Aqtóbedegi tennıs ortalyǵynda bokstan KSRO jáne halyqaralyq dárejedegi sport sheberi Baýyrjan Aqsholaqovty eske alýǵa arnalǵan HVIII halyqaralyq týrnır bastaldy. Oǵan elimizdiń segiz oblysynan jáne О́zbekstannan barlyǵy jetpis boksshy qatysýda. Jarysqa «KTP», «AIS», «Dastan» JShS sııaqty onnan astam kásiporyndar men jeke kásipkerler demeýshilik jasaýda.
Týrnırdiń saltanatty ashylýynda sóz alǵan oblystyq dene tárbıesi jáne sport basqaramasy basshysynyń orynbasary Murat Álıev ómirden erte ótken belgili boksshy Baýyrjannyń kezinde odaqtyq jáne halyqaralyq jarystarda olja salǵanyn aıtyp, sportshylarǵa sáttilik tiledi.
Saltanatty sharaǵa boksshynyń anasy Marjan jáne baýyrlary da qatysty.
"Bul aıtýly týrnırge burynǵydaı boksshylar kóp keletin-di. Endi az ǵana kúnderden keıin Pavlodarda bokstan el birinshiligi bastalady. Soǵan baılanysty bul joly kóp boksshylar qatysa almaı otyr",-deıdi halyqaralyq týrnırdiń bas tóreshisi qaraǵandylyq Amangeldi Makanalın.
Jarystyń shymyldyǵyn 60 keli salmaqta qolǵap túıistirgen ońtústikqazaqstandyq sport sheberi Aıdyn Sıqymbaev pen aqtóbelik sport sheberliginen úmitker Beıbit Qubaıdolla ashty. Bul kezdesýde Beıbit jeńiske jetti. Aldyn ala kezdesýler 60 jáne 69 keli salmaq dárejelerinde jalǵasty.
Satybaldy SÁÝIRBAI,
«Egemen Qazaqstan»
Sýretterdi túsirgen Haıreden Raýshanov
Aqtóbe oblysy
