Aksııa óńirlerdi aralaıdy

Elordadaǵy «О́rken» bıznes-or­talyǵynda quramyna etnomá­de­nı bir­lestikter men uıym­dar­dyń, ǵy­ly­mı jáne shyǵarmashyl ıntel­lı­gensııanyń, sondaı-aq jas­tar ókil­deri kirgen bastamashy toptyń jıy­ny ótti. «Biz – Qazaqstan hal­qy­­myz» degen atpen uıymdasty­ryl­­ǵan kezdesý Qazaqstan Res­pýb­lıkasynyń ke­z­ekten tys prezıdenttik saı­laýyn­da N.Nazar­baev­tyń kan­dıd­atýrasyn qoldaý úshin jalpy­res­pýb­lıkalyq aksııany ót­kizýge arnaldy. «Qazaqstan ýkraındary rada­sy» birlestiginiń tóraǵasy Iýrıı Tımoshenko óziniń sózinde atalǵan aksııa­ny ótkizý jónindegi úndeýin oqyp berdi. «Memleket basshysy Qazaq­stan Respýblıkasynyń kezekten tys prezıdenttik saılaýyn ót­kizý tý­raly bastamany usyný ar­qy­ly prezıdenttik ókilettigin 2 jyl merzimge sanaly túrde qys­qartty, al bul onyń saıası sheshimderiniń qaıta­lanbastyǵy men joǵary deń­geıin kórsetip berdi»,– dedi Iý.Tımoshenko.– Respýb­lı­ka­lyq jáne óńir­lik etnomádenı birlestikter ókil­deri, ǵy­lym men óner salasynda júr­gen azamattar, jastar saılaý­dyń Qazaq­stannyń bolashaǵy úshin mańyzyn jáne sol saıası naýqan aldyndaǵy ózderiniń jaýapkershilikterin túsine otyryp, Nursultan Na­zar­baevtyń kandıdatýrasyn qol­daı­dy dep oı­laımyz. «Biz – Qazaq­stan halqy­myz» uǵymy táýelsiz Qa­zaq­stan­­nyń negizin qalaǵan jáne eko­no­mı­kalyq ór­leý men áleýmettik ilgerileýge negizdelgen derbes, de­mo­kra­tııa­lyq mem­­leket qurý maqsa­tyndaǵy halyq­t­yń kúsh-jigerin bildiredi. Son­daı-aq, ol ǵasyrlyq arman, ortaq qun­dy­­lyq – táýelsizdikke qol jetkizýde qar­ǵa tamyrly qazaq jerinde qonys­tanǵan halyqtyń birligin beıneleıdi». Basqosý kezinde «Vaınah» cheshen-ıngýsh etnomádenı birlestigi­niń tóraǵasy Salman Geroevke sóz kezegi tıdi. Ol atalǵan aksııanyń «Qazaq­stan Respýblıkasyndaǵy saı­­laý týra­ly» Zańnyń negizinde júr­gi­zilip jat­qanyn, bul rette saılaý qorlaryn qurmaǵan azamattar men qoǵamdyq birlestikter qar­jylaı qoldaýdy qa­jet etpeıtin saılaýal­dy úgit-nası­hat jumysta­ryn júr­gizýge quqyly eken­dikterin atap ótti. «Bul aksııa­nyń negizgi ózegi – Qazaqstan halqy­nyń beıbitshilikke negizdelgen dos­tyq kerýeni degen uǵymǵa saıady. Bul «kerýen» eli­miz­diń barlyq oblys­tary­­­nan ótedi. Ak­sııa aıasynda saı­laýal­dy jıyn­dar men kezdesýler, qoǵamdyq pikirtalastar men pikir­saıyst­ar uıym­das­tyryla­dy»,– dedi S. Geroev. Basqosý sońynda oǵan qatysý­shylar jınalǵan qaýymdy el ishindegi saıası naýqannyń barlyq zań normalary men halyqaralyq saılaý standarttaryna saı ótýi­ne kúsh salýǵa shaqyrdy. Láıla EDILQYZY.