Qazaqstan Táýelsizdiginiń 25 jyldyǵy aıasynda keshe Mańǵystaý oblysynyń jastary «Meniń júregim elim úshin soǵady» avtosherýin ótkizdi, dep habarlaıdy egemen.kz Mańǵystaý oblysy ákiminiń baspasóz qyzmetine silteme jasap.
"Avtokólik sherýi 6 shaǵyn aýdandaǵy «Arman» Jastar ortalyǵynan bastaldy. Sodan keıin kólikter elimizdiń kók týyn jelbiretip Aqtaý qalasynyń ortalyq kóshelerimen júrdi. Sharaǵa 200-den astam jastar qatysty. Avtosherý uıymdastyrýǵa «Toyota», «Nissan», «Renault» sekildi avtokólik ortalyqtary belsendi atsalysty", - dep atap ótti oblystyq Jastar resýrsy ortalyǵynyń jetekshisi Erǵalı Ánesov.
