaıtý úshin Ýkraınaǵa 12 kúndik joldama beriledi. RocR FM radıostansasy uıymdastyrǵan konkýrsta tegi aıtylmaıtyn Greg esimdi jergilikti sharap jasaýshy boıdaq jigit jeńiske jetken.
Jeńimpaz ózin ózine ózi senimdi, ómirine kóńili tolatyn, romantıkalyq sezimderge berilgish jáne qarjylaı táýelsiz erkek retinde sıpattaıdy. Bolashaq qalyńdyǵyna da naǵyz hanshaıym retinde qaramaq. Otbasy músheleri de onyń sheteldikke úılenemin degen ıdeıasyn qoldaǵan kórinedi. Endi syrbaz jigitke kerbez sulý jolyǵady dep seneıik.
