"ErtisInvest" forýmynda quny 300 mlrd teńge turatyn jobalarǵa qol qoıyldy

Oblys ortalyǵynda halyqaralyq «ErtysInvest-2016» ınvestısııalyq forýmy ótti. Oǵan elimizdiń ózge óńirlerinen, Reseı, Belarýs, Qytaı, Germanııa jáne Fransııa elderinen ókilder, sheteldik dıplomatııalyq korpýs ókilderi, sheteldik bankter men kompanııalar ókilderi qatysty. Jergilikti ákimdik, bank jáne bıznes ókilderi mańyzdy forýmdy Sultanmahmut Toraıǵyrov atyndaǵy ýnıversıtette, Eýrazııa ınnovasııalyq ýnıversıtetinde jáne Dostyq úıinde jalpy, plenarlyq otyrystar túrinde uıymdastyryp, sońynan memorandýmǵa qol qoıyldy. Forýmda aldaǵy ýaqytta ón­diristi óńirdiń áleýetin artty­rýǵa septesetin ınvestısııalyq jobalar usynyldy. Maqsaty – otandyq jáne sheteldik ınvestorlarǵa óńirdiń ınvestısııalyq áleýeti men múmkindikterin tanystyrý. Osymen úshinshi ret ótkizilgen halyqaralyq «ErtysInvest-2016» ınvestısııalyq forýmyna, oblystyq ındýstrııalyq-ınno­vasııalyq basqarmanyń habaryn­sha, jalpy qatysý úshin 500 adam tirkelse, olardyń ishinde 200 qazaqstandyq kásipker bar. Forým­nyń jumysyna elimizdiń In­vestısııalar jáne damý mınıstr­liginiń birinshi vıse-mınıstri Albert Raý, oblys ákimi B.Ba­qaýov, Belarýstiń Gomel ob­lystyq atqarý komıtetiniń tór­aǵasy V.Dvornıktiń basqa­rýymen kelgen delegasııa, Shy­ǵys Qazaqstan oblysynyń ákimi D.Ahmetov, «Atameken» UKP basqarmasy tóraǵasynyń orynbasary A.Myrzahmetov, «Damý» qory basqarmasynyń tór­aǵasy Q.Tóleýshın, «Qazaqstan ındýstrııalyq damý ınstıtýty» AQ basqarmasynyń tóraǵasy A.Kúlseıitov, basqa da sala ókil­deri qatysty. Forým bastalǵan S.Toraı­ǵyrov atyndaǵy ýnıversıtette, eń aldymen, «Pavlodar oblysynyń ındýstrııalyq damýy. Keshe. Búgin» taqyrybynda sýretter men ınvestısııalyq jobalardyń kór­mesi ótti. Kórme zalynda ta­nystyrylǵan jobalar alıýmınıı, munaı-hımııa jáne temir jol klasterin, saýda-logıstıka ınfraqurylymyn, agro­ón­­diristik keshendi, shaǵyn jáne orta bıznesti, týrızmdi damy­týǵa baǵyttaldy. Al ple­narlyq otyrysta oblystyń ınves­tı­sııalyq múmkindikteri beınerolık arqyly kórsetildi. Oty­rystarda jastar kásipkerligi, aımaqtyq ekonomıkanyń damýy, memleket-jekemenshik serik­testigi men kó­lik-logıstıka múm­kindikteri máselesi talqylandy. О́ńirdiń ınvestısııalyq joba­larynyń kórmesine 47 stend-taqta qoıylyp, ınvestısııalar tartýdy qajet etetin 16 joba, pavlodarlyq joǵary oqý oryn­darynyń 15 startap jáne ınves­tısııalyq jobalary, sonymen qatar, oblystyń qalalar men aýdandarynyń ınvestısııalyq tartymdylyǵyn beıneleıtin jobalar tanystyryldy. Jergilikti kásipkerler palatasy «Jas kásipkerler» mektebiniń túlekteri «Torrent mobile» dep atalatyn joba usyndy. Jalpy, forýmda ınvestısııa salýdy qajet etetin 30-dan astam bıznes-joba usynyldy. «Forým ótkizýdegi maqsat – ınvestısııa tartý. Kezdesýdiń nátıjesinde, 300 mlrd teńgeden astam somany quraıtyn jobalarǵa qol qoı­yl­dy. Oblysta 800-den astam óndiristik kásiporyn jumys isteıdi. Bul – kásipkerlikti damy­týǵa barlyq jaǵdaı jasalǵan degen sóz. Mysaly, Baıanaýylǵa áýe reısterin ashý úshin bıyl jobalyq-smetalyq qujattamany ázirleýge 10 mln teńge kerek, bul joba tıimdilik ákeledi dep kúti­ledi», deıdi B.Baqaýov. Forým barysynda Belarýs­ten arnaıy kelgen delegasııa Jelezınka aýdanyndaǵy «Pa­har» agroqalashyǵynda bolyp, sharýa qojalyǵy ósiretin kartoptyń jańa sortymen tanys­ty. О́zderinde aýyl sharýshalyǵy aıtarlyqtaı jaqsy damyǵan belorýster bizdiń óńirdiń de aýyl sharýashylyǵyna, ásirese, jyl saıyn kartop, kókónis ónim­deriniń asta-tók mol ónim beretin sorttaryna tańdanys bildirdi. Sharýa qojalyǵynyń taýarly-sút fermasynyń, mal bordaqylaý alańynyń ju­mysyn kórdi. Kókónis saqtaý qoımasynda taý bolyp úıilip jatqan kartoptyń kúlgin tústi jańa sortyna nazar aýdardy. Forýmda Belarýspen 6 túrli kelisimshart jasalǵan bolatyn. «О́ńirdiń usynǵan jobalarynyń bári de ekonomıkalyq jaǵynan asa mańyzdy. Pavlodarlyq bıznesmender qashanda durys ba­ǵytty tańdaıdy», dedi Shyǵys Qazaqstan oblysynyń ákimi D.Ah­metov. Farıda BYQAI, «Egemen Qazaqstan» Pavlodar oblysy Sýretterdi túsirgen Rýfına TORFIShEVA