Jalǵan qujatpen kólik júrgizgen

«Jalǵannyń jarǵa jyǵa­tyny» belgili. Biraq, muny bile tura qýlyq-sumdyqtyń neshe atasy kórinis berýde. Jalǵan aqshany bylaı qoıǵanda, aıyppul túbir­tegin qoldan jasaýshylar paı­da bolǵanyn jýyrda gazeti­mizde jazyp edik. Endi, mine, jalǵan kólik júrgizýshi kýáligin janqaltasyna salyp júretinder aramyzdan tabylyp jatyr. 24 qazanda Kókshetaý qala­synyń M.Áýezov atyn­daǵy kóshesinde jol-patrýldik batalo­nynyń qyz­metkerleri «Mersedes Bens» jeńil kó­ligin toq­tatqan. Tekseris barysynda Soltústik Qazaq­stan oblysy Aıyrtaý aýda­ny­nyń turǵyny usynǵan kýá­lik kú­dik týdyrǵandyqtan, arnaıy oryndarǵa suraý salynady. Kóp uzamaı An­to­novka aýylynyń tur­ǵyny sottyń sheshi­mimen kólik qu­­raldaryn basqarý quqy­ǵynan aıy­­rylǵandyǵy, al kórsetilgen qujattyń qoldan jasalǵandyǵy anyqtalǵan. Aıyptalýshynyń aıtýynsha, júrgizýshi kýáligin munyń týysy 100000 teńgege jasap beripti. Áıtse de, «bala-sha­ǵanyń» qamyn mundaı qaýipti jolmen atqarýdyń túpki saldaryn eskere qoı­maǵan azamat QR QK 385-ba­bynyń 3-bólimimen jaýapqa tartylyp, sot aldyndaǵy tekserister júrgizilýde. Bul bap tártip buzýshynyń 300 aı­lyq aıyp­pul (600 myń teńge) tóleýin nemese 75 táýlikke qamaýǵa alynýyn qarastyrady. Baqbergeen AMALBEK, «Egemen Qazaqstan»