Túrki akademııasy jańa ǵylymı basylymdaryn tanystyrady

Túrki akademııasy halyqaralyq uıymy (TWESCO) 9-shy qarasha kúni Astana qalasynda bastalatyn «Eurasian Book Fair - 2016» Eýrazııalyq halyqaralyq kitap kórmesi aıasynda qos birdeı aıtýly shara ótkizýdi josparlap otyr. Akademııa saıtynyń habarlaýynsha,  9 qarashada «Túrkitanýdaǵy aýdarma isiniń ózekti máseleleri» taqyrybynda ashyq semınar ótkizedi. Semınarda Túrki áleminiń ǵylymı-ádebı yntymaqtastyǵy baǵytyndaǵy mańyzdy taqyryptyń biri retinde aýdarma salasyndaǵy ózekti máseleler qarastyrylady. Budan bólek, 11 qarashada IýNESKO sheńberinde toılanyp jatqan Q.A.Iаsaýı men J.Balasaǵunnyń mereıtoılaryna arnap «Túrki áleminiń tuǵyrly tulǵalary: Qoja Ahmet Iаsaýı jáne Júsip Balasaǵun» atty dóńgelek ústel uıymdastyrady. Túbi bir túrkige ortaq qos oıshyldyń qurmetine arnalǵan basqosýda olardyń álem mádenıeti men ǵylymyna qosqan úlesteri men baǵa jetpes muralary zerdelenip, talqylanatyn bolady. Atalǵan sharalarǵa kórnekti memleket jáne qoǵam qaıratkerleri, Qazaqstan men shet elderden kelgen belgili túrkitanýshy, ádebıetshi ǵalymdar, sondaı-aq zııaly qaýym ókilderi qatysady dep kútiledi. Aıta ketý kerek, halyqaralyq kitap kórmesi sheńberinde josparlanǵan bul sharalarda akademııanyń jańa ǵylymı basylymdarynyń tanystyrylymy ótedi. Sonymen qatar, TWESCO tarapynan basylǵan barlyq basylymdar men kitaphana qoryndaǵy qundy eńbekterdiń arnaıy kórmesi uıymdastyrylady. Kórmege qatysýshylar úshin akademııa shyǵarǵan kitaptardyń satylymy da qarastyrylǵan. Qyzyǵýshylyq tanytqan oqyrmandar sol jerden qalaǵan basylymdy satyp alýyna bolady.